1
Ambiya al kadabin ja le nas, wa mualimin al kadabin kaman bi ja le itakum. be teriga tabsir umun
bi jibu ma umun talim al galat, wa umun bi anguru said al biu umun. Umun gi jibu damar gowam
le badun tumun.
2
Ketirin biruwa wara uslub tumun, wa be wasat umun sika ta hag bi wuduru.
3
Be shukul tamma umun biligu maksab bi kelimat tumun ta kabasa. Hukum tumun ma bi akir
ketir; damar tumun ma gi num.
4
Kan Allah ma sibu malaikat al amulu katiya bidun uguba. Lakin
uwu selimu umun murbutin be genzir fi makan ta duluma lakadi yom ta hukum.
5
Kaman, uwu
ma sibu nas ta alam al gem. Lakin, uwu hafiso Noah, al gi wunuso bir, ma saba nas tanin, wekit
uwu iba tofan fi dunia al ma deru Allah.
6
Allah bardu aragu itnin medina ta Sodoma wa Gomora
le rumad wahukumu umun be damar, asahn bi kun misal le haja al gi ruwa hasil le nas al bi rudu
Allah.
7
Lakin ze le Loto al baar, al kan assuro ma aklak ta nas al gi kasuru ganun, Allah ankiso
uwu.
8
Asahan zol al baar de, al kan gi ish fi nus tumun yom bat yom, kan gi tabu demir tuo al
baar ashan haja al uwu asuma wa ayinu.
9
Allah arufu kef bi angiso nas tuo min tajarub, wa kef
bi amsuku nas al ma baar le yom ta hukum.
10
De hagiga kasatan le delin al bi istemir fi niyat ta
fasad ta gisim wa bi alisu sulta. Umun ma gi kafu ashan amulu irada tumun. Umun ma gi kafu
ashan bi wunuso galat an al mumajid.
11
Malaikat indu gowa wa gudura azim, lakin umun ma jibu
le Rabuna hukum ta sitima dit umun.
12
Lakin delin al ze haiwanat al ma indu muk kalagu umun
ashan bi gubudu wa demiru. Umun ma aruf umun gi sitimu shunu. Gi ruwa demiru umun.
13
Umun
bi agudu ujura ta amulu galat tumun. umun fekir gali amulu niyat bi nahar uwu liza al kwes. umun
waskanin wa indu uyub. Umun gi itmata shukul kabasa tumun ligu umun gi ihtefil ma itakum.
14
Umun indu uyun al maliyan be nuswan ta zinna; umun ma gi saban bi katiya. Umun gi kabsu
nefus al ma sabit le amulu batal, wa glub tumun deribu fi shukul tamma. Umun Eyal ta laana.
15
Umun sibu sika al sah. Umun wuduru, wa umun ruwa wara sika ta Balaam Jena ta Bior, al hibu
shilu Rushwa min nas al ma baar.
16
Lakin uwu ligu tawbik le galat tuo. Humar al aterisa wunuso
be sot ta insan wa wegifu shukul belit ta Nebi.
17
Nas del ze keran al ma indu moyo. Umun ze
sihab al gi shilu ma hawa. Duluma shedid hafiso le umun.
18
Umun gi wunuso kalamatfarik be
dala. Umun gi juru nas be wasat shahwat ta gisim. Umun gi juru nas al gi hawil jere min delin al
gi ish fi galat.
19
umun gi waidu le umun huriya lakin umun zato abid ta fasad. Ashan insan uwu
abid ta ayi haja al gi gilibu uwu.
20
Ayi zol al gi tefes min najasa ta dunia be marifa ta Rabuna wa
Mukalis Yesua al Messih, wa rija le najasa tani mara, mostawa al akir de biga akir min al awel.
21
Kan bikun kwes le umun kankan umun ma arufu sika ta bir bital bi arufu wa bi rija wara min
wesiya al mukadas al wedi le umun.
22
Masal de hagiga le umun: Kelib rija le turash tuo. Kuduruk
.al kasulu rija le tiin