¹ Aku mamaner kabujur lalam Kristus, aku honta marongka, lalu suara hati ku uma basaksi barota akan Roh Barasih, ² laie dukacitaku puna bakah tarus sedih kalalam hati ku ³ Laie, aku maharap nyaman kaniriku tasumpah, tapisah mula Kristus akan kawan manyari ku, kawan bangsaku sacara jasmani ⁴ iyah am urang Israel; hak milik diangkat jadie ana Hatalla, manarima kemuliaan, perjanjian-perjanjian, manarima pamori Hukum Taurat, sambayang, lalue janyi. ⁵ Urang yah am katurunan ompai laluhur, mula antara urang yah am Kristus dilahir mula daging, Inya yah am Tuhan tingi sagalanya am tapuji sapalamatnya. Amin! ⁶ Laie iyah, Firman Hatalla honta balang. Laie, honta uras urang am mula Israel iyah am urang Israel, ⁷ honta uras katurunan Abraham iyah am ana nya, tapie "am dijoku katurunanmu iyah am baasal mula Ishak." ⁸ Hal itie baarti bukan ana sacara daging am tahitung jadie ana Hatalla, bukan ana perjanjian am tahitung samahkan katurunan. ⁹ Laie, itie am paner janyi iyah: "Metuh itie am aku akan datang, lalu sara bagora siku ana kalaki." ¹⁰ Honta kali itie, tapie metuh Ribka manganung ana mula siku urang, iyah am Ishak, hia umuh diri. ¹¹ Lai, sahompan ana iyah lahir hompan mangaruh samacam am baie lalu am jahat, nyaman tujuan Hatalla mangona pilihan-Nya ditoguh honta laie pangawi tapi laie Inya am manimai, ¹² ujanya parah ka Ribka, "Ana am tuha akan mahuan aringnya." ¹³ Bera tege tatulis, "Aku manyiha Yakub, tapie aku pangili akan Esau." ¹⁴ Jadie, apa am hona dipaner diri? Apa Hatalla honta adil? Sakali honta! ¹⁵ Laie inya bapaner ka Musa, "Aku mamalas budi kasapa Aku hona mamalas budi, lalu Aku hona bamurah hatie kasapa Aku hona bamurah hati." ¹⁶ Jadie, hal iyah honta maharap kan kahona pangawi kalunen, tapie ka Hatalla am manunyu kamurahan-Nya. ¹⁷ Laie, Buku Barasih bapaner ka Firaun; "Laie alasan itie am Aku maangkatmu nyaman Aku manunyu kuasa-Ku kalalammu, nyaman nama-Ku dikabarkan kasaluruh bumi." ¹⁸ Lalue, Hatalla mamalas budi kasapa jam am dikahona-Nya, lalu mangoring hati sapa am dikahona-Nya. ¹⁹ Jadie, kolai bapaner ka aku: "Ngapa inya masih manyalah? Laie, sapa ja tahu malawan kahona-Nya?" ²⁰ Sabalinya sapa kolai, uii kalunen, ngapa kolai malawan ka Hatalla? Laie samacam am dikaruh bapaner ka am ngaruhnya, "Ngapa kolai mangaruh aku bera itie?" ²¹ Apa tukang tembikar honta ba hak tingi tanah liat; honi mangaruh mula gumpal tanah am samah bera bejana honi hal am mulia, lalue bejana am bukan dihoni laie hal am hina? ²² Bera apa amun Hatalla, biar inya hona manunyu pangusar-Nya lalue hona manampa kuasa-Nya, jadie manangung kasabar am bakah taharap bejana-bejana pangusar-Nya am jadie disadia honi kamatian? ²³ Inya mangaruhnya honi manampa panatau kemuliaan-Nya tingi bejana balas budi-Nya, am jadie disadia-Nya akan kemuliaan, ²⁴ iyah am diri, am ditimai-Nya, bukan baya mula antara urang Yahudi, tapi jam mula antara bangsa am bukan. ²⁵ Bera am diparah-Nya lalam kitab Hosea: "Urang am bukan umat-Ku, akan kujoku umat-Ku jam. Lalue am honta kusayang, akan kujoku 'am kekasih' "Hosea 2:23 ²⁶ Lalue, "kahoman Hatalla bapaner am jadie lalu: 'Kolai bukan umat-Ku,' kahoman iyah urang dijoku 'ana Hatalla am hirup.'" Hosea 1:10 ²⁷ Lalue Yesaya kan manangis Israel: "Biarpun jumlah ana Israel bera pasir laut, tapie sia-sia urang meh akan diselamatkan, ²⁸ Laie Tuhan akan mangaruh Firman-Nya katingi bumi, laca lalue sempurna." Yesaya 10:22-23 ²⁹ Samah bera am dikaruh laie Yesaya: "Amun Tuhan Semesta Alam honta maningal ka diri katurunan, diri jadie samah bera Sodom lalu mirip Gomora." Yesaya 1:9 ³⁰ Jadie, apa am dipaner diri? Laie bangsa iyah bukan Yahudi am honta uma am bujur, jadie baulih am bujur, iyah am kabujur mula iman; ³¹ laie, bangsa Israel am bausaha taat kabujur Hukum Taurat justru honta datang kahukum iyah? ³² Ngapa? Laie urang honta manasahnya honi iman, tapie honi ulah gawi. Urang tasungkul ka batu pahalang. ³³ Bera tege tatulis: "Cuba ila, Aku maomah ka Sion suti batu pahalang lalu suti batu karang, Lalu barang sapa am percaya ka inya honta akan malu. "Yesaya 8:14;28:16