¹ Panehan iyah, para rasul lalue kawan manyarie saiman am tege ka Yudea manongar amun urang-urang bukan Yahudi jam jadie manarima firman Hatalla. ² Laie iyah, metuh Petrus naie ka Yerusalem, urang-urang am basunat baselisih paner akan inya, ³ lalue bapaner,"Kolai badarie ka urang-urang hintae basunat lalue makan barota urang." ⁴ Tapie, Petrus nampara mamarahnya sacara urut ka urang, ujanya, ⁵ "Aku lagi badoa ka kota Yope, lalue lalam kaadaan hinta sadar, aku mailae sutie panampai, sutie bera salambar kain lebar turun, am taulur honie kaompat sudutnya mulae langit, lalue banae iyah manamping ka aku. ⁶ Metuh aku mailaenya, aku manampaie lalue mailae laue julu-laue jolu bakaki ompat ka bumi, laue jolu-laue jolu liar, ular, umakan burung ka udara. ⁷ Aku jam manongar tege suara bapaner ka aku, 'Misik, Petrus, Samolih, lalue pusehkan!' ⁸ Tapie, aku bapaner, 'Honta, Tuhan. Laie, mayan arae am haram atau najis basa tamae ka lalam nyawaku.' ⁹ Akan tapi, suara iyah manimat kadua kalinya mula langit, 'Apa am jadie Hatalla tahirkan, hinang sakali kolai nyokue haram!' ¹⁰ Hal itie jadie tolu kali, lalue urasnya iyah konae tarik mulae ka langit. ¹¹ Ilae, metuh iyah jam, tege tolu urang am kona utus ka aku datang ka dangau homan ku diam, mulae Kaisarea. ¹² Limah iyah, Roh bapaner ka aku nyaman badarie uma urang nyaman honta ragu-ragu. Kaonam manyarie saiman itie jam badarie uma aku lalue kami tama ka dangau urang iyah. ¹³ Lalue, inya manyampaikan ka aku apa ulah inya metuh mailae malaikat badirie ka dangaunya lalue bapaner, 'Suruhkan urang ka Yope lalue minta ka Simon am kona joku Petrus datang ditie, ¹⁴ Lalue inya akan mamarah pesan ka kolai am laie pesan iyah kolai akan salamat, kolai umakan uras urang am diam ka dangaumu.' ¹⁵ Samantara aku nampara bapaner, Roh kudus turun ka tingie urang, sama bera mulae awalnya tajadie ka tingie dirie. ¹⁶ Maka, aku tahoyu mulae pamaner Tuhan, metuh Inya bapaner,'Yohanes pembaptis honie arai, tapie kolai akan konae baptis honie Roh Kudus.' ¹⁷ Jadie, amun Hatalla mamorie karunia am samah ka urang bera am Inya mamorie jam ka dirie limah percaya ka lalam TUhan Yesus Kristus, sapa kah aku sampai aku tahu mangirah Hatalla?" ¹⁸ Metuh urang manongar hal iyah, urang jadie tenang lalue mamuji Hatalla lalue bapaner."Amun bera iyah, Hatalla jam jadie mangaruniakan urang bukan Yahudi pertobatan am manuju ka pahirup." (Injil Sampai ka Antiokhia) ¹⁹ Limah iyah, urang bacerai berai laie penganiayaan am jadie ka paharap Stefanus, manyebar sampai ka Fenisia, Siprus, lalue Antiokhia, lalue honta mamorie firman Tuhan ka sapa meh kacuali ka urang Yahudi. ²⁰ Tapie, tege babarapa urang mulae urang, iyah am urang Siprus rang nua Kirene, am datang ka Antiokhia lalue jam bapaner ka urang Helenis, samil mangabarkan tentang Tuhan Yesus. ²¹ Jarie Tuhan menyertai urang, sajumlah banyae urang am jadie parcaya babalie ka Tuhan. ²² Barita tentang urang sampai ka poning ungkup Yerusalem, lalue urang mautus Barnabas ka Antiokhia. ²³ Metuh Barnabas sampai lalue mailae kasih karunia Hatalla, inya basukacita lalue manasihat uras urang nyaman totap satia ka Tuhan honie hati am toguh. ²⁴ Laie Barnabas iyah am urang am baie, ponuh lalam Roh Kudus umakan iman, banyae urang taing ka Tuhan. ²⁵ Limah iyah, Barnabas badarie ka Tarsus nyaman mangau Saulus. ²⁶ Lalue, limah inya badapat, inya manaingnya ka Antiokhia. Salama satahun, urang badapat kan ungkup lalue malajar banyae urang. Lalue, ka Antiokhia murid-murid am pertama kalinya dijoku "urang Kristen". ²⁷ Metuh arie iyah, babarapa nabi turun mulae Yerusalem datang ka Antiokhia. ²⁸ Salah sikue urang mulae urang banama Agabus, badirie lalue maramal honie pertolongan Roh laie akan tajadie kaporan am hebar ka saluruh dunia. Lalue, kaporan iyah tajadie metuh masa pemerintah Klaudius. ²⁹ Maka, para murid mautuskan nyaman mangirim sumbangan, sasuai akan kamampuan urang masing-masing, ka kawan manyarie saiman am diam ka Yudea. ³⁰ Lalue, urang mangaruh, mangirim kan sumbangan iyah ka para panatua malalue jarie Barnabas rang nua Saulus. Petrus pulang ka Yerusalem