¹ Yá waiwacalii imaca Josue "iri picá pinaidaa calucapiaá; pica achuma piwawa peda piapichawa macaita weneiwica nia ipelieyeica-pirriawá Hai nerré. Picawa, nua yai yepuaderíca icapirrícule yai Naiwacaliica ale Hai nere, yá piyacale, ya nacai piasu calinerré. ² Iyumate ipelianá Hai nere yai icuerináca caitanacai imani Jericó nerré yai icuerináca, Nere siuca-aniowá medaca yasu cabenirica yai ipirranaica ya piasunai cueca-niá. Nacuada aberrii yanaisi yamisewa yai yacaleca" ³ ináa yaia Josue imichacawá yá iteca macaita asianai cachaíniyeca ipelíaca Haí nerre. Nee Josue yedacania treinta mil (30.000) asianai, casianai cachainiyeica camíyeca calu ya ibanuacania iteseba ale teiyápii. ⁴ Yá ichuliacanía: "Picacuerra iyapinanica aberrii yanesii naipunita niai yacaléca, Uamii Uáde. Picacue piawa meini deculeé yacalé icha, guewa idecue maulenacueca-piaá. ⁵ Nuá macaita niai asianaica piacuerdacue-nuá, wána mabienita yacalé iricule. Yai namusuacanámi ya napeliacawie, wapiacawá decule yawa naito naicha iyuwate guécha. ⁶ Namusuácawa napiacawá wámi yai wanacata leta-niaa deculee yacale icha nece naimaca: niai napiacawa waicha queitanacai wapiacawa naicha. ⁷ Néce piecue pimusuácuewa sisárra. pibacata-lecuewa ya nanaca wacani ale yacaleíricule. Yá iwacalii Diosca yepuada nalii yai yacaleca icapi irícule. ⁸ Nanacalii yá naibaca yacalé yá Nawapiná quichai iricule. Pimanicue macaita yaii pemiaca calicué ichulinaca yerica pirii tacaisii yai naiwacaliica. picara, nualicawa nuchulianá niaa. ⁹ Josue ibanuaca niaiyá niacáni nacawá aléde yaneisis iriacatalewa, ya nece nabacawa chaii Betel iricu yá Hai iricu. alede Oeste nerre Hai iyaca. Nece Josue imáca tayapii chaii yacaleiricu. ¹⁰ Josue imichacawa mapiseisiwata ideca ichunica niai yá su úwinewa yá maulenaca-nia, Josué niainacai beyeica Israel nai, yá niai napeliecanía Hai iyacalena iricu. ¹¹ Macaita asianai ipelieyeica iyeyeica yápicha namichacawá ya mabienicanía yacalé iricule ya nayamaidawa Norte yemabeise Hai nece. Nece, iyaca aberrii nanacatai. ¹² Ya yedacaniai cinco mil (5000) Asianai yá iriadaca nalii yaneisis sisáde oeste nece chaii yacalé iricu Betel ya Hai nacai. ¹³ Nawacaida macaita ubinai, nía naiwitapu naica Norte yamawaise yacalé nece niá imagueiyeicawá ubinaica Oeste yemawaiserica yacaléca Josué ichabacawa taiyapi duli bamichómba. ¹⁴ ya neiwacalica Hai neceríca icacaniá. Niai yasu úbinei namichacabá mapiseisiwáta yepuaca naipuintadacawe napeliacatena Israel nai, naiponita nanucuali yai úniba Jordan. Yai camita yaliwá queinacali icuericáni aberi yaneisis yai napeliacatena nachabaléwa yai yacaléca. ¹⁵ Josué niai macaita Israel nai nachabacawá namanica yai namauníadacanía napichabeise nece nachuliacawá maisawaliré. ¹⁶ Macaita nayacá yacaléricu nacawá namaidaca yai napiadaidérica nacawá Josue yami yá nacuwá yacalé icha. ¹⁷ canáta imagueriwa asiali Hai neré yá Betel nacai camíta nánanére nacanámi yámi yai Israel. Naimaichacá yái yacaléca yá namacacá maisawálita napiacanami niá Israel nai. ¹⁸ yá waiwacali imaca Josué iri: naducuá ipuata yai chuculuca nalima nia Hai neceyeica nuepuadáca piri picapirícule yái Hai iyacalenaca "Josue iducuaca chuculu ipuata yalima yai yacaleca. ¹⁹ Niai ubinaica nabacawá nalú iricubawá gueide iyuma yaneísis nadeca nachuniacawá yá namusucawá naicanámita yá naducuaca