¹ Hãrã vãhẽi ou kuaretare Judeaivi, Antioquiape õñepẽirõ mboishu reta Hesu jyrojaheare, pire chĩchĩhambava Moise heiva rãĩmi, katũãpo ohojepekui. ² Pablo hareka Bernabe pya ohoãhe reta, hãrã hokava rehe heta mbai hei ijupe reta. Hãma Tumpa jyrojaheare Antioquiape'õre mondo reta Pablo hãndi Bernabe hareka ynga reta mi'ĩrũ verã Jerusalenpe, kova mbai rehe jyraha apostolre hareka kuakuavare ẽivape ĩjetahe hãndi verãre. ³ Tupao Antioquiaivi mondohavare hasa reta Ẽeniciaipi hareka Samariaipi. Haipe mbeu jyveshu reta Judiovare Tumpare jyrojavare hareka heta haimba Judiovare pya hei jyve reta roja verã Tumpa. Kova ñẽiẽi hẽinduma retarã vy'a jyre. ⁴ Vãhẽimã jyraha Jerusalenperã, Apostolre hãrã kuakuava tupaope'õre hareka Tumpa hope ñymboivare myvãhẽi kavi reta. Haipe Pablo hareka Bernabe mbeu kavishu reta opaite Tumpa japova haire rupii. ⁵ Tẽivã ã'ãmo ẽariseo Hesu jyrojaheare, puã reta hareka hei reta: ẽiẽinoĩ rãnga ẽiẽi pyreheva chĩchĩhaka verã hareka hekope kavi japoha verã Moise mbyparavekua. ⁶ Hãrã ñymbaty reta Apostol hareka tupao mĩnãkã'iare, kuaa verãre kova, mbaivara Ñanderu Tumpa pota. ⁷ Hetama ijeta pohy ijupe retarã, Pedro ñymbourã heishu reta: Shyryvyre, pee pikuaa Tumpa jypyivivãĩmba pynymbyteivi shypyhyrõ ambeu verã Ñẽiẽi kaviva, jyrojambare hẽindu verã hareka roja verã. ⁸ Tumpa rãnga opa kuaa ñandypyape ẽivãre, hai haihu jyveshu haimba Judiore, mẽiẽi jyveshu haire pevarã Espiritu Santo mẽiẽi ñandea rãĩmi. ⁹ Tumpa rãnga mbivavyã haire ẽivã hareka ñande, shara opaĩ johejyveshu reta pyare jyrojavehe retarã. ¹⁰ Marã'ĩrãra akuarã Ñanderu Tumpa pypyare mokuepishu, pota mbo'eareare haimba Judiore pĩñono pyrehe mãinunga pohyva, ñande hareka ñanytynondevare katumba jepyheva. ¹¹ Tẽivã ñande jairoja Ñandeja Hesu jyhaihukue ryheverã japitymapo ñymondo jepe, haire rãĩmi. ¹² Hãrã opaite ñymbaty õre opa chirĩrĩ reta, jasakahe reta Bernabe hareka Pablo iñẽiẽi, mbeu ñynõĩshu mbaikavi hesha verã Ñanderu Tumpa japo vekua hai reta rupii haimba Judiovare mbyteipi. ¹³ Opama chirĩrĩ retarã, Jacobo hei jyveshu reta: Shyryvyre shyrẽindupi: ¹⁴ Simon Pedro mbeuma jyve marãra Ñanderu Tumpa vãhẽi jyveshu haimba Judiore, hareka pyhẽirõ jyveshu reta ikoshi verãre hẽinta ĩrũrã. ¹⁵ Jyvavyã rãnga Tumpa ĩñẽiẽi mbeu'iare heirã vẽikua: ¹⁶ Kova mbai opama hasarã aijy pokui, amupũã py'ahujy verã David hookue opa oa vekua, ajakatujy verã ñymbai vekua, opa amupũãjy verã. ¹⁷ Hareka kuaretare yvy ĩãrẽi'ẽivãre hekashu verãre Ñandeja, haivi ñymbyhetave verã shyreepe pyhẽirõãvare . ¹⁸ Kyrã hei Ñandeja, kova mbai japova kuaaha aryka'eitevãĩ, mẽiẽimava ĩñẽiẽi. ¹⁹ Hãrã hai pee, ẽiteñoma ñañonoshu verã mbai pohyva haimba Judiore, Tumpa jyrojaheare. ²⁰ Koñeĩ ñambyparashu reta kuatia