¹ Jesús pitsëmy tsaptikypy jets jem ity tiuyoy nits tumpëtëëkj nyiminë winkon nits tiok ixë ntso tsapteekj piotx. ² Jets je iatsooy nits tnemjaay jëtë: "¿Miits ke x'ixtë tukëyë yaat? Tieywie ats miits nëmëtë nituuk tsa kiatant' nikëywiëty mati ka kitapj. ³ Kots jem txënaay kopkëxm miti txëëw Olivos jets tiumpëtëëkj nyiminetë aweky jets nyemxë nikapx ¿Junë na tiunëtj? ¿Ti ixpëëtj jëjëpj ku minkomëtj o ku naxwinët jiupkëxt? ⁴ Jesús ots iatsoyë nits nyëmxtë nay'ixitëtë jets nipen mkawin äänëtët. ⁵ Jeku nimanyëx mintët ats nxëëw këxm jets wiantet ats je Cristo jets nimanyëx twintuweket win äämën këxm. ⁶ Miits matotëp tsip nits tsip ayuuk, ixtë katim x'ayoj je ku patatëp jets yat tiunët kënëmts wienë jiupkex. ⁷ Ku kaapj tniwutekp atuuk kaapj, nits niwintsën ja tuukj niwintsën, jets jiëjët yu jëts jiëjëtj ux oymiaye. ⁸ Jets tukeye yaat tsontakpnëm wiënë ntsom anën peken ku uunks unankj mniwatswanyë. ⁹ Jets miits mikëëyak jets m'ayompaatët jets jaay myikpaokët jets tukeye naax kaapj mkaoy ixët't ats nxeew kexm. ¹⁰ Nimay nikx yoymintë yoyxëpt nits nyakieyakëtet tuukj ja tuuk jets kianay ioy ixët tuukja tuukj. ¹¹ Mimaynyëx niko akapxpëtëëkj tienkiukëtët jets nimaynyëx twintuwëkët win änën këxm. ¹² Ku je kaoy iaten miayënyaxt jets nimayt nikx txokën xuxtë. ¹³ Jets mati tmumatakëxp jets jiatet xim jupämnëx jeets matakp tampj. ¹⁴ Nits yaat oymiatiaky miti mëatën eepy yik nikapxt yik nimatiaaktj tukëyë naxwiin ntso tnijawëtët tukeye naax kaapj nits mint je jupkëxën. ¹⁵ Jets ku x'ixtet miits jë axëkyatën miti tyikutakoykiëxwamp tukëyë mati ots tkëpx je akapxp Daniel, ku jem wiene tyene ma jem it wantsnëx (pön t'kapxp jets twinjawep), ¹⁶ jëts mati jem Judea jëëts këknëkxtëp kopkëxm. ¹⁷ Jets mati jeepj tiekj nikexp wiënë të piëty kets winäkt je nits t'as ixtaatj pön ti jepj tyikyp. ¹⁸ Jets mati jem wiene kiamjotm këëts winpitjt nits t'as ixtuatj tsawix txamaanj. ¹⁹ Yikayoowenexts nikx j'at't mati wiënë unaakj tmet ëëtyëpy määt mati wiene unaakj yik tsitstëpj je xëëw. ²⁰ Nukxtaakjt jets kati xuuxpj it mkëëkt ok pookxen xëëw. ²¹ Kom jëëjëpj manëx ayoon mati nijune të kia tuny ko ots naxwinet txoontaaky jets mam ixam nits nikë iuktunenyët jatuuk yajë. ²² Ku je xëëw jiexe kia'awën nipen jiexe kiamataky jets je ioy iaten mati winkony itp jekex je xëëw iawenewiany. ²³ Nits ko pon mnëmxëtët miits ixt ixa je Cristo ke xtëyjiawetet. ²⁴ Je ku minte niko akapxp meetj niko Cristo nits tyik nikexjekt ixpeet meet mati kamayan jets twinänt pön pat'atep mëëtj ma ti te jia yik winkontj. ²⁵ Ixté të ats miits nuan tsoky. ²⁶ Tikexëm, kum nyekjneme'etet, axtukj, jam Cristo naxwinpatetjatum, ka'aty jam nikx naxwinpatëtsatum. Ok Axtukj, japë xip tikpyë, katix texawa. ²⁷ Tikex ku tso'om tu'ukj tyekx ma'am xë'ëw pyitsemy jats kunoky ma'am xë'ëw kyitaky, natsë tyu'unet ku ya'aytyekjunkj myint. ²⁸ Omyaja pën ma tu'ukj tanekj naxokje, jamtse xiiky nyamyukjetë. ²⁹ Jats jatyë ku nikx tyunë tsyatsayo'ony ja xë'ëw tsa nikx xe'ew kyo'otsë, jats po'o kë niks yok a'anä, jats matsa'a nikx kyatë tsapjotm, jats tukeye tsa'apwin myekjatan nyawyixitatj. ³⁰ Nits ja nikx ya'aytyejk unkj yixpä'äty kyexjëky tsapjotm, jats tukey naxwin kyapj nikx nyakyakäpëkxe'e. Ja'ate nikx tixte ku ya'aytyëkj unkj myint yo'otsjotm jam tsa'apjotm mekutukj me'et jats me'e oyatan me'et. ³¹ Ja nikx pakex tyumpëtëkj (ángeles) ku nikx pux'xu'ux tyekjyax, nits tyekjtu'ukjmukjkext tukye ma'aty wyanë tetwinkonye ma'akjtaxkpo'o tu'ukjtsaapjakitaky. ³² Jat tu'ukj ixpä'äkën tsa'aps xits kepy kyexm. Ku yakex ya'unkjtetkë jatye tse yayuntj pyitse'emy