¹ Metuh iyah, barapa urang turun mula Yudea akan malajar manyari-manyari am saiman, ''jaka kolai honta ngaruh surat pas dengan adat istiadat musa, kolai honta dapat salamatkan.'' ² Lalu, katika tajadi selisihan basual am honta koni akan Paulus rang nua Barnabas dengan urang-urang iyah, urang mamutuskan bahwa Paulus rang nua Barnabas, uras barapa urang mula koyah, harus nai ka Yerusalem akan badapat dengan kawal rasul dengan kawal panatua takait kan persoalan iyah. ³ Maka, jadi diantat ka lalam pajalanan lai kawal ungkup, urang malalu Fenisia rang nua Samaria samil ngesahnya dengan jelas tuntang tobat bangsa-bangsa bukan, akan hal iti manaing barami bakah bagi uras manyari saiman. ⁴ Katika urang sampai ka Yerusalem, urang disamut lai kawal ungkup, kawal rasul, dengan kawal panatua, lalu urang ngesahnya sagala suatu am jadi Hatalla ngaruh lalu urang. ⁵ Amun, barapa urang mula golongan Farisi am jadi barapa urang akan bapaner, ''Penting akan manyunat urang akan marintahkan urang akan mamatuh Hukum Musa!'' ⁶ kawal Rasul dengan panatua badapat barota akan bapaner masalah iyah. ⁷ Jadi langsung basual panyang koyah, Petrus badiri lalu bapaner ka urang, ''manyari-manyari, kolai tahu bahwa metuh zaman bahari Hatalla jadi ngaruh pilih antara kolai bahwa lalu nyawaku, bangsa-bangsa bukan akan manongar kabar injil akan manjadi parcaya. ⁸ lalu, Hatalla, am mengenal hati kalunen, jadi menyaksi ka urang akan mamorikan Roh barasih ka urang, samah bera am jadi dikaruhkan-Nya ka diri, ⁹ Inya honta babeda-beda antara diri akan urang, jadi inya mamasukan hati urang malalu iman. ¹⁰ jadi metuh tie, ngapa kolai mancuba Hatalla dengan maomahkan kuk am borat ka lihir, kawal ana buah, am bai hiya moyang diri ataupun diri, honta akan basa sangup manangungnya? ¹¹ Amun, diri parcaya bahwa diri disalamatkan malalu anugerah Tuhan Yesus, samah bera urang jam.'' ¹² Metuh, uras kumpul urang itie suni lalu urang manongarnya Barnabas rang nua Paulus, samantara badua rasul iyah manyelaskan sagala tana mukjizat am jadi Hatalla ngaruh malalu urang di antara bangsa-bangsa bukan. ¹³ Jadi urang bahonti bapaner, Yakobus manyawab, ''Manyari-manyari, didongarkan aku. ¹⁴ Simon jadi manyelaskan bera apa Hatalla sajak awal jadi di ilakan bangsa-bangsa bukan, akan ngalap mula antara bangsa iyah umat bagi nama-Nya. ¹⁵ Paner kawal nabi satuju hal iyah, bera am tatulis, ¹⁶ 'jadi iyah, Aku akan baulang. akan mambangun ulang Kemah Daud am jadi lontap. Aku akan mambangun ulang romu rocuhnya, lalu aku akan mamugarnya, ¹⁷ nyaman umat kalunen am tasisa baulih mangau Tuhan, lalu uras bangsa bukan am ditimai malalu nama-Ku, am ngaruh uras itie,' firman Hatalla,am ngaruh urasnya iyah,Amos 9:11-12 ¹⁸ jadi ingat sajak haru nampara zaman. Yesaya 45:21 ¹⁹ Jadi, aku tukar pikiran bahwa diri harusnya honta manyulitkan urang-urang mula bangsa am bukan jadi babali ka Hatalla. ²⁰ Amun, diri harusnya manulis akan urang agar urang manjauhnya diri