hareka jairureshu avy hou verãre soo ynga tentape'õ ñutumpare pevarã, avy iko verãre õmendambape, avy tou reta mymba javokava hoo hareka huvy. ²¹ Shara opaite tenta retaipi rãnga, mbijetañõĩmba aryka'e Moise mbypara vekua, sabadope Judiore ñymbatyseape. ²² Hãma Apostolre, tupao ñakarã'õre, kuakavare hare opaite tupaope'õre mbyteivi pẽihẽiro reta Judas, mbyheavajy Barsabas hareka Silas mondoha hãndi verãre Pablo hareka Bernabe Antiokiape. Judas hareka Silas kuimbai hekokavivare pẽinte'ova Tumpare jyrojavare. ²³ Hãrã mbyrahaka reta ko kuatiape heiva: Ore Apostol, kuakuavare tupao ñãkarã'õre hareka jyve opaite kope tupaope'õre, pynymarãnduha opaite yryryvyre, haimba Judiovare, pee tenta mbyryva pikova Antiokia, Siria hareka Ciliciape. ²⁴ Ore hẽinduha ẽirẽimbyteivi ohova yryryheva, oremba mẽi'ẽiãshuva ñẽiẽi opa porãã japopy reta haire pyrymboiheva. ²⁵ Hãme rãnga pẽinte ñẽiẽipe õiharã pyhẽirõhã kuimbaire pẽiĩvape mondoha verã, haihuhava Pablo hareka Bernabe hãndi, ²⁶ haire kyjeã ñono reta hykove Ñandeja Hesukristo heepe. ²⁷ Hamẽi rãnga mondoha Judas hareka Silas, haire mbeu kavipe verã mbyparahapeva. ²⁸ Haikavi rãnga Espiritu Santope, hareka ore ñonohãã mbai pohyva pẽiarẽi, koñei ñanykyrẽi'ẽiite jaikuavẽiĩ: ²⁹ Avy peu mymba hoo me'ẽiãva tarã'ãnga retape, tuvy, mymba javokahava hareka avy pypyrẽino ndeiteri pemendaheape. Haikavipo pijapokui kova pijijokoshirã. Kova haipeveima. ³⁰ Hãrã Bernabe, Pablo, Judas hareka Silas jyraha Antioquiape. Vãhẽima jyraha haiperã, ñymbaty hãndi reta tupaope'õre hãrã haipe mẽiẽi reta kuatia mbyparahava. ³¹ Mbijetama retarã, opa vyajy jyre shara haikavishu reta. ³² Hãrã Judas hareka Silas haireta jyve Tumpa ĩñẽiẽi mbeu'ia retarã heta ñẽiẽipe mbyvyajy hareka mẽikyrẽiyshu reta pẽinte'ova Tumpare jyrojavare. ³³ Kẽiẽima ñynõĩ haiperã pẽinte'ova Hesure jyrojavare pyavapype kavi mondojy reta ojyverãre mbouvare oĩvi. ³⁴ Hamã Silas haikavivejyshu pyta verã haipe. ³⁵ Tẽivã Pablo hareka Bernabe pyta reta Antiokiape, pyrymboihe hareka mbeu Ñandeja ĩñẽiẽi, heta ĩrũre hãndi. ³⁶ Mbovy aramajyrã Pablo heishu Bernabe: Jahajy ñavãhẽijyshu reta jyrojavare opa tentaipi'õre Ñandeja ĩñee ñambeujai vekuaipi hareka jaikua verã mãrãra ñynoĩ. ³⁷ Bernabe jururehe Juan mi'ĩrũraha verã, Marcos he'iashua. ³⁸ Tẽivã Pablo pya ohoãhe raha verã, shara hejareimba reta Panẽiliape jyrerã shara ñateẽimba jyraha hipi mba'apo verãpe. ³⁹ Hãrã haipe hetama ijeta porãã ijupe retarã, pepẽintei opa syry ijuhuvi reta; Bernabe raha Marcos, Chipre kyty oho reta, ⁴⁰ hãma Pablo pyhẽirõ jyve Silas. Haipe Hesure jyrojavare ñonoshu reta Ñandeja ipoperã, jyrahajy, ⁴¹ hãrã hasa reta Siria hareka Siliciaipirã, tupaope'ẽivãre opa mykyrẽiẽi reta, jyrojañoĩhe verãre Ñandeja Hesu