wendyc-pio_jos_text

Capitulo 14

¹ Yácate inumami yáee caali Israel yédéricate náasu piná canaán yáasu caali inata, Eleazar ibeiderica Dios icapáricu nacai, Josué yápicha nacai Nun irica, nápicha niaee Israel iwatápuneica. ² Yáee náasu pinaca niaee nueve (09) nataquencimica nainiwacaté yáee caali nepoderica nalú, yématanacai nawali niaee meisibeyei itaqueneica, iyúwatate ichulianá Moisés ichanaidacá́ icápiwa iwali. ³ Moisés quénate nacai yépuada nali niace puchaiba itaqueneica neema iwalita quéwa déaculé Jordán, quewa nali niaee Levitaca canaca yepuaderi nali. ⁴ Niaee José itaquéneica puchaibacata niaa, Manasés Efraín nacai. canaca ibata achúméri piná népuada nali niace Levitaca inata yaee caalica nayacaitaté yacaali imúchulicu nayacatei piná, quéwa canáca ná́asu caali nabanacatai pina nadáunatai piná nacai napirrawa. ⁵ Israelita nau imanicaté cáitadé iyúwa waiwacali Dios imánate Moisés irú, iina queicate nepuadaca yáee caalica. ⁶ Niese Judá itaquenei nánacá Josué yátalé Gilgal neeni Caleb nacai, Jefone iricá, cenezeo nacaim yaté imacá iri: idéca pialéacawa waiwacali Dios imanaté Moisés iri, Dios yáasu weneica, piwali nuwali nacai aléede Cades Barnea néeni. ⁷ Núdeniacate cuarenta (40) camui Moises waiwacali Dios yáasu weneica ibanuacanamité núa, Cades Bernea néere nuicacaténa ichabériwa iyá inata yáee caalica yáté nonidaca iri tácaisi iyúwa nuicána ichabacawá. ⁸ Quewa niaee nuénanei yéyicawa nopicha námanica achúma nainaidacawa nacaluniwa niaee weneicaca quéwa núa númanicaté iyúwa nuiwacali Dios iwawana. ⁹ Neenialité Moisés imaca isanawanali iimaca: baisitacáminá yáee caali pipinérica inataba piasu pinátacamina nalú nacai niaee pénibecá queiripinata piaquéna imaniri caide iyúwa waiwacali Dios iwawana. ¹⁰ Siucadé piácuee! idéca nuiwacali Dios icuaca núaa cuarenta y cinco (45) camui idicuni, iyúwataté imánaa, idé imaaca isanawa Moisés iri; idecunitaca Israel ipinaca maisawaliri néeni ¡siúcáde pialiacawa! nudeniaca ochenta y cinco (85) camui. ¹¹ Siuca eeri caicata nuicháini iyúwataté quécho nuáa Moisés ibánuacanamité núaa, nuichaini iyácá nuanápinawa úwicai néene nuepuaná́ pinawa neese nacai. ¹² inaa siucade, pia nuli yáee dúli analimérica, waiwacali Dios idéna pémiaca neeniali eeri anaceos naii iyána aberiii yacaalé manuinaméri yáwana iricu. quéwa nuiwacali Dios quenata nopicha yalimapiná numosodaca niaa iyúwatate nuiwacali Dios imaná itácaiwa nulii ¹³ Néese idécamité Josué imaca capiwa iwali yáté yepuada irii Hebrón yásupina yáee Caleb Jefone irica. ¹⁴ Iina siucade, Caleb yáasu iyúca iwenuawa yáee Hebróncá, Jefone iri enezeo néeserica siucalenama yá eericá, quéwa manui quénáa iwawa Israel yáasu Dios iwére. ¹⁵ Qué́ma, Hebrón iipidenaté quecha Quiriat Arba. (Yátatee cayáberi asiali néwise niaée anaceeneica.) neniali iyamaidacawa yáee cáalica uwicai icha.