¹ Ja-ito ta banti snail sk'op kajwaltik ta Antioquia, ay cha-oxtul alwanejtik, ja sbi-ilik Bernabe sok Simon (te ya yalbeyk ijk'), Lucio te talem ta Cirene, manaem ( te pajal la yich'ch'ite sel sok te Herodes te ja ajwalil) sok te Saulo. ² Jun K'a-al te yakalik yich'el ta muk' kajwaltike sok skomojik swe-elike, te ch'ul espiritue jich' la yal: k'ejbonik lok'el te Bernabe sok te Saulo yu- un ya stak' spasik te at'el te la jk'iktel yu- un ³ Ta patilal te k'alal la skomik te swe-elik, la sk'oponik kajwaltik skajan sk'abik ta stojol te winiketik to. ⁴ Te bernabe sok te saulo la xchu-unik te ch'ul espiritue jich koikbel ta Seleucia; te leto ochik'tel ta barco jich' kotik ta pam lum yu-un Chipre. ⁵ Te k'alal atik ta pam lum yu-un Salamina, la xchol beyik sk'op te Diose ta banti Sinagoga yu-un te judioetik sok te ja yikojik te juan Marcos yu-un ya yich'il koltayel yu-un. ⁶ Yu-un te k'alal bajtik'tel ta spisil pam lum ja to ta Pafos, la staik tul p'ijil winik te lotil alwanej judio, te ja sbi-il barjesus. ⁷ Ja te p'ijil winik to ja xch'apoj sk'op te proconsul, sok Sergio Paulo, te ja p'ijil winik. Te winikto ju yu-un yikeltel te Bernabe sok Saulo ja yu-un te sk'an yaiybey stojol te sk'op te Diose. ⁸ Te Elimase ''p'ijil winik'' (te ja jich te yan sbi-ile) te ja la yaksba ta olil; sok k'an sjoetesbeybel te xch'unjel yot'an te proconsule. ⁹ Te Sauloe, te janix sbi'il xa te Pabloe, nojel ta ch'ul espiritu; la stojlin ta ilel. ¹⁰ Jich la yal: ''te ja-at xnich'anat te pukuj. Ja-ate nojelat pa pas lot sok beluk ma lekuk. Te ja-ate ja kontro pisil te beluk lek ta pasel. Te ja-ate ma wijk'tey ta sboltesel te toj be-etik yu-un te kajwaltike, ¿ ja-at la ja'pas? ¹¹ Jauk meto ilawil, te sk'ab te kajwaltike te kalal ta ba, ya xkatbujat ta ma sit. Ja-at ma stak'ya wil te k'ale. ''jich ch'ay koel ta stojol te Elimas tokal sok ijk'al; jach'ta sutimal yak ta sk'ambeyel te ants winiketik te yakuk stotesikbel ta sk'ab. ¹² Patil te procunsule la yil te beluk k'ot ta pasel, la xch'u-un, yu-un ch'amnax la yaiy yu-un te beluk la yak' ta ilel ta swenta te kajwaltik. ¹³ Ja-ito te Pablo sok te sjotak ochik ta barco ta Pafos k'otik ta lokel ta Perge ta Panfilia. Ijk' teyotik jilel te Juane sujt'el ta Jerusalén ¹⁴ Te Pabloe sokte sjotake talik ta k'alal Perge sok talik ta Antioquia ta Pisidia. Te lea bajt'ik ta Sinagoga ta jun k'a-al sabado jich najk'ajik. ¹⁵ Patil te k'alal ya yich' k'oponel te mantaliletik sok te alwanejetik. Te wolwanwejetik yu-un te Sinagogaetik la yich' tikumbel jun k'op te jich ya tal: ''kermanotak, te jaexe teme ay ayej ya walbeyik te ants winiketik, alaik''. ¹⁶ Jich yu-un te pabloe te k'alal tek'el som yak stijel te sk'ab; la yal: '' winiketik yu-un Israel sok te ja-atik te ya wichik ta muk' te Diose, ayawayik stojol. ¹⁷ Te Dios yu-un te pam lum yu-un te Israel te tsabil yu-un te mach'atik