¹ Jadi aku batanya, "Apa Hatalla malupa umat-Nya?" sasakali honta!Sabab, aku kaniri urang Israel, katurunan Abraham, mula suku Benyamin. ² Hatalla honta malupa umat-Nya, am jadi dipilih-Nya mula sula. Apa kolai honta ingat kesah Elia am di paner Buku Barasih, metuh inya mangadu Israel ka Hatalla? ³ "Tuhan, rang jadi mampati nabi-nabi-Mu, rang jadie manora mezbah-mezbah-Mu, aku kaniri meh am masih hirup, rang jam hona mampati aku." ⁴ Tapie, apa jawapan ilahi am dibori ka inyae? " Aku masih manalua 7.000 urang akan Aku, am honta basae sujud manyomah ka Baal." ⁵ bera iyah jam keken itie, tege basisa am dipilih badasar kuasa. ⁶ Tapi, jaka badasar kuasa, maka honta mula badasar gawi, sabab jaka bera iyah kuasa honta mula jadi kuasa. ⁷ Lalu macam apa? Bangsa Israel honta baulih apa am di gaunya, tapie rang am tapilih am baulihnya, tapie am bukan jadi mangoring hatinya ⁸ bera tege tatulis: "Hatalla mamori rang roh pangantu, mata am honta tahu maila, dengan poning am honta tahu manongar, sampai ari itie." Ulangan 29:4; Yesaya 29:10 ⁹ Dengan Daud mamaner: "Belai am meja perjamuan rang jadi pansu dengan ringkap, jadi pahalang, dengan mamulang akan rang. ¹⁰ belai meh mata rang dipojam nyaman rang honta tahu maila, dengan pungung rang diketung tarus-manarus." Mazmur 69:23-24. ¹¹ Jadi, aku batanya,apa rang tasungkul nyaman tarahap? sasakali honta! Tapie, laie kasalah rang, kasalamat jadi sampai ka bangsa-bangsa honta Yahudi, nyaman mangaruh rang ngamuru. ¹² Sabab, jaka kasalah rang jadi kasugih akan dunia, dengan rang honta baulih jadi kasugih akan bangsa-bangsa honta Yahudi, maka lobih-lobih mula karomis rang! ¹³ Keken itie aku bapaner ka kolai, uii bangsa-bangsa honta Yahudi, laie aku iyah am rasul akan bangsa-bangsa honta Yahudi, aku mamuji gawiku, ¹⁴ nyaman aku ulih mangaruh manyari kanungku ngamuru, dengan manyalamat saruai urang mula rang. ¹⁵ Sabab,jaka rang honta hona bamakna kaakur akan dunia, apa makna paalap rang am bukan mula hirup mula antara urang mati? ¹⁶ Jaka roti am sulanya iyah barasih, uras campuran iyah barasih. Dengan jaka urat iyah barasih, maka dahan-dahannya jam barasih. ¹⁷ Tapie, jaka saruai dahan-dahan jadi dipokuh, dengan kolai, am asli iyah tumuh liar am dicangkok kaantara urang dengan uma baulih jatah lalam urat dengan gotah puhun zaitun iyah, ¹⁸ umet jadi sombong ka dahan-dahan iyah. Tapie jaka kolai sombong, ingat ja honta kolai am mahapang urat, tapie urat am mahapang kolai. ¹⁹ Sakiranya kolai bapaner, "Dahan-dahan iyah dipokuh nyaman aku ulih dicangkok. ²⁰ Iyah amat! Rang dipokuh laie kahontayakin rang, tapie kolai badiri kojos laie iman. umet sombong, tapie gola ²¹ sabab jaka Hatalla honta manyisa dahan-dahan am asli, Inya jam honta manyisa kolai. ²² Laie iyah,tuanie ja kabaie dengan kakaras Hatalla; kakaras ka rang am jadi jatu, tapie kabaie-Nya ka kolai jaka kolai notap tingal kalalam kabaie-Nya. Jaka honta, kolai jam kona tota. ²³ Dengan rang jam, jaka rang tarus-manarus honta yakin, rang jam dicangkok laie Hatalla bakuasa mancangkok rang mula. ²⁴ Sabab, jaka kolai jadi ditota mula am asli iyah puhun zaitun am liar dengan dicangkok ka puhun zaitun am ditanam, am honta samah kan hadatmu, honta lobih mula rang am dahan am asli dicangkok ka puhun zaitun rang kaniri? ²⁵ Sabab, manyari-manyari, aku honta hona kolai honta ingat rahasia itie nyaman kolai manyoku arepmu maharotie, laie sikap palawan jadi mangona saruai Bangsa Israel sampai katika pamutus bangsa-bangsa am bukan datang. ²⁶ bera iyah, uras urang israel salamat. Bera tatulis, "Panowus datang mula sion, dengan Inya mamuang kafasik mula Yakub. ²⁷ Dengan itie am janyi-ku kan urang, metuh Aku maincang dusa-dusa rang." Yesaya 59:20-21; 27:29 ²⁸ Uja Injil, rang iyah musuh kan kolai, tapie uja pamilih, rang iyah am urang-urang am disayang kan hiya umuh rang. ²⁹ Sabab kuasa dengan am dijoku Hatalla honta ulih dibalang. ³⁰ Sabab, samah bera kolai ariyah am honta patuh akan Hatalla, tapie am keken itie jadi bulih siha laie pahanora rang; ³¹ Bera iyah jam rang keken itie honta patuh nyaman laie siha Hatalla am ditampa ka kolai rang jam bulih siha. ³² Sabab, Hatalla jadi mangora rang uras lalam kapahanora nyaman Inya tahu manunyu siha-Nya ka uras urang. (Pujian akan Hatalla) ³³ Oh, tapahurau kasugih dengan maharotie dengan katahu Hatalla! Honta ulih di gau uja-ujaNya dengan honta taduga jalan-jalan-Nya! ³⁴ Sabab, sapa am ingat pikiran Tuhan? Lalu, sapa am tahu mamori-Nya salu? Yesaya 40:13 ³⁵ "lalu, sapa am basa mamori ka-Inya saholunya yah,dengan patut di bayar laie-Nya?" Ayub 41:11 ³⁶ Sabab uras am tege iyah mula Inya, dengan laie Inya, dengan akan Inya. Akan Inya sampai sapalamatnya! Amin.