¹ Tokjamiëts't jets niakyëyakët't ma nitënëëwy mëët kutunkj tëëjk, játs tmumatotët, nits jup'ix itjy ma tukey oy miutunj. ² Tokjamiëts't nits nipön tkutsin kapxt jets ke jiëjt nayloyë kiupëkp mits jaa'y tuntët punti ntsom tsokt tyik nikëxëkt loy jaa'y iat ma tukey jaa'y. ³ Ku atëm tuk yaj të n'ityen kanijaweepy kamatoopj. Takoypy n'ityn nits wëntumy n'ityn ma këm nwinmaany jets nxontaken. N'jukyatyën takonyjioty kaoy ixën këxm nityen axë'ëkp nkanayioy ixen tu'uk ja mtuik. ⁴ Ko je nyikexjeky Dios ioy jaay latj ätëm nyikmatakjpj mëëtj tsjokën nyikëxjëky juky ieew këxm. ⁵ Ke jie keym ku atëm wiënë të oy nimtiunën, je piaayoon kexm je ots xikmatakyën. Ots xik matakiën je kexm ko xix wntxën ma nam këxëkën jets anam aten watjs jawen kexm. ⁶ Dios tiknaxkitakj maynyex wiats jawën ma ätem Jesucristo kiexm ätëm n'yikmatakp. ⁷ Je na tuunj jets, ku të nwats jatiën je loy atën këxm, jets mëët jem njematën ma mupëkën miti juki atj mi xëmë kunëx ⁸ Yaat kepx tieywy yë. Tsekyp äts nits xkapxt mak empy ma yaat tukey. Jats mati tëy jawetyps Dios itp t'atsoktjt ioyuyë tunk mati jë piëm jets winkuky. Yat tukëyë oy yë jëts tunxëp nitukëyë jaa'y. ⁹ Kë xkupë'ëkt yëktëjën mi ka wiy mëët naskëxëx ok nitya wintsojën ok nyiktsip jatën yaat kutujkj, mati katsowatp miti niti kawamp. ¹⁰ Ke xkupëkt pön pön tikjë epy naywiakxen ma miits, pöntë tuuk ya ok mets ya xjakapx tsooy. ¹¹ Nijaw ku tuuk nixkëm jë të tiutakoyny ma oy tiu jets tiakoyioknë kem tsje nia wientuny. ¹² Ko äts mits ntanikex je artemas ok Tiquico, jotakoyem nits äts xnimint jem Nicopolis ma äts te niwinmayë nyiknaxt äts xux. ¹³ Jota koyëm nits xpakext zenas, mati tnijaw kiexp je kutujk mëët Apolos, nats nit kia ka itxët. ¹⁴ Atëm njaay je jiex tiajetyp nits tunt'oywy tunk jets t'atënët mati pajt atep jets ke kia tëëmëtj. ¹⁵ Tukëyë mati äts yam nmëë yes mooyëtë. Mo yës mati x'atsokjëm jentxawen kexm nits oy laten jiëjët ma miits nitukëyë.