¹ Pala u Yahweh u Chala winu ababika mu kaya ko inthi abape, inthi akafumie ivisu ivinji kukwinu--abaHittites, aba Girgashites, aba Amorites, aba Canaanites, aba Perizzites, aba Hivites, naba Jebusite---seveni ivisu ivikilu nivyamaka ukulsya umwe. ² We Yahweh u Chala winu we inthi abape abene ku kwinu pala mwabapota, po mubakomania bonsi.Tenukafingepo ulufingo nabo, sona temukabalangizyepo ichisa. ³ Ninsendwa nayimo yo inthimusenganie nabo. Temukabape abasungu binu abalmendo babo, posna temukasende abasungu babo ukwiza kuba lumendo binu. ⁴ Pakuti inthibakabapunganie abana binu abalumendo baleke pakunkhonkha une, ukuti bipute aba chala abinji. Po ubukalale bwa Chala inthi bukabe papinu, sona inthi akabakomanie lubilo. ⁵ Umu momo inthimulimbanile nabo: inthi mukawisye amaghemo ghabo, ukumenyulania amapilala ghabo aghamabwe ukuba tumamanyania, ukudumula amapolo ghabo agha chela, nukocha aba chala babo aba kunzi. ⁶ Pakuti mwe chisu cho u Yahweh u Chala winu akachipatula. Asala ukuti ube wemunthu wache, ukulusya abanthu bonsi bobali pachisu. ⁷ U Yahweh atakabika ulughano lwache papako pamo ukukusala chifukwa chakuti mukaba binji ukulusya abanthu bonsi---pakuti mukaba mwe banandi ku banthu bonsi---- ⁸ loli chifukwa chakuti abaghanite, akasunga ulufingo lo akalapa naba tata bako. Ichi chocho chifukwa u Yahweh abafumia ninyobe yache iyamaka sona abapoka munyumba iyabuzya, ukufuma mu nyobe ya Pharaoh, umwene waku Ijiputi. ⁹ Polelo mumanye pakuti u Yahweh u Chala winu--we chala, u Chala umusubaliwa , we akasunga amapangano sona musubaliwa kunkhulile ama sauzande nabo bamughanite, ¹⁰ loli uzukulifya bobamubengite umwene pa vyeni vyebo, ukubananga; atazuba nichisa kwa wensi yo amubengite; uzumulifya umwene pamanso pache. ¹¹ Po muzusunga indaghilo, ninkhomelezya nindaghilo zyo nabakomelezya ilelo zyo inthimukazibombezyenge. ¹² Pala mwivwisya ku ndaghilo izi, nukusunga sona nukuzibomba, u Yahweh u Chaala winu inthi akasunge ipangano sona nubusubaliwa bo akalapila ku batata binu. ¹³ Inthi akabaghane, sona inthimukanyame. Inthi akasaye ku nkhomwa chanthumbo zinu, kunkhomwa cha muwunda winu, imbeyu yinu, uvinyo winu umupya, namafut ghinu-- iviwata vya ngòmbe zinu sona utwana twa vitekwa vinu mu chisu cho akalapila abatata binu ukuti alibapa. ¹⁴ Inthi mukasayiwehe ukulusya abnthu bonsi; tepakabepo umulumendo we ate numwana pamo umusungu we atakupapa mumwinu pamo muvitekwa vinu. ¹⁵ U Yahweh inthi akafyumepo indwala yonsi; te akabikepo imbina nazimo izibibi izya Ijiputi zyo muzimenye papinu, loli inthi akazibike pa bonsi bobakubengite. ¹⁶ Inthi mukabe nabanthu bo uYahweh u Chala winu inthi akabape, po nilinso linu telikabapelele ichisa. Te mukipute aba chala babo pakuti itichikabe chipingo chinu. ¹⁷ Pala mukunena mu myoyo winu, 'Ivisu ivi vinji nkhani ukulusya une; ningabakana bulibuli?----- ¹⁸ mutakaboghope, inthimukakumbuke vyo u Yahweh u Chala winu akabomba kwa Phraoh sona nakuba Ijiputi bonsi; ¹⁹ ukunyala ukukulu ko mukalinga namanso ghinu, ivimanyisyo, iviswigho, ninyobe iyiwolosiwa yo u Yahweh u Chala winu akabafumia nayo. U Yahweh u Chala winu inthi akabombe ubonyene kuba banthu bonsi bo mukuboghopa. ²⁰ Posona u Yahweh u Chala winu inthi akatume amavwivwi pakasi papab, mphaka bobasyete sona bobaka bavwama bakomanike nukubapo kwinu. ²¹ Temuka boghopepo chifukwa chabo, pakuti u Yahweh u Chala winu ali mumwinu, u chala umukulu sona umusisya. ²² U Yahweh u Chala winu inthi akafumie ivikaya ivikulu panandi panandi. Temukabapote bonsi pakabalilo koka, pamo ivinyamana vyamunkholongo ivinji inthivikabazungulile. ²³ Loli u Yahweh u Chala winu yo inthi akabape ubupoti po inthimukakomane nukulwa nabo; inthi akabavulunganie mphaka po inthibakanangike. ²⁴ Inthi akabike aba mwene babo pansi pamaka ghinu, po inthi mukapange amazina ghabo ghazime pa chisu. Nayumo inthi akimilile pamanso ghinu, mphaka po mwaba komania. ²⁵ Inthi mukoche ivyakubaza vyabo ivya bachala babo--mutakasende u siliva pamo u golide yo aba zungulile ubunyene, inthi mukateghiwe navyo---pakuti techakwitikiziwa kwa Yahweh u Chala winu. ²⁶ Mutakize mubike nachimo cho chitikiziwe mu nyumba yinu nukwanda ukuchiputa. Visende nukuvikomania, pakuti visaliwe ukuti vikomanike.