¹ Bo iza muchisu cho u Yahweh u Chaa winu akabapa umwe ukuba chisu chinu, sona nukuchipoka ukuba chinu nukwikala mumo, ² Po mukwenela usenda vimo ivyabwandilo ivyamu chisu cho u Yahweh u Chala akabapa umwe. Ukwenela ukuvibika muchitundu sona nubuka navyo kubuyo bo u Yahweh u Chala wako asalite uya pabika mwina zima lyache. ³ Ukwenela uya kwa umuputi yo inthi abombe amasiku ghonsi sona uye umubuzye uti, 'Nitika ilelo kwa Yahweh u Chala wako uti une nafika muchisu cho u Yahweh akabapa aba sekulu bitu pakuti batupe uswe.' ⁴ Umuputi asende ichitundu munyobe zyache sona aye abike pachighemo cha Yahweh u Chala winu. ⁵ Ubaghile uwe wamule panthanzi pa Yahweh u Chala wako, 'Usekulu wane akaba wakwendakwenda mu Aramean. Akabuka ku Egypt ko akaya anda pakwikala kulanye, sona abanthu bache bakaba inambala iyakuchepa. Kulanye bakiza bavula, abamaka, sona umutundu wabo wukabala. ⁶ Aba Egypt bakatubonvya akabibi bakanda pakututamia nkhani. Bakatupa imbombo ingomu nkhani uswe. ⁷ Tukalila kwa Yahweh, u Chala waba tata, sona akatwivya amazwi ghitu sona akalinga ukuyimba kwitu, ni mbombo zitu, sona ningelo. ⁸ U Yahweh akatufumia mu Egypt ni nyobe iyamaka, inyobe iyakuwoloswa, yikalangiza ivinthu ivikulu iyvakowofya, nivinanyiswo, ⁹ sona nivyakuswighiswa; sona akatusenda uswe kubuyo ubu nutupa uswe ichisu, ichisu cho chikwendela ulukama nu buchi. ¹⁰ Polinga, niza navyo ivyakupangiwa ivyabwandilo uwe, u Yahweh, wampha une.' Muvibike pansi pamanso gha Yahweh u Chala wako sona mwipute panthanzi pa Yahweh; ¹¹ sona uzuhoboka muvinthu vyonsi iviza vyo u Yahweh u Chala wako akupa pati vyako, panyumba yako--uwe, sona naba Levi, naba lendo bo bali nuwe. ¹² Palamwamala pakubika vyonsi ivya nambala teni ivya miaka yitatu, bobo, mwaka ubwakubikila icha teni po mubaghile mubike kwa Levi, kwa mulendo, kwa mupina, sona nakwa mufwilwe, pakuti tibalye bikute mumilyango ya muchikaya chinu sona mwizuzye. ¹³ ubaghile unene pamaso pa Yahweh u Chala winu,' Une navitumya vyonsi munyumba mwane vyovya Yahweh, nabapa aba Levi, umwizilila, kwamufwilwe, ukuyana ni ndaghilo zyo akampha. Mwanakazi yo ate numwanalume ukwakuyana ni ndaghilo zinu zyonsi zyo umphile une, une nthananganizyepo indaghilo nayimo, pamo ukughaluvya. ¹⁴ Une nthakalyapo mukulila kwane, nthakafumiapo nakamo po nkhaba ne munyazu, nthakabika nakamo pabakufwa. Nivya mazwu agha Yahweh u Chala wane; Po inthi sunge zyonsi indaghilo zyo mumbuzizye pati mbombe. ¹⁵ Lingisya pansi muli mumalo ghinu agha sayiwa gho mukwikalamo, ukufuma ku mwanya, sona ubasaye abanthu bako aba Isreal, sona nichisu cho watupa uswe, ngati cho ukalapa kuba tata bitu, ichisu cho chikwenda nu lukama nu buchi.' ¹⁶ Ilelo u Yahweh u Chala winu akabalamula pakuti mwivyile indaghilo sona mughivwisyehe; nu moyo winu ghonsi sona ninyinoghono zinu zyonsi. ¹⁷ Uwe watamuswa ilelo ukuti u Yahweh we Chala winu, sona inthi mwende munzila zyache nukusunga indaghilo, nama lango ghache, sona umwe mukwenela mwivwile amazyu ghache. ¹⁸ Ilelo u Yahweh atamusya pati mwe banthu bache, ngati mo akapanganila numwe, sona mukwenela ukusunga indaghilo zyache zyonsi, ¹⁹ sona nkhuzukwimika uzuba pamwanya pa visu vyonsi vyo une mphangite, uzupaliwa mu mbili, na mu nchindi. Uzuba we munthu umusayiwa kwa Yahweh u Chala wako, ngati mo akanenela.''