¹ Po tukang'anamuka nukwanda ubulendo bwitu ubwakuya ku nkholongo ukwendela inzila yakuya ku nyanja iyikulu iya matete, ngati mo u Yahweh akambuzizya; tukazyungulila ipili lya Seir kwa masiku aghinji. ² U Yahweh akanena kukwane, ukuti, ³ 'Mwazyungulila kako ipili ili; ng'anamukila ku lulu. ⁴ Balamule abanthu, ukuti, ''Mubaghile mwendele inzila zya ba wamwinu, aba lunyungu lwa Esau, bo bakwikala mu Seir; inthi ba boghope umwe. Po muchebe ⁵ loli mutakalwe nabo, pakuti te nize mbape akaya kabo nakamo, awe, pamo nakanandi nakamo akakuti aka lunzula ka kuchinama pakuti kinjilemo ; pakuti nkhamupa u Esau ipili lya Seir ukuba chuma chache. ⁶ Inthi mukaghule ichakulya kukwabo na makopala, ukuti mulye; mukwiza ukughulanga sona na minzi ku kwabo na makopala, umwakuti mung'we. ⁷ Pakuti u Yahweh u Chala winu abasayite mu mbombo zyonsi izya nyobe zinu; amanya amendelo ghinu mu nkholongo iyi. Pakuti imyaka fote iyi u Yahweh u Chala winu ali numwe , sona mutasobilwepo nachimo.''' ⁸ Po tukenda pa ba wamwitu, aba lunyungu lwa Esau yo akwikala mu Seir, pabutali ni nzila ya Arabah, ukufuma ku Elath sona ukufuma ku Ezion Geber. Po tukang'anamuka nukwenda pa nzila ya nkholongo ya Moab. ⁹ Po u Yahweh akanena ku kwane, 'Mutakamutamye u Moab, sona mutakapange ubwite nabo. Pakuti te mbape akaya kache ukuba chuma chinu, chifukwa nabapa u Ar ku lunyungu lwa Loti, ukuba chuma chabo.' ¹⁰ ( Aba Emites bakikalanga mulanyene pa bwandilo, abanthu bachindikiwa, abinji, sona abatali ngati aba Anakimu; ¹¹ aba bope bakuba ngati ba Rephaim, ngati ba Anakim; loli aba Mobites bakubitizya ukuti ba Emites. ¹² Aba Horites bope bakikalanga mu Seir kale, loli ulunyungu lwa Esau lukabapyana. Bakabakomania ukufuma bo batizite sona bakikala pa buyo bwabo, ngati mo u Israel akabombela ku chisu cha chuma chabo cho u Yahweh akabapa abene.) ¹³ '''Po nyamuka sona mubuke ku Zered.' Po tukabuka ku Zered. ¹⁴ Po amasiku gho tukafumila ku Kadeshi Barnea mpaka tukapululila u Zared, yikaba imyaka sate eyiti. Kakaba kabalilo kala ko inkhulile yonsi ya banthu bo bakabaghila pa kulwa ubwite bakafuma ku banthu, ngati mo u Yahweh akalapila kukwabo. ¹⁵ Po sona, inyobe ya Yahweh yikalimbana nu nkhlile yilanyene ukuti yibakomanie ukufuma ku banthu mpaka po babukila. ¹⁶ Po vikabombwa, bo abanthu bonsi bo bakabaghila pakulwa bafwa sona babuka ukufuma mu banthu, ¹⁷ u Yahweh akanena kukwane, ukuti, ¹⁸ 'Mubaghile ilelo mupitilie u Ar, iphaka nu Moab. ¹⁹ Nanthi mwafika papipi na banthu ba Amoni, mutakabayimvye pamo ukulwa nabo; pakuti te nize mbape nachimo ichisu cha banthu ba Amoni ukuba chuma chinu; pakuti nkhabapa aba lunyungu lwa Loti ngati chuma chabo.''' ²⁰ (Aka kope kabaghile ukuba kaya ka Rephaim. Aba Rephaim bakikalanga kulanyene pa bwandilo---loli aba Ammonites bakabitizyanga