mula hal-hal am disebar lai bahala-hala, mula dosa-dosa pelecehan, uras mula apa am jadi darah. ²¹ Lai, sajak generasi am hariah, Musa jadi hompu, ka satiap kota, urang-urang am mamarahkannya lai dibacanya ka sinogoge-sinagoge satiap ari sabat.'' Surat Ka Urang Parcaya Am Bukan Yahudi ²² Lalu, ditampai bai lai kawal rasul, dengan panatua, uras ungkup, mamilih urang-urang mula antara urang akan mamutus ka Barnabas. Urang mamutus Yudas am dijoku Barnabas, uras Silas, kawan pamimpin di antara manyari-manyari saiman, ²³ urang manulis surat mula jari urang, sakian: ''Mula rasul-rasul akan panatua-panatua, manyari am saiman samah dengan kolai, ka uras manyari saiman bukan Yahudi dengan Antiokhia, Siria, dengan Kilikia, salam! ²⁴ Kami jadi manongar bahwa barapa urang mula antara kami, am ka urang kami honta mamori parintah, jadi manerohmu akan bapaner urang am manggoyangkan jiwamu, ²⁵ hal itie ditampai bai bagi kami, jadi manjadi sapakat, akan mamilih urank-urank mamutus ka hemu barota dengan manyari-manyari kami am tercinta, Barnabas dengan Paulus, ²⁶ am jadi bertarung hidup urang demi nama Tuhan diri, Kristus Yesus. ²⁷ Lai itie, kami mamutus Yudas rang nua Silas, am urang kaniri akan mamarah hal-hal am samah sacara lisan. ²⁸ Sabab, langkah bainya bagi Roh Barasih dengan bagi kami akan mangora beban ka tinginya am honta labih borat mula am perlu iyah, ²⁹ bahwa kolai manjauhkan diri apa jadi di sembahkan ka bahala, mula darah, dengan mula apa am mati dicakak, mula dosa pelecehan. jaka kolai manjaga kanirimu kaniri mula hal-hal iyah, kolai ngaruh am bai. Sampai badapat.'' ³⁰ Jadi urang baijin, urang turun ka Antiokhia, akan jadi mangumpulnya ungkup, urang manyorahnya surat yah. ³¹ Katika urang-urang parcaya mamacanya, urang barami lai bahibur iyah. ³² Yudas dengan Silas, am urang kaniri iyah nabi, manoguhnya manyari saiman dengan banya bapaner. ³³ Akan, jadi urang tingal ka koyah akan barapa jam, urang-urang parcaya iyah malopas urang pulang dengan damai ka urang-urang am jadi mamutusnya urang. ³⁴ [Akan tapi, dianggap bai bagi Silas akan tatap tingal ka koyah.] ³⁵ Amun, Paulus rang nua Barnabas tingal ka Antiokhia, samil malajar mamarahkan firman Tuhan barota dengan banya urang bukan jam. Paulus rang nua Barnabas Bapisah ³⁶ Jadi barapa ari, Paulus bapaner ka Barnabas, ''Ayo diri baulang maila manyari saiman ka satiap kota, homan diri mamarah firman Tuhan akan maila apa ulah kaadaan urang.'' ³⁷ Barnabas hona naing jam Yohanes am ditimai Markus. ³⁸ Akan iyah, Paulus manganggap bahwa honta saharusnya manaing urang am jadi maninggalnya urang ka Pamfilia honta badiri barota urang akan pangawi iyah. ³⁹ Maka, jadinya selisih am tajam urang bapisah suti samah bukan. Barnabas manaing uras Markus akan balayar ka homan Siprus, ⁴⁰ tapi Paulus mamilih Silas badari, jadi disorahnya lai manyari-manyari saiman ka lalam anugerah Tuhan. ⁴¹ inya malalu Siria dengan Kilikia samil manoguhnya kawal ungkup.