¹ Kawan manyari, kahona hatiku rang nua doaku ka Hatalla kan urang nyaman urang di salamatkan. ² Lai, aku tahu basaksi akan urang bagora samangat kan Hatalla, tapi honta ara paingatnya am bai. ³ Lai, urang honta ingat kabujur Hatalla lalu bausaha manoguh kabujur ka urang kanirie, urang honta tunduk akan kabujur Hatalla. ⁴ Lai, Kristus iyah am sagonap Hukum Taurat am jadi bujur akan satiap urang am parcaya. ⁵ Musa manulis akan kabujur am baasal mula Hukum Taurat, laie urang am mangaruh kabujur- badasar kan hukum am hirup laie nya. ⁶ Tapie, kabujur am baasal mula iman am bapaner,"Hinang bapaner lalam hatimu," Sapa am akan nai kasurga? "Artinya, honie manaing Kristus turun. ⁷ Lalu 'Sapa am akan turun kajurang maut?' Artinya, honi manaing Kristus nai mula antara urang mati. ⁸ Tapi apa am dipaner nya? "Firman tege damping kolai, iyah am lalam nyawamu lalu lalam hatimu." Iyah am iman am kami kabar. ⁹ Amun honi nyawamu kolai mangaku Yesus iyah am Tuhan, lalu percaya lalam hatimu lai Hatalla mahuas inya mula antara urang mati, kolai akan kona salamat. ¹⁰ Lai honi hati, urang jadi percaya lalu manapat kabujur; lalu honi nyawa, urang mangaku badapat kasalamatan. ¹¹ Lai Kitab Suci bapaner, "Sapa am percaya kan inya honta akan basa dipamalukan." ¹² Lai, honta ara babeda antara urang Yahudi akan urang Yunani; Tuhan am suti tie iyah am Tuhan am paling tingie mula urang, balimpah harta akan urang banya am mamuji Inya. ¹³ Lai, "Uras urang am mamuji Nama Tuhan akan salamat." ¹⁴ Tapi, apa cara urang am mamuji ka Inya am urang homan parcaya? Lalu, apa ulahnya urang tahu parcaya ka Inya am hompan basa urang manogarnya? amun honta ara am mamarahnya? ¹⁵ Apa, ulahnya urang tahu mamaner-Nya,amun urang honta kona utus? Bera am kona tulis:''Akuy romisnya kaki urang am datang naing kabar bai!'' ¹⁶ Tapi,honta uras urang am taat kan kabar bai iti lai Nabi Yesaya bapaner ,''Tuhan, sapa am parcaya kan kabar am jadi di dongar mula kami?'' ¹⁷ Jadi,Iman timul mula panongar,lalu manongar lai Firman Kristus. ¹⁸ Tapi aku batanya,''Apa urang iti honta manongar?''Lai urang manongarnya lai, ''Suara urang sampai kasaluruh dunia,lalu bapaner urang sampai ka ujung bumi.'' Mazmur 19:5. ¹⁹ Tapi aku bapaner,'' Apa bangsa Israel honta mamahamnya?'' Pertama, Musa bapaner, aku akan mahuas- kamurumu paharap urang am bukan bangsa, lalu mahuas pagusarmu paharap bangsa am paleng.'' Ulangan 32:21. ²⁰ Lalu barani, Yesaya bapaner:'' Aku badapat urang am honta magau Aku,'' Aku mamarah kaniriku ka urang am honta mananyakan Aku, Yesaya 65:1 ²¹ Lai apa, Bangsa Israel Aku bapaner,'' Sapanyak ari Aku jadi maulur jari-Ku ka bangsa am honta taat lalu mambantah.''