¹ Metuh iyah, Raja Herodes maincang jarinya tingi babarapa urang mula ungkup akan mangiyan urang. ² Inya mampati Yakobus, manyari Yohanes, honi pedang. ³ Metuh Herodes maila amun pagawinya iyah marami hati urang-urang Yahudi, inya malanjutnya akan manangkap Petrus jam. Hal iyah tajadie salama Hari Raya Roti Hinta Baragi. ⁴ Metuh inya manangkap Petrus, inya manamanya ka lalam penjara lalue manyorahkan ka ompat pasukan prajurit akan mangawasinya, lalue bamaksud, metuh Paskah, manaingnya ka paharap urang banya. ⁵ Maka, Petrus di tangkap ka lalam panjara, tapie doa akan Petrus tarus-manarus ditaikan ka Hatalla laie ungkup. (Malaikat Tuhan Malopaskan Petrus mula Penjara) ⁶ Metuh malam, metuh Herodes akan manaing Petrus ka luar, Petrus metuh tidur ka antara dua urang prajurit, dikobat honi dua rantai, lalue para panyaga ka paharap pintu metuh maawas penjara. ⁷ Lalue, ila, siku malaikat Tuhan badiri ka dampingPetrus lalue cahaya basinar ka sel penjara iyah, lalue malaikat iyah manompi rusu Petrus lalue mahuasnya, lalue bapaner, "Copat huas!" Lalue, rantai-rantai iyah jatu talopas muka kadua jarinya. ⁸ Lalue, malaikat iyah bapaner ka inya, "Kobatkan pungungmu lalue honikan sanalmu." Lalue, inya mangaruh demikian. Limah iyah, inya bapaner ka inya, "Honikan jubahmu lalue uma aku!" ⁹ Lalue, Petrus maluar mula lalue mauma malaikat iyah. Inya hinta ingat amun apa am metuh tajadie malalue malaikat iyah nyata, tapie mangira amun inya lagie maila suatu pailanya. ¹⁰ Metuh urang am malalue panyaga pertama lalue kadua, uramng datang ka pintu gerbang bosi am manuju ka kota. Pintu gerbang iyah tabuka kanirinya akan urang, lalue urang maluar lalue bajalan sampai ka suti lorong, lalue nyalenga malaikat iyah maningal Petrus. ¹¹ Metuh Petrus sadar akan apa am tajadie tingi kanirinya, inya bapaner, "Wayah itie, aku bujur-bujur amun Tuhan mautus malaikat-Nya lalue manyalamatkan aku mula jarie Herodes lalue mula uras hal am diharapkan laie urang-urang Yahudi." ¹² Metuh Petrus manyadarnya, inya badari ka dangau Maria, inai Yohanes am dijoku Markus, ka manih banya urang lagie bakumpul barota lalue badoa. ¹³ Metuh Petrus manukuh pintu gerbang, siku pelayan labini banama Rode datang akan mamukanya. ¹⁴ Metuh inya mangasene suara Petrus, laie bujur barami inya hinta mamuka pintu, tapie baguang ka lalam lalue mamarah amun Petrus lagie badiri ka paharap pintu gerbang. ¹⁵ Urang bapaner ka Rode, "Kolai hinta waras!" Tapie, Rode tarus mamarah amun memang bera iyah, lalue urang tetap bapaner, "Iyah iyah am malaikatnya." ¹⁶ Tapie, Petrus tarus manukuh, lalue metuh urang mamuka pintu, lalue maila Petrus, urang tagiat. ¹⁷ Tapie, metuh Petrus mamori isyarat honi jarinya nyaman urang tenang, inya mamarah ka urang apa ulah Tuhan jadie manaingnya ka luar penjara. Lalue, inya bapaner, "Parahkan hal itie ka Yakobus lalue ka kawan manyari saiman." Lalue, inya ingkas lalue badari ka homan am bukan. ¹⁸ Metuh siang arie, tajadi kakacauan am hinta koni ka antara para prajurit tuntanhg apa am jadie tajadie ka Petrus. (Pamati Herodes) ¹⁹ Metuh Herodes mangau Petrus lalue hinta manapatnya, inya mamariksa para panyaga lalue mamori parintah nyaman urang dipati. Lalue, Herodes turun mula Yudea ka Kaisarea lalue diam ka koyah. ²⁰ Metuh iyah, Herodes bujur gusar akan urang-urang ka Tirus lalue Sidon, lalue sepakat, urang datang maharap Herodes, lalue salopas iyah inya marayu Blastus, pangurus pahirup raja, urang mamohon akan perdamaian laie wilayah urang manapat pasokan puseh laie mula wilayah Herodes. ²¹ Metuh arie am jadie urang ditotapkan, Herodes mahoni pakaian karajaan, duru ka takhta pengadilan, lalue mamarah pidato ka urang. ²² Sia rayat nya basoru,"iti am bungi Hatala, bukan kalunen!" ²³ Metuh iyah jam, saurang Malaikat Hatala mamukulnya gawi inya honta mamori hormat akan Hatala, lalu inya kana puseh buhung-buhung, lalue matie. ²⁴ Metuh yah, firman Hatala samakin batumuh lalue balipat ganda. ²⁵ Lalue, Barnabas lalue Saulus baulang mula Yerusalem metuh urang manuntung palayanan urang, samil manaing lalue Yohanes, am dijoku Markus. {Yakobus Dipati lalu Petrus Kona Tangkap Gawi Herodes}