¹ Ya Jose yepuadacá yasu weneiwica irii yai calii Jordán, ale idecuni Jericó nere, Jericó yasu uni cunierri, sisade eeri imusuateisecawa, iwualacawa alede amisawalire, nairiecawa Jericó nese, yewiba yai Betel yasu dúlu nenibaa. ² ya Sisa Betel nese idecumii ale Luz nere, nachabacawa machacanita Atarot nenibaa, arquitas yasu calii. ³ Ya nese nalicuacawa Jafletitas yasu calii nere eeri idapocanamiwa, Alede caliaculee Bet Horón nese caita nanaca Alede Gezer nere;imalacawa uni manuiri piweri iweree. ⁴ Caicata icacanawa, Manasés, Efraín nedaca yai nanirii José Yepuaderica nali yasucawa. ⁵ Ya Efraín yedaca yasu weneiwica iriwa iyuwata yanawaca yai abeeri calii imala cateicawa imaquerica Atarot Adar nese, Bet Horón chenibaa. ⁶ nese nacawaa napichalewa uni manuirii nere idecuni nere Micmetat, depuawalee, nacapowaca chabaa tanat siló iwalibaa, nachabacawa Janoa nere idecuni. ⁷ Janoa nese nalicuacawa alede Atarot, Naarat, caita nadecawa alede Jericó nere, nanacate Jordán nere idecunii. ⁸ Tapúa nese abeeri calii inumami yai Caná yanabacaa, imalacawa uni manuirii iweree Yacate Efraiín yasu iwitána, yepuaderica nalii nia yenaneicawa. ⁹ Yapicha yai yacalee manuinameri, nederica nalii nia, Efraín, Manasés yenaneica, macaita yapicha yai yacalee, caide iyuwa yapicha yai nasu calii nayacataica. ¹⁰ ya namusuadaca naichawa nía Cananeos, iyeicate Gezer neni, ya nese nia Cananeos iyaca Efraín iricu Siucalenama, ya nia Weneiwica nachuliaca naibeidaca imierii ibeidacalesi Chainisirii