¹ Laie bera itie, metuh kami badapat palayanan itie, bera apa kami manarima balas kasiha Hatalla, kami honta koni hati. ² Amun, kami honta manarima hal-hal am ta tabu am mamaluwi, honta bajalan lalam kalicik, lalu mamalsukan firman Hatalla, am bukan parnyatan kabujur, kami manyunu kami kaniri kan hati nurani satiap urang ka paharap Hatalla. ³ Bahkan, amun Injil kami masih tatutup jam, Injil itie tatutup kan urang, am kan binasa, ⁴ am di antaranya, ulih dunia itie hona mamutakan pikiran urang am hinta parcaya sahompan urang honta am maila torang kamulia Injil Kristus, am tege gomar Hatalla. ⁵ Saie, kami honta mamaner tuntang diri kami kaniri, tapi Kristus Yesus sabagai Tuhan lalu diri kaniri akan panyuruhmu laie Yesus. ⁶ Laie Hatalla, am bafirman, "Biaram torang bacahaya mula kagelapan, " jadi bacahaya lalam hati diri honi mamori torang pangalaman tuntang kamulia Hatalla am tege ka muha Kristus Yesus. ⁷ Amun, harta itie kami baulih lalam bajana tanah liat nyaman balimpah kuasa itie asal mula Hatalla lalu bukan mula kami kaniri. ⁸ kami di tindas mula sisi, tapi honta takopih. kami bingung, tapi honta putus asa. ⁹ Kami di udar, tapi honta di tingal. Kami honta di tingal, tapi honta kona pati. ¹⁰ Kami salu manaing kamati Yesus lalu tubuh kami nyaman pahirup Yesus lalu di nyatakan lalam tubuh kami. ¹¹ Laie kami, am hirup itie, lalu kona sorah ka matian laie Yesus nyaman pahirup Yesus lalu di nyatakan lalam tubuh kami am fana itie. ¹² Demi kamatian pangawi ka lalam kami, tapi pahirup pangawi ka lalam mu. ¹³ Akan tapi, lalu mahompu roh iman am sama, sasuai am jadi tatulis,"Aku parcaya, laie itie aku baparah, " kami parcaya lalu karena itie, kami jam bapaner. ¹⁴ Laie, kami tahu bahwa inya, am jadi mahuwas Tuhan Yesus, akan mahuwas kami jam barota-rota lalu Yesus am akan manaing kami barota kolai ka paharap- Nya. ¹⁵ Laie, uras hal itie tajadi akan kepentinganmu akan anugerah, am samakin manyangkut banya urang, baulih kalimpahan ucapan syukur bagi kamulia Hatalla.(Hirup laie Iman) ¹⁶ Iyah am laie nya, kami honta bakoni hati. Biar nya am tubuh lahirah kami makin marusut kaadannya, tapi kalunen bapaniah kami tarus di baharu ari demi ari. ¹⁷ Laie, penderitaan ringan am wayah itie, mangaruh bagian kami akan kalimpahan kekal kemulian am balobih mula sagala nya ¹⁸ Kami honta mamperhatikan am di ilae. Laie, am maila sipat nya semantara tapi am honta maila sipatnya kekal.