¹ Ta sabado k'alal k'alal laj yot'an, Maria Magdalena sok Maria te sme' te Santiago, sok Salome, la Yich'iktel te tsabil bujs'anik yik', ja' yu'un te yax talik ta yak'beyel ta sbak'etal te Jesús k'alal ya yich' mukel. ² Ta buen sab ta sbabial sk'aalul semana te antsetik bajt'ik ta mukenal te k'alal yak lok'eltelaate k'aale. ³ Yakal yalbeyelsbaik ¿mach'ame ya stselbatik lok'el te ton te nay ta sti' mukenale? ⁴ K'alal la sk'eluyik, la yilik te ay mach'a stselajix lok'el te tone, te mero muk'e. ⁵ Ja'uk meto ochik bael ta bay mukenal jich la yilik tul ch'iel winik te slapoj saki pak' nakal ta swa'el, chamnax la yayik yu'un. ⁶ Ja' la yalbeiy ya yik te antsetike: "Ma me xiwix. Te ja'atike yakalex ta sleel te Jesús Nazarenoe, te mach'a la yich' milel ta cruz. ¡Ch'a kuxemix! ma leuk to. ilawilik ye banti la yak'ik. ⁷ Baanik, albeyaik te nopojeletik yu'une sok Pedro ja me yax bat ta neelal yu'unik ta Galilea. Le me ya yk'ot awilik jich te bit'il la yal beyex-xi ⁸ Jich lok'ik tel ta anel ta mukenal te antsetike; ya kalik ta nijk'el yu'un ximel. Ma'yuk mach'a la yalbey yaik ni jtuluk yu'un mero xiwik. ⁹ Te k'alal ch'akux te Jesús ta buen sab yu'un te sbabial k'aal yu'un te semana, ja' neel la yak' sba ta ilel ta stojol te Maria Magdalena te lok' esbot jukeb pukujetik ta yo'tan yu'un. ¹⁰ Bat te Maria Magdalena ba yalbey yaiyik te mach'atik la sjoinik te Jesús te yakalik ta mel-o'tan sok ta ok'el. ¹¹ La yaiyik stojol te cha' kuxem'ix te Jesús sok te ilotix yu'un te Maria Magdalena ja'uk me to ma la ch'uunik, ¹² Patil te Jesús yanix yilel te la yak' sba ta ilel yu'un cha'tul te yakalik ta beel bel ta pamal lum. ¹³ Bat'ik ba yalbeyik ta stojolik te dicippubetik, ja jich ma la ch'uunik te sk'ope. ¹⁴ Te Jesús la yak' sba ta ilel ta slajibal yu'un te buluch' eb ta tul te k'alal ya k'alik ya k'alik ta we el, ta webat te', tulan ya yich'ik albeyel yu'un te mayuk xch'unjel yo' tanik sok te tulan yo'tanik, melel mala sk'an xch'uunbeyik sk'op te mach'atik la yilikix te cha' kuxemixa. ¹⁵ Jich albotik:"Baanik ta spamal balumilal, chabeyaik te lek yach'il k'op spisil balumil. ¹⁶ Te mach'a ya xch'une sok teme ya yich' ja'e ya me xkol, yante mach'a ma xch'une ya me x'ak'ot ta lajel sbajt'el k'inal. ¹⁷ Ja te señaitik to ya xbajt' sok te mach'aetik ya xch'unike. Ta jbil ya xlok' pukujetik. Sok ya xk'opojik ta yantik k'opjeletik. ¹⁸ Ya stsakik yanetik ta sk'ab, sok teme chikan beluk ya yuch'ik te ya xmilwane, ma spasbotik bolil. Jaik ya yak'ik sk'abait te macha chameletike, jich ya xkolik bael. ¹⁹ Ta patilal te k'alal te kajwaltik k'opoj ta stojolike, la yich ik'eelbe ta ch'ulchan jich najk'a ta swael sk'ab te Dios. ²⁰ Te nopojeletik yu'une bajt'ik cholbeyik te lek yach'il k'op ta bayuk nax, sok te kawaltik at'ej ta stojolik sok la yak' ta na'el te ja' smelelil te sk'op ta swenta te señailetik te jokinbilik yu'un