¹ Tarimakan urang am lomah imannya, tapi bukan akan metas maas baulihnya. ² Tege urang am parcaya bahwa inya tahu makan uras jenis makanan, tapi urang am lomah imannya bera makan sayuran. ³ Urang am makan umet am mahina urang am honta makan, lalu urang am honta makan umet manghakim urang am makan, lai Hatalla jadi manarima inya. ⁴ Sapakah kolai senga manghakim hamba urang bukan? Bai badiri ataupun jatu, iyah urusan tuannya kaniri. Lalu, inya akan badiri lai Tuhan sangup ngaruhnya badiri. ⁵ Tege urang am manggangap suti ari lobih penting mula ari am bukan, samantara am bukan manggangap uras ari samah. satiap urang harus bujur-bujur yakin lalam hatinya kaniri. ⁶ Urang am mamerlukannya ari tatentu, akan mamerlukan Tuhan.Lalu, urang am makan, makan akan Tuhan lai inya mangucap syukur ka Hatalla. Bera iyaham urang am honta makan, urang honta makan akan Tuhan akan mangucap syukur ka Hatalla. ⁷ Lai, honta saurang pun mula am kami hirup akan dirinya kaniri, honta tege saurang pun am mati akan dirinya kaniri. ⁸ Lai, jaka kami hirup, kami hirup akan Tuhan, atau jaka kami mati, kami mati akan Tuhan. jadi, bai kami hirup atau kami mati, kami iyaham hompu Tuhan. ⁹ Lai akan iyaham Kristus mati lalu huas, supaya Inya manjadi Tuhan, bai katingi urang-urang mati ataupun urang-urang hirup. ¹⁰ Akan tapi, ngapa kolai manghukum manyarimu? Atau, ngapa kolai manampai lowa manyarimu dengan mahinanya? Lai, kami uras akan badiri maharap takhta pangadilan Hatalla ¹¹ Lai tege tatulis, ''Lai Aku hirup, Firman Tuhan, satiap lutut akan manyembah ka-Aku, lalu satiap lilah akan mangaku ka Hatalla.'' Yesaya 45:23 ¹² jadi, satiap kami akan mamori partangung jawab tuntang dirinya kaniri ka Hatalla. Umet Ngaruh Urang Bukan Badosa ¹³ Lai iyah, umet am diri saling manghakim, tapi lobih bai batekad akan honta mangora panghalang atau bera batu sanung bagi manyari kami. ¹⁴ Aku maingat jadi diyakinkan lalam Tuhan Yesus bahwa honta tege sasuatu pun am najis mula hal iyah kaniri, tapi bagi urang am manggangap bahwa sagala sasuatu yaham najis, maka hal iyah najis bagi kanirinya. ¹⁵ Lai, jaka hati manyarimu luka lai sasuatu am kolai makan, kolai honta agi hirup sasuai bori. umet am kolai manbinasakan inya dengan makananmu iyah, lai Kristus jadi mati akannya. ¹⁶ Lai iyah, umet biarkan apa am kolai anggap bai difitnah atau sasuatu am jahat. ¹⁷ Lai karajaan Hatalla bukan tuntang makan atau marai, damai sajahtera, Lalu sukacita lalam Roh kudus. ¹⁸ Lai sapa pun am malayan Kristus dengan cara iyah barkenan ka Hatalla, lalu dihormat manusia. ¹⁹ Jadi, kami mangajar hal-hal am manatangnya damai sajahtera mambangun suti dengan bukan. ²⁰ Umet marusak bagawi Hatalla ham puseh lai! sagala sasuatu halal, tapi jahat am bagi saurang am makan mayebabkan urang bukan badosa. ²¹ Lobih bai honta makan daging atau marai anggur, atau ngaruh hal bukan am baulih manyebabkan manyarimu tasandung. ²² Rigapkan parcaya am kolai hompu akan dirimu kaniri ka harapan Hatalla. bahagiakan urang am honta manghakim dirinya kaniri taharap apa am dianggapnya bai. ²³ Akan tapi, urang am taimbang akan kona hukum jaka inya makan, lai inya makan honta bera iman; lalu sagala sasuatu am honta barasal mula iman iyaham dosa.