abene ukuti Zamzummim--- ²¹ abanthu abakulu, ngati bwinji, sona ngati batali ngati bina Anakim. ²² Loli u Yahweh akabanangania panthanzi pa ba Ammonites, sona bakabapyana nukwikala pa buyo bwabo. Ivi u Yahweh akavibomba sona ku banthu ba Esau, bo bakikalanga mu Seir, po akabananganianga aba Horites ukufuma kukwabo, sona ulunyungu lwa Esau lukabapyana sona bakwikala mu buyo bwabo mpaka nilelo. ²³ Ku ba Avvites bo bakikalanga mutwaya twa pa butali ngati twa Gaza, aba Caphtorim, bo bakafuma ku Caphtor, bakabanangania nu kwikala pa buyo bwabo.) ²⁴ '''Po nyamuka, anada ubulendo bwinu, mupululile ikombe lya Arnon; linga, nabapa mu nyobe zinu u Sihon umu Amorite, u Mwene wa Heshbon,sona ni chisu chache. Anda pakupyana, sona ulwe nawe ubwite. ²⁵ Ilelo inthi nande pakubika ubogha nukutetema kwinu pa banthu bo bali pansi pa chisu; inthi bakivwe imbili yinu sona inthi bakoghope nukuba nukutetema chifkwa chinu.' ²⁶ Nkhatuma abalamulili ukufuma ku nkholongo ya Kedemoth ukuya ku Sihon, u Mwene wa ku Heshbon, na mazwi gha mutende, nukuti, ²⁷ 'Leka nende mukaya kinu; Inthi nende inzila iyitali; te ng'anamukileko ku nyobe ya ndyelo pamo ku nyobe ya mongo. ²⁸ Inthi munguzizye ichakulya na makopala, ukuti indye; munguzizye na minzi, ukuti ing'we; loli mundeke bwaka ukuti mpululile ukwendela mu matamba ghane; ²⁹ ngati lunyungu lwa Esau lo lukwikala mu Seir, sona ngati ba Mobites bo bakwikala mu Ar, bakambombela une; mpaka nende nu kupululila u Yolodani ukuya ku chisu cha Yahweh u Chala akutupa uswe.' ³⁰ Loli u Sihon, u Mwene wa Heshbon, atakatwitizya twende kukwache; pakuti u Yahweh u Chala winu akaghomya aminong'ono ghache sona nu moyo wache, ukuti amupote ukwendela mu maka ghinu, cho abomba mwisiku li lelo. ³¹ U Yahweh akati kukwane, 'Linga, nanda pakubika u Sihon sona ni chisu chache panthanzi papinu; anda pakubomvya, umwakuti mupyane akaya kache; ³² Po u Sihon akiza pakulimbana nuswe, umwene na banthu bache bonsi, ukuti tulwe pa Jahaz. ³³ U Yahweh u Chala witu akamubika amaka ghitu po tukamupota poka na bana bache abalumendo sona na banthu bache bonsi. ³⁴ Tukasenda utwaya ywache utukulu tonsi akabalilo kalanyene nukukomania akaya akakulu konsi--abanalume sona na banakazi poka na bana abanandi; atakalekiwapo uwa bumi nayumo. ³⁵ Iviyekwa vyene vyo tukasenda ngati muvwalo witu, pakukomania itwaya utukulu to tukasenda. ³⁶ Ukufuma ku Aroer, bo buli ku bumalilo kwikombe lya Arnon, sona ukufuma ku kaya akakulu ko kali mwikombe, mu nzila yakuya ku Gilead, kutakaba akaya ko kakaba katali ku kwitu. U Yahweh u Chala witu akatupa mu nyobe zitu. ³⁷ Katakaba kaya aka balunyungu lwa Ammon kene ko mutakayako, sona na kumbali kwa lusoko lwa Jabbok, sona nu twaya utukulu utwa kaya akachipili----- ko u Yahweh u Chala witu akatukanizya pakuyako.