¹ Ingat kan urang nyaman patuh ka pemerintahan lalue penguasa, taat lalue siap mangaruh satiap pangawi am baie, ² honta maadu domba sapa pun, honta bakalahi, ramah, inya bujur basikap lomah lembut taharap uras urang. ³ Laie, dirie holu bungul, honta taat, sosat, dihulun laie bamacam nafsu lalue karami, hirup lalam kajahat lalue hiri hati, pangili lalue saling pangili. ⁴ Tapie, metuh kemurahan lalue kasih Hatalla, Juru Selamat dirie, ditampa, ⁵ Inya menyelamatkan dirie, bukan laie pangawi bujur am dirie karuh, bukan laie belas kasih-Nya malalu mamasu kelahiran baulang lalue penghiburan Roh Barasih, ⁶ am Inya curahkan katingi dirie honi malimpah malalu Kristus Yesus, Juru Selamat dirie. ⁷ Jadie, metuh dibujurkan laie anugerah-Nya, dirie jadie ahli waris sasuai pengharapan am kekal. ⁸ Paner itie memang bujur. Tuntang hal itie akan hona bujur yakin nyaman urang am jadie percaya ka Hatalla rajin mangaruh gawi am baie. Hal itie baie lalue am baguna akan uras urang. ⁹ Tapie, badari mula bajawab basual, silsilah-silsilah, salah paham, lalue sual dalel am bungul tuntang Hukum Taurat laie hal iyah mayan ara guna nya lalue sia-sia. ¹⁰ Akan urang am mangaruh jawab sual, ingatkan inya laie suti lalue dua kali, limah iyah jauh kan inya. ¹¹ Laie kolai ingat urang bera iyah jadie disosatkan lalue ponuh laie dosa, inya manatangkan hukuman katingi inya kanirinya. ¹² Jadie aku mautus Artemas lalue Tikhikus ka kolai, bausaha akan datang ka aku ka Nikopolis laie aku jadie nyuruh kam diam koyah salama musim colap pagi. ¹³ Honi ka onya tulang urat mu, rompuh Zenas, am lihai hukum iyah, lalue Apolos am tege lalam pajalan nyaman urang honta kurang samacam apa pun ¹⁴ Harus urang dirie balajar rajin lalam mangaruh gawi baie nyaman urang tahu memenuhi keperluan hirup saarie-arie lalue honta hirup honta babuah. ¹⁵ Uras urang am tege barota aku mamaner salam akan kolai. Parahkan salam ku kan urang am manyiha kamie lalam iman. Anugerah barota kolai urasnya.