¹ Akuwana, tai ma takum kun ma imman fi Rabuna tanina Yesua al Massie Rabuna ta mejid ma terfiriga le nas tanin. ² Wa iza zol tani dakalo fi nus takum libisu khatim min dahab wa malabis, al kwes, wa kaman kan dakalo fi nua takum zol al meskin ma malabis al waskan. ³ Kan intakum ayeno le zol al libisu malabis al kwes wa kelimu, ''arujuuk geni ini fi mahaal al tamum,'' lakin intakum kelimu le zol al meskin, ''inta wogifo bara inak,'' aw ''geni fi kora tai, ini, '' ⁴ Haal intakum ma bi hukumu fi nufus takum? haal intakum ma biga guuda ma afkhar al shirir? ⁵ Asuma, akuwana tai al mahbubin Allah ma yau azilo maskin al fi alam ashan bi kun ghani fi imman wa bi wariso al malakuut al huwo waadu le deleen al hibu huwo? ⁶ Lakin intakum ma ihteram al meskin! al meskin de ma yau sultaan fogo intakum? ⁷ haal humon ma yau bi shilu intakum le mahkama? Haal humon ma bi shitimo al isim al kwes al intakum tabi le huwo? ⁸ Ashan keda, kan intakum kamilu ganuun ta Allah, hasab ketab, ''intakum kede hibu jeraan taki ze nefsa takum, '' intakum amulu kwes. ⁹ Lakin kan intakum ferigu nas tanin, intakum bi amulo katia, wa hukumu intakum bi hasab ganuun ze nas al kasoro ganuun. ¹⁰ Le aye zol al bi ihteram ganuun kulu wa huwo waga bes fi wahid sika, tala galtaan fi kasoro ganuun kulu. ¹¹ Al kelimu, '' ma ta amulu zina,'' kaman kelimu, '' ma ta katulu, '' kan inta ma amulu zina, lakin kan inta katulu, inta biga kasoro ganuun. ¹² Ashan keda wonusu wa amulu ze deel al bi hukum bi sika ta ganuun ta huriya. ¹³ La ano hukum bi jaa bidon rahma le deel al ma indo rahma. rahma bi gelibu hukum. ¹⁴ Kwes tuo sunu, akuwana tai, kan zol tani kelimu huwo indo imman, lakin huwo ma indo shokulat? haal imman de bi kalisu huwo? ¹⁵ Kan fi akuo aw ukut libisu gumas bataal wa ma indo akil ta yom. ¹⁶ Kan fi wahid min intakum kelimu le huwo, '' rowa ma salam, geni daafi wa kun shabaan,'' kan intakum ma wodii le humon al hajaat al muhim le gisim, de yatu kwes? ¹⁷ Fi nus teriga imman bi nefsu, kan ma indo shokulat huwo meit. ^{18 19 20} Lakin zol tani bi kelim, '' inta indo imman, wa ana indo ahokulaat. '' wori le ana imman taki bidon shokulaat, wa ana bi wori le inta imman tai ma shokulaat. inta amin fii Allah wahid; inta amulu kwes. Lakin hata shayateen amin, wa humon bi regiff ma kafu. Inta der arufu, insaan al beleed, imman bidon shokulaat huwo ma indo faida? ²¹ Abu bitana Abraham kan ma beriru bi shokulaat zaman huwo gedimu Isaac jena tuo fogo mazbaha? ²² Inta ayeo imman ishtakaal ma shokulaat tuo, wa bi shokulaat imman tuo kan kamil. ²³ Al ketab kan kamil kalamaat de, '' Abraham amin fi Allah wa kan hasibu le huwo geni adeel, '' wa kan nadi huwo sabii ta Allah. ²⁴ Inta ayeno bi shokulaat insaan beriru, wa ma bes bi imman. ²⁵ Bi nefsu teriiga kaman, kan ma Rahab al zani beriru bi shokulaat, zaman hiya rahibu marasulaat wa rasulu humon bara fi sika .tani? ²⁶ ze ma gesim bara min al roho huwo meit, kaman imman bara min shokulaat huwo meit