wendyc-pio_jos_text

Capítulo 13

¹ Quewa idéecanamite bérrica yáeé Josué yatée wacuérinasairi iimaca iiri; idécameine ''bérrica pia, quewa iyacawaca manuba cáali iwacuteri pepoadaca naicha'' ² Yaacata caali imaquériwa: Macaita yaee yacaalé púbanameyei filiteo neii yaasu yácaalé nia macaita gesuritas yaasa caalica. ³ Sihor néese, imaquéricawa siciamade Egipto eeri imusoteisecawa, baapiolée iwaliwa; iwerewa yáeé Ecrón inumámica, namaquéri náasuca niaee cananeos minaneica niaee cinco (05) naiwitapu filistea néeseyeica niaee Gaza néeseyeica, Asdod, Ascalón, Get Ecrón nacai yáee cáali aveosnei yáasuca. ⁴ Depówalée iwaliwa iyaatácawa macaita yáeé cananeos minaneii yaasu calica, Mehara yaasunacaii yáeé cananeos minaneii yaasu calica, Mehara yaasunacaii yáeé sidonios, Afec neenita Amorreos inumami neenita ⁵ Giblitas naii yaasu caali, yá nacai macaita Libano eeri iwalócatalecawa, Baal Gad Neese yamba yáeé Dúli Hermón lebo Hamat neeré inumami. ⁶ Caitanacaí, macaita niaée iyeeyeica Dúli iwaliwa siisa Libano néese Misrefot Maim néee macaita napicha niaée weneiwica Sidón minaneii, yá nutéca numosodawa nia Israél yaasu uwineii ipichale iwacutá idé piwacocá Israelistaneii iwali yáeé cáalica náasucaténani iyúwá nuchulianá pia. ⁷ Piwacua náali yáee cáalica naali niaee nueve (09) manasés itaqueneinámica naali nacaii niaee imaqueyeicawa. ⁸ Néema yáapicha nacaii niaée Manases itaqueneinamica, niaee rubenitas gaditaneii nácai needaca Moisés yáasusi caweniyeii yéena eeri imasoteisecawa Jordán iwerewa. ⁹ Aroer néese, imaaquéricawa icaluwi manacuali iipuléri unibáa Arnón néeni (iwaluaderica yá́apichawa yáee yácaalé iyeerica bamichuomi manacuali iipuléri), Medeba Dúli machawiri néese iyúwa idécuni yáee Dibón; ¹⁰ Macaita niaee yácaalé Sehon nééseyeica Amorreoneí yaasu Rey, ichúlierica Hesbón neeni amonitas yaasu caali néere inumami. ¹¹ Galaad yácaale púbeyei gesuritas maacateos nácai Macaita nacai yáee duli Hermón, macaita nacai Basá́n salca néenita. ¹² Macaita yácaale cachainiri siisade Og Basán nacai, ichúliericaté Astarot Edrei neeni (niacate néena imaqueyeimiwa refaitas naica) yáate Moisés cachauná imanicani yate nacai imosodaco newiseni. ¹³ Quewa yáeé Israel iyacaaleca camitate imusoda niaee gesuritas minanaina maacateo nacai. Queewa camita caini, Gesur Maaca nacaii nayaca siucalénama neewi niaee Israelminaneica. ¹⁴ Abeerita Leví itaquerénamica yáeé camita Moisés yepuada iri yaasumiwa. quewa yátáée neepuadérica waiwacali irii nachabaiderica quichaii iricuba iyuwatate imana yá́ée Israel yaasu Diosca, iyúwataténacai imaná Moisés iri. ¹⁵ Moisés yeepuadatanacai yásumiwa Rubén itaqueneinami iri abédanamata iyúwa nawanubaca. ¹⁶ Aroer néeseté inumami yáée naasu cocalica, iwalita yácaalé iyérimica bamichuami mana cuali iipoleri macaitanacai yaee Medeba yáasu manacuali Abédéri. ¹⁷ Rubén iri nacai népuadá Hesbón macaitanacai iyéerica manacuali abederi neeni; Dibón nacai, Bamot Baal Bet Baal Meón neeni nacai. ¹⁸ Jahaza nacai cademot nacai, Mefaat nacai, ¹⁹ Quiriataim nacai, Sibma nacai, zaret sahar iwaliwa dúli manacuali ipuleri neni. ²⁰ Bet peor nacai, dúli pisga ibalai nacai Bet jesimot nacai. ²¹ Macaita yacaalé iyérica manacuali abéderi néni yá nacai macaita cháee Sehón ichuliacataica naiwacali niaee Amorreos minanai, ichuliéricaté Hesbón néeni Moisés imauniaricate nápicha niaee Madian minanaica, Evi nacai, Requem nacai, Zur nacai, Hur Reba nacai niaee caali icuerina yeenibaca iyéyimica caali Sehón néeni. ²² Israel minanaii inuaca capisaisi caseruniri iyú yáeé Beor iri Balaamca camaliquéri cawiculidaqué́rica neewi niaee nánuéyeumica. ²³ Rubén itaqueneinami yaasu caali inúma ya táeé uniba Jordáncá; yácatá inumami yáeé yàcatate Rubén itaquéneinami yáasu yaee, yérica nali abechunama nálimawanama, yáasu yacaalé manuinameri yácaalé púbenameyei nacai. ²⁴ Yácate Moisés iwacueri nálimawanama niaee Gad itaquéneinámica. ²⁵ Náasu caali ipidenáté Jazer, Macaita yáee yacaalé Galaad yénanacai yáee amonitanai yáasu caalicá Aroer nére inumami, imaquéricawa eeri imusoteisecawa Rabá néese, ²⁶ Hesbón néese Ramat Mizpa Betonim, nenita inumámi Mahanaim néese yacaalí Debir nére inumami. ²⁷ Moisés yepuadacaté manacuali ipuleri Bet Aram, Sucot Zafó́n nacai, Sehón iyacaalená imaquéricawa nacai, Hesbón icuériná nacai, jordan yápichata iyúwa inumami siisa iwaliwa cáliacuba lamáa Cineret néeni Aléede déćulé Jordán eeri imusoteisecawa. ²⁸ Inaa yacataté Gad itaquenci yáasu, yá́caalé manuinameri yácaalé púbenameyci nacai nálimawana. ²⁹ Moisés iwacoca nawali yáasu caweniyeiwa néema irii niaee Manasés itaquéneica. yá yepuadacaté nacai nali niaée weneica Manasés néeseyeica iyúwataté mamanubaca nálimawanama. ³⁰ Naasu caali idabériwa siisade Mahanaim, macaita Basan nacai, macaita Jair yaasu yácaale iyéyeicaté Basán néeni sesenta (60) yacaalé nueni. ³¹ Galaad yémanacai, Astarot Edrei nacai (yácaalé ichuliacatai yáeé Og Basán neeni.) yácate népuadana nalipina niaee Maquir yénibeca Manasés iiricá (néema niace weneica Maquir néeseyei, iwacuacawa abédanamata neenibenei iwalii.) ³² Yácate Moisés yepuadéri nálii caali Manacuali abédéri neeni Moab néeseri, aléede déculé Jordán eeri imusoteseicawa Jericó iwaliwa. ³³ Mitaté Moises yepuada nali yasusi caweniyei niaee Levi itaqueneica, yáee waiwacali, Israel yaasu Diosca, yácata náasu iyúwate iimana nalii.