jmejtatik namey te la psik jun pam lum te k'alal ayikta ta lum yu-un Ejipto, sok stuyoj moel sk'ab ja' la yichik tikunel lok'el. ¹⁸ Nopol chawinik la stsik ta banti takin lum. ¹⁹ Te k'alal la sjim te lajuneb muk'ul lumetike te hay ta slum te Canaán, te la yak'bey te jlumaltik te lum swenta smajt'an. ²⁰ Spisil te beluk k'ot ta pasel jalaj lajuneb yoxwinik chabajk' jawil. Ta patilal te k'alal k'ax spisil te beluk pastaj, te Diose ak'bot tuneletik te Samuel te ja alwanej ²¹ Jich yu-un, te lume la sk'an wolwanej, te Diose la yak'bey te Saulo te ja xnich'an, tul winik te ja sjuy sba sok te Benjamine, jich ya xk'atbuj ta ajwalil cha winik jawil. ²² Jich te diose la sk'ejlok'el ta ajwalinel , ja la xjach moel te David ya xk'atbuj ta ajwalil yu-un ta swenta te David te Dios la yal: '' te jo-one jtaojix te David ta ja xnich'an te Jesé ta tul winik te jich ay te bit'il sk'an te jkot'ane; te ya spas spisil te beluk ya jk'an te ya pas. ²³ Te mach'atik ne-elik yu-un te winik Dios la jyich'iktel ta Israel tul kolteywanej, te jesuse, jich te bit'il ya yal jilel. ²⁴ Jaito jach'tel ta pasel k'alal, mato xtala te Jesuse, te Juane ne-el la yal te ich' ja' ta swenta te jsutik jkotantik ta spamal lum Israel. ²⁵ Te Juane te k'alal yak ta slajnel te yat'ele, jich la yal: '' mach'a ja nopik te ja-atike te belukonae? te jo-one maba ja te tsabilon. Jich ayawayik stojol, ya xtal tul ta jpat, te ma stak' te jo-on ya jlok'esbey te xanab ta yakan''. ²⁶ Jkermanotak, yalnich'nabex te Abraham, sok te mach'atik jayebix ya yichik ta muk te Diose, ja jku-untik te k'opetik yu-un koltayel ya yich' tikuneltel ²⁷ Melel te mach'atik kuxatik ta Jerusalén, sok te ajwaliletik yu-un te maba snatilambesbae. La spasik te k'opetik yu-un te alwanejetik te ya yich' k'oponel jujun sabado te yakik lajel. ²⁸ Te ja-atike mayuk smul la tabeyik te ya yich' milel yu-un la sk'ambeyik te Pilatoe te yakuk smil. ²⁹ Te k'alal juik yu-un spasel spisil te beluk tsibubil ta swenta, la skoesiktel ta banti jipil la yich' ak'el ta banti mukenal ch'en. ³⁰ Jauk meto te Diose la xjachtel moel ta banti aelmeletik. ³¹ Bayal k'a-al la staik ta ilel te mach'atik talik sok ta k'alal Galilea k'alal Jerusalén. Jauk meto te ants winiketik ja testigoetik yu-un te lum. ³² Jich te jo-otike yakotik yich'eltel ta tojolik te yach'il k'opetik ta skab beluk albilik jilel te namey jme jtatik. ³³ Te Diose ja stalemal yak'ojbotik te jo-otike, te jnich'nabex, te banti te Dios la xjach' moel te Jesuse yu-un ya xcha' kuxin. Janix jichito tsibubil ta xchebal salmo: ''JA-AT XNICH'ANAT, JA TALON YU-UN TE YA XKATBUJON TA TATE''. ³⁴ Soknix te beluk la spas te Diose te la xjachtel moel te banti ayik te aelmeletik jich yu-un te sbak'etale ma sujtbel ta mulil, te Diose jich k'opoj: '' TE JO-ONE YA JKAKBATIK TE JA-ATIKE TE CH'ULTESBIL SOK TE SMELIL MAAJT'ANIL JA TE DAVID''. ³⁵ Jich yu-un te Diose ya yal ta yan salmo: '' TE JA-ATE MA WAK'TE JA SANTO YA YIL TE BELUK AMEN''. ³⁶ Ta patilal te David te k'alal at'ej ta stojol te mach'atik pajal xch'iel sok te ya sk'an te Diose, ja way, la yich' mukel sok te sme stat, jich la yil te beluk amen, ³⁷ Te mach'a la xch'a xkuxeltel te Diose ma la yil te beluk aman ta pasel. ³⁸ Te ja-atik nabilukabaike, kermanotak, ta swenta te winikto yac ta xch'ayel te jmultike. ³⁹ Te diose spisil te mach'a xch'unik ya yich' koltayel yu-un spisil te beluk pastaj yu-un ta swenta te leyetik yu-un te Moises ma stak' xkolotik: ⁴⁰ Jich yu-unito tsajteyabaik yu-un te beluk la yalik te profetaetik ma spastaj ta jo-olik: ⁴¹ "ILAWILIK, JA-ATIK TE MA K'ANIK, TE YA WICH'IK XIWTESEL SOK YA XLAJATIK; YU-UN TE JO-ONE YAKON SPASEL AT'ELIL TA SK'ALEL, JUN AT'ELIL TE MA XCH'U-UNIK), MANCHUK TEME HAY MACH'A X- ALBOTIK YAIY''. ⁴² Ta Pabloe sok te Bernabé te k'alal yakalik ta bael, te ants winiketik la sbik'talteyik te yakuk xcholik te k'opetik to te yan sk'alel ich' lewa. ⁴³ Te k'ala laj te tsoblej ta banti Sinagoga, bayal te judioetik sok te mach'atik sujt'esojik yot'anik la st'unibel te pablo sok te Bernabé, te ja k'oponotik sok la yakbeyik yipal te yakuk x-ainatik ta sbujts yot'an te Dios. ⁴⁴ Ta yan waxukeb k'aal ta sk'alelal kux ot'an, col spisiluk te lum laj stsobsbaik yu'un ta xch'ambeyel stojol te sk'op te kajwaltike. ⁴⁵ k'alal te Judioetik la yilik te bayal te mach'atik la stsobsbaik, nojik ta sbik'tal yot'anik sok ochik ta yalel te ma meleluk te beluk ya yal te Pabloe sok las sbol k'optetyik. ⁴⁶ Yan te Pabloe sok te Bernabe ma xiwik ta k'op sok jich la yalik into: " Spisil te sk'op te Dios ja puersa ne'el k'ot ta atojolik. La jkiltik te jaexe la a bajik, sok la awalik te ma ba ya stak' x-ochex ta bay kuxinel sbat'el k'inal, ilawilik, te jo'otike ya sut'otikbael ta bay yan lumetik. ⁴⁷ Yu'un jich la yalbotik te Kajwaltik: " Te jaexe ja la jkak'ex jich bit'il te xojobil k'ak' ta stojol te mach'a ayik ta yan lumetike, te jaexe ja me ya sk'an ya awich'ikbael kolel, ta stojol te lumetik te k'ejelto ayike". ⁴⁸ k'alal te yan lumetik, la yayik stojol spisil into, binax yot'anik yu'un sok yakiknax ta yalbey yutsil te sk'op te kajwaltike. Jich la xch'uunik te bit'il ay skolelik-uk te mach'a xch'unejike. ⁴⁹ Te sk'op te Kajwaltike puk'bael ta spisil te lume. ⁵⁰ Jich yu'un te judioetik kaj ta sujel te antsetik te mach'atik k'axemto xch'uunejik te Diose, jichnix-uuk te winiketik te kajal yat'elik ta bay lum. Jaik la yalik mantal te yakuk yich'ik nutsel te Pabloe sok te Bernabe sok la yich'ik lok'eseltel ta bay k'axem to-a te sti'il te lume. ⁵¹ Yan te Pablo sok te Bernabé la stijt'anik jilel te stanil te xanabik swenta señail ta stojolik. Jich bajt'ik ta bay lum Iconio. ⁵² Jich te nopojeletik nojik ta sbut's yot'anik sok nojik ta ch'ul Espiritu Santo.