¹ Tarusja bogorae kasih am babanyarie! ² Ingatja salalu akan am mamorie homan akan urang-urang asing laie mangaruh hal iyah, babarapa urang jadi manyarungie kawan-malekat hontae pamanya nyadar. ³ Ingatja kawan-urang am dipanjara berae-berae kolaie dipanjara barotae pamanya, ingatja akan kawan-urang am dikian sabab kolaie yah tege kalalam tuwuh. ⁴ Pangawinam saharuh nya dijagae ponuh hormat laie uras urang, lalue jagajam ranyang yah supayae tatap murni, sabab Hatalla akan mahukum kawan-urang am habanung umakan nam bazinah. ⁵ Jauhkanja pahirupmu mulae cinta duit, lalue cukupkanja niriemu honie apae am tege ka kolaie sabab Inya kanirie bapaner: "Aku hontae akan maninggal kolaie, lalue hontae akan basa maubahkan kolaie." Ulangan 31:6 ⁶ Jadie, dirie ulih bapaner ponuh kayakinan: "Tuhan iyaham Panulungku, lalue aku hontae akan gola. Apa am ulih dikaruh urang tahadapku?" Mazmur 118:7 ⁷ Ingat jam kawan pamipinmu, pamanya am jadi malajarkan firman Tuhan akan kolaie. Tanture kan hasil mulae carae hirup pamanya, lalue contoh kanjam iman pamanya. ⁸ Yesus Kristus tatap samah, baharie, arie itie, lalue datang ka sapalama-lamatnya. ⁹ Hinang ngam kolaie disosat laie pamalajar am bamacan-macam lalaue am hontae kolaie kasene; laie iyahham hal am baie bahwa hatie disegah laie tuah rajakie, hontae laie aturan akan pamakan am hontae mamaorie asaenya akan pamanya am mangaruhnya. ¹⁰ Dirie bagorae lapi am mulaenya kawan-urang am malayan ka Kemah Suci hontae tahue akan pamakan. ¹¹ Lalaue, laie tuwuh mulae kawan-satua am badarah yah di taing laie imam bakah ka Ruang Mahakudus akan di borie honie manowus dusae di tutung ka luar hantilung, ¹² makae Yesus jam mandarita ka luar gerbang kota kahona mangudus umat-Nya honie darah-Nya kanirie. ¹³ Laiae iyah, ayudirie manguang Yesus ka hantilung, lalue mangoek kaisa am sama berae kaisa amjadi dikuek-Nya. ¹⁴ Sabab, ka tanah itie dirie hontae bagorae kota am kan tege akan sapalama-lamatnya, tapie dirie metuh manatie kota am akan sampai. ¹⁵ Laie iyah, malalue Kristus ayudirie tarus-manarus mamorie kurban pujian akan Hatalla, iyaham paner durung am mamulia nama-Nya. ¹⁶ Hinang ngam kolaie lupae mangaruh mun baie lalue mamagie apae am tege ka kolaie akan kurban berae iyaham am manyanang Hatalla. ¹⁷ Tulatja apae ujae am manuhae kolaie lalue tunduk jam akan pamanya laie pamanya yah am manyagae jiwamu lalue am harus mamorie tanggung tingginya. Laie berae iyah, pamanya akan mangaruhnya honie karamie, hontae honie asae sakit hatie laie hal iyah hontae mamorie kauntungan akan kaolai. (Pamohon Doa) ¹⁸ Badoa jam akan kamie laie kamie yakin bahwa kamie bagorae hatie nuranie am baie, am salalue bausaha mangaruh sagala hal honie carae am tahormat. ¹⁹ Aku mangosa kolaie akan badoa supaya lobih bujur-bujur mulae supaya aku laca baulang ka kolaie. ²⁰ Keken itie, Hatalla asal sanang nyaman, am jadi mahidupnya baulang Yesus, Tuhan dirie, Sang Gembala Agung tinggie kawan-tabirie-Nya, honie darah janjie am sapalamatnya ²¹ sakiraenya manyukupnya kolaie lalam satiap hal am baie akan mangaruh kohona-Nya. lalue, biarja Inya bagawie ka lalam dirie akan manyanang hatie-Nya malalue Kristus Yesus, am kapada-Nyalah kamuliaan sampaie sapalama-lamatnya. Amin. (Salam Mahapusnya) ²² Kawan-manyarieku, aku maunyung kolaie akan manongar pane-paner nasehatku supaya sabar sabab pane-paner nasehatku itie jadi kutuliskan akan kolaie sacara singkat. ²³ Aku hona baparahakan kolaie bahwa manyarie dirie, Timotius, jadi dilopas mulae panjara. Lalue, jakae inya laca datang ka aku, makae aku akan sampaie barotae inya metuh mailae kolaie. ²⁴ Parahkan salam kamie akan kawan am manuhaemu lalue akan uras kawan-urang barasih. Kulae manyarie dirie mulae Italia mamarah salam akan kolaie. ²⁵ Tuah rajakie Hatalla barotae kolaie urasnya.