neré. niai napiacawá, nawaluaca yacale iricule yá naibabia ya napucuadaca guichai alei yacale iricule raúnamaita. ²⁰ Niá asianai Hai neceyeica yiná nabenuácawá yanaicáca nachaba lewá. Naicáca Isa imusuacawá yacalé yewise alé chenuniré iná camita nade nachuliacawá yemaléwa. niai ubinai Israelitanaica guewa nepuacawa alei maisawaliré yá naipuntaidayacawa. ²¹ ya Josue nia macaita Israel nai naicaca Isa yepuaca yacalé ya naibaca mia asianaica alede Hai neré. ²² Nia aibanai Israel ya su ubinaica, niede iwálueyecatewa yacale iriculé, namusuacawá ya napeliacá iná siucade niá asianaica Hai neceyeica nacawá napelíaca Isarel ya su ubinaica yapicha, aibanai yemaweiseyei nacai. Israelnaí ipeliaca niai asianaica Hai neceyeica: canata ideri-cauca ichulieyei pináwa. ²³ Queicata nadenía namuchulicuwá naiwalíca Hai neseríca caucani yai naiberica naneidacá Josue ipunitá. ²⁴ Nese idecanami Israelnai imalaidacá inuáca niá macaita iyeyeica Hai nese, iwalibata caliguei mawieníricata maisawalirica nayacataba napiadeídaca-nía, neníta inumamí imalacawa caseruniríca nacápisaica, macaita Israel nai yepuacawá Hai neré. quewa napelieyai caseruniri nacapisei iyúwa. ²⁵ Macaita nauwacawá néníali éri asianai inanai nacai nawa doce mil (12000) namanubaca macaita yacale Hai neseyeica. ²⁶ Josué camitá iricuada icapiwá, icuadacá mamalácata yasú ulibánawá gueita imalaidacaniá macaita yacale Hai neseyeica. ^{27 28} Israel yedáca aberi cuwesinai yai cabeníri yalúca nacai alede yacalé iricú iyuwa ichulíaná piayai naiwacali Josuéca. Josue yemacawa alede Hai néni ina ímacacawá calulecaneri iyú cairipinata. Ina imacacawa maisawalitani queita siucalemata. ²⁹ Icuacawa ya naiwacalica Hai néni aberi aico iwali queita taica iwali eri iwaluacanami-wá yá Josué ya nali wáwasi nalícuadana piná ichecami ya naiwacalica aícú iwalise yá naucacani yacale inuma ipuníta, chata namaní aberi anilima iba inata, yai analima ibaca iyerípinata neni siucalenamata. ³⁰ Nese Josue imaníca aberi yalú masagueri yai Israel yasu Díosca ale dulinere Ebal. ³¹ Baisita Moisés Dios ya su wehíwíca cani iyacánacai iyúwa ichuliana Israelna iyacale iricú. gueide iyuwalate natananá Moises yasu cuyaluta iricu yai tacaísís cabeniríca aberi iba macairita cawa canáta bawerí inataba canatanacai ideri isuberíacaní imíeri íyú. "yate yemaca aberi cuwesi yerípina Dios irii casimaicatenani. ³² Chaii iyerica napicha Israelnai iyecale iricu yá Moises itanacaté iba inataba tacaisi cabeniri. ³³ Macaita Israel nia nacasi beyeica uwi iwacananai nia ichunieyei tacaisi iyuma yáde yemaweiríca yai yalusica napichaweise niai ibeideri Dios icapericu nía nacai levitanai nepunidaca Dios icapé yalú. Eiba yacaleneseyai nenísanata, nemanacai nabaluawá naipunita Gerízin ya su dulinése niá aibananacai nabaluacawá naipunita Ebal yasú dulinése yate naca nalii cayaberi wawasica Israelnai iyacále irii, yai Moíses iyérica machacanita Dios yapicha iyumata íchulianá idabanawá. ³⁴ Neseté macaita Josue iléca, macaita tacaisi cabenirica, iyuwate itananáte cuyaluta iricú tacasi cabeníyeica yá cayaberinacai. ³⁵ canacatate tacaisi qué camirica idé Josue yeweidaca nali niei iwali Moises ichulíaricate icalidaca nali níei iwali Moises ichulíaricate icalidaca nali níeii Israeli neii inaneii sumanaii macaita niai íyeiyeate neiba aiba calineseyei.