¹ jipi'ko echi nochali mapu illemi osali: ''kala ju mapu bile rijoi kie chapime bile muki'' ² chopi echi jiti echi mapu inerli wikabe nira kie kala nira, ibilpi rijoi nima bino niwa bino upila, mina ibilpi muki nima re bile bino kunala. ³ ali kunala allena 'cho bino upila mapu napawika nira, allena'cho bino upila alle na cho echi bino kunala. ⁴ kie tasi echi ju bino upila mapu nima mapu bacha chukuami nira bino repokala nira, echi bino kunala. ali kunala kie niwa chiko bacha chukuami nima chopi bino repokala nira jiti, chopi ali echi muki alle' na nima. ⁵ kie nakiwi ibilpi nira, mapu napawika kuchumea mina rawe nira. olasi je' na mapu ali illemi omerbo olowa illemi omera oloa aboni nira illemi aboni tani' ka. echali illemi mi napawika nokomea che sine nira. mapu echi Riablo Kie omerma sayera illemi ali rolsa pe kie kala nira nisa illemi. ⁶ chopi nije'ko ani jena iri ali illemi mapu bilena kala aniwachi mina kie nira mapu bile nulalila nira. ⁷ nije naki mapu rika karka nisa mapuri'ka ju nije. chopi ibilipi nisa illarami bile nochali Riosi niwala. bile niwa je'na iri mapu illarami ju, mina che bile, a che bile namuti. ⁸ mapu aboni illenami mina echi kie kuneami, nije' ko mi ane mapu we kala ju mi nira ali aboni no kisa kie cho nira niwika, mapurika nije. ⁹ chopi ali mi omerma olowa echi mapu ni kala nira, abo niko ali niwimare. chopi we kala ju mi nira ko mapu niwilwami ali ikosia ikili nira. ¹⁰ jipi'ko, mapu napawika pireami mi illama je na nulalila, nije' ko kie, ''ÉCHI BINO UPILA KE TASI KU ROJAMARE MAPU BINO KUNALA.''' ¹¹ chopi ali echi ali ku riwesa bino kunala, echi ko isisma re kie kuneka ali alle' na cho o pe se una nira ku kili nira nisa echi lluwa. mina ''ALI KUNALA KIE KU RIWEMARE BINO UPILA.'' ¹² chopi che jare nije mi ane, nije, kie echi walubela, ali bile rejimala nisa bile bino upila mapu kie biwami mina echi mina asi sa we kanilka echi lluwa, echi ko kie ku riwemare ali echi. ¹³ ali bile muki nisa bile kunala kie bichiwami, mina echi asi sa we kanilka echi yuwa, ali echi ko kie riwemare echi. ¹⁴ chu rika re echi kunala nisa kie bichiwami nisa rakusa ali bino upila jiti, mina upila kie bichiwami ju echi katiwarami rejimala chokila jiti. Ayenacho echi rika nira kuchi nima nosoburami iyenami, chopi nisa kala katiwarami. ¹⁵ chopi ali bile apanero nisa kie bichiwami si me' re, cha riwesi mapu si me. ali echi rika nisa, ali echi rejimala o bile tiwe rijimem nisa kie tasi bulerami nisa ali chapirutami nisa. Riosi mi riwali mapu pirelvo kanilka ikili njira. ¹⁶ alike, ¿chu rika machi muje, muki, ami kuwirma muje kunala? o ¿chu rika machi muje, rijoi, muje mi a kuwirma muje upila? ¹⁷ bine li riwesi ibilpi nira ali pirelma mapu echi walubela mi illasa ta namuti, ibilpi mapu Riosi ha riwali. jena ju mapu nije nula karka buchuwina reobachi. ¹⁸ ¿simili bile rijoi sikireme mapali bayerami nili mapu ocherma? echi ko kie nakima mapu sikirema mapali bayerami ali bichiwika nira? echi ko kie nima re mapu sikiretami nima. ¹⁹ ali kie nisa sikiretami o kie sikiretami nisa mapu we naki. mapu naki ju echi mapu nambo echi Riosi nulaliwala. ²⁰ ibilpi ni mare ali anerami mapali Riosi mi aneli mapu mi ocherma. ²¹ ¿illemi nili echi risurika nochartami nili mapali Jesusi balleli ? kie chibi nilbo echi jiti. chopi ali nisa pi kie iri nika nira, chapisu kala ju jena. ²² mapu echi ali ballerami nili echi walubela jiti mapu bile nokami nira, ju echi rijoi ma pi iri illenami. alle'nna cho chi korika mapu nili pe iri illenami mapali ballelti mapu bichisa pi we nochartami nira echi Kristo jiti. ²³ illemi ju raliruami bili we natelwala, ali kie nibo mapu we nochartami nira echi ralamuli jiti. ²⁴ rejimala, ali bile bitelwami ali ibili pi tamuje alle'na cho nili ali mapu mi balleli mapu mi bichima, echira ka a nibo. ²⁵ ali jipi chu kipi echi mapu ali kie sine napawili, ni jeko kie niwi nulali echi walubela jiti. chopi ni je ko illa mi natali mapurika bile, chopi walubela kuwirli jiti, kala ni ra kare. ²⁶ echali, jiti nije ko nati mapu aboni we risurika simirachi we sapu nira, ju we kala rijoi nira inarsa mapuruka inara echi. ²⁷ ¿ ju muje bulerami bile muki? kie asi mapu ripima pe iri echi jiti. ¿a mi pi iri atiali bino upila jiti? kie aka nokosi bili muki. ²⁸ chopi ali mi upesa, muje ko ketasi cho chati olali. Mina ali bile muki kie kuneami mina kunesa, ali kie chati ola chuku. Ali ke, ali jare mapu napawinirulma kaname kie kala simirma ali ala pirelsa, mina ku kuweima mapu riwe pi iri nira echi jiti. ²⁹ chopi je na ko nije ani, rejimala: mapu echi raweali we pi kie we ili nira ju. jipi jonsa minami nira, nakiwisi mapu echi mapu ki okaka pireami ju mupuri ka echi ko kie niwami nira. ³⁰ mapu iki nalakami nokosati kare mapurika kie nalala nira; mina jare ko mapu we kanilami mapuri ka echi ko kie kanilami nira; mina mapu iki ralali chuwe iri namuti, mapu aboni kie iri nila nira. ³¹ mina jare ko mapu ineka noka mapu wichimoba niruami, kie nilati re mapurika ochuwa ine karka echi nira, ali jare kaname iki kayame mapu na iba wichimobachi niruami. ³² nije mi we kanilma mapu illensa pe ir nira mapu illemi we nata illena. mapu echi rijoi kie upeami nata chuko jre namuti echi walubela inili, churika mi natetali illami. ³³ chopi echi rijoi upeami we siwe ka asi sa mapu namuti naiba wichimoba niruami jiti, mina chorika nima bile muki. ³⁴ Ali echi ko rojonarami ju . echi muki kie kuneami mapu echi tiwe we siwe ka ati mapu karunti WALUBELA ONORUAMI niwali, churika nima katiwarami ali repoka nima echi wikala. Chopi echi muki kuneami asisa ayenacho we siwe ka mapu namuti wichi moba chi niruami jiti, churika nima echi rijoi. ³⁵ nijje ko ani je na mapu rika bino nira kuwirli nira, mapu uchema bile kie omer lowami ni nira jiti. jena mapu we kala kare, mapu rika inima jurami walubela jiti ki niwika. ³⁶ chopi ali bile olasa kala nira echi binoi ranala kala nira, echi pe minami nisa we bamiami nisa mapu napawika illena mina echirika a nisa, ali binoi ko kie chati ola chuku. echi a ko napawima re. ³⁷ chopi ali bino inarsa achinika bino sulala, ali bino pi bino niira isisa ali la omersa ola bino nira. mina ali bino a nakisa bino sulala jena, chapisa bino niwali echi tiwe kie kuneami, ali binoi ko we kala ola. ³⁸ mapa ali napawika isi mapu bino nima re we kala ola, mina mapu nakiko kie napawi ko olama pe we ala. ³⁹ bile muki bulerami nisa ali bino kunala ali ala bitelsa. chopi ali bino kunala mukusa. echi ko ju mapu iri kunema mapu bino naki mapu kunema, chopi echi walubela jiti nira nakisa. ⁴⁰ mapu bino naki, ali bilena kalarwachi ali bino nima we kanilma ali ala bitelsa ka biji mapurika kare. Mina nije ko malle mapu nije ayenacho niwi WALUBELA ONOURAMI wikala.