¹ Hãrã Ẽesto vãhẽi Cesareape mburuvisharã vapy verã. Mbahapy arajyape oho Cesareaivi Jerusalenpe. ² Hãma pai ruvishare hareka Judio juhuvishare jyraha hai ẽivãpe ñymbyvaishohe verãre Pablo. ³ Hãrã jurureshu reta Ẽesto, veruka verã Pablo Jerusalenpe, shara haire opamaĩ hei reta juka verãre pehupi. ⁴ Tẽivã Ẽesto heishu reta Pablo mbyperesohavape ĩmẽi'ẽi Cesareape, hareka haiteiva oho verã haipe. ⁵ Hãma heishu reta: Punduruvisharã'õre toho shendiekui Cesareape, hãrã ko kuimbai ĩmẽi porãmba japorã, haipepo pymbojahekui. ⁶ Ẽesto pytavejy Jerusalenpe 8 aravaipi, haivi ohojy Cesareape. Parejyrã vapy mburuvishare vapyseape, hãrã veruka Pablo. ⁷ Pablo ichemarã Judiore opa jerehe reta Jerusalenvi ouvare hareka heta heihe reta mbai pohyva, tẽivã mba'ety añeteva mbeuva. ⁸ Haipe Pablo ijocha verã hei: She ajapoãhe porãmba Moise mbypara vekuare, tupaore mãĩrã Cesar rehe. ⁹ Tẽivã Ẽesto pota ẽiẽikavi handi Judio retarã, pyrãndushu Pablo: Ripotara reho Jerusalenpe nimbivachehaka verã shynonde kova mbai rehe? ¹⁰ Pablo hei: Ãĩme rãnga huvishavasu Cesar ryhevare hynonde, shimbivachehaka verãpe rikuaa kaviva ajapomba porãmba israelva retare. ¹¹ Ĩmẽi'e porãmba ajapova shukahahe verãrã, ambasyã shyrykovere tẽivã mba'ety ñẽiẽi añeteva ko heijyre shyreheva mbavẽiãpo katu shiñono haire ipope. Airureshu mburuvisha vasutei shimbivachekati. ¹² Hãrã Ẽesto pyrãndu mbarakuaaserea retape, haivi hei: Nde rirurehe nimbivacheka verã mburuvishateiva; kyrãrã'ãshe rehopo hai ẽivãpe. ¹³ Hãrã mbovy arajyape Mburuvisha vasu Agripa hareka hyreko Berenice oho Cesareape marãndushu verã Ẽesto. ¹⁴ Hãrã haipe mbovy ara pytarã, Ẽesto mbeushu mburuvisha vasu Pablo heko ryheva, hãma hei: Ĩmẽi'ẽi pẽinte kuimbai Ẽelix hejashu mbyperesohavape. ¹⁵ Ãĩmeteri Jerusalenperã, pai juhuvishare hareka israelitare miñaka'iare ijeta porãã jyrehe she, haivi jurure jyre jukahaka verã. ¹⁶ She haipe haishu Romape mburuvisharã'õre jypykuava rãĩmi, jukãã mbavape mbivachehakambashuva mbai mbeuva hãndi, hareka ijetarãni ijehevape. ¹⁷ Hãrã haire jyveru koperã ambupukumbape; parejyrã ñymbatyare vapyseape avapyrã amondoravĩ aruka ko kuimbai. ¹⁸ Tẽivã ou mbivachekavare mba'ẽiã heihe reta, she ãĩmoatẽiã rãĩmi. ¹⁹ Tẽivã haire ohoheva ryhevãĩ koñeĩ heihe, arykai Hesu mano vekua hareka Pablo hei hykoveteri'iva. ²⁰ She aikuaveama ajapo verã, hãrã apyrãndushu Pablo kyrẽiyra oho Jerusalenpe mbivachehaka verã kova mbaire. ²¹ Tẽivã hai jurure mburuvisha vasu Augusto mbivachekashu verã, hokava rehe rãnga ambyperesoka ahejashu katu amondopeve mburuvisha vasu ẽivãpe. ²² Haipema Agripa hei Ẽestope: "She rãnga shykyrẽiy ahẽindu jyveshu ko kuimbai", hãrã Ẽesto heishu: "Parepo ryhendukui". ²³ Ĩrũ aramajyrã Agripa hareka Berenice vãhẽi jyveru, iche reta opa ñimimonde kavi reheve o'ipe mburuvishare hareka karai vasure ko tentape'õre handi, hãma Ẽesto veruka Pablo. ²⁴ Hãrã hei: Mburuvisha vasu Agripa, hareka karaire ñaimbatyñaĩ handiare mbytepe, kope'ẽi kuimbai heta israelvare ijeta porãmbahesheva Jerusalenpe hareka Cesareape, heijyshe reta manoñoĩ verã. ²⁵ Tẽivã she pevarã hainy mbaimba japova mano verã, shara haitei jurure mburuvisha vasu Augusto hẽinonde mbivachehaka verã, hãrã amondopokui hai ẽivãpe. ²⁶ Hãrã mba'ety are añeteva ambyparahe verã kuatiape karai mburuvisha, hãma aru pynynonde hareka ĩãrẽive nynonderãni aru mburuvisha vasu Agripa, nde rypyrãndushu verã. Hãmerãpo aikuakui ambyparahe verã kuatiape amondoshu verã huvisha vasu. ²⁷ Shara hãĩshe hekopemba verã jarahaka pente mbyperesoava, ñambeu kavimba mbaivara he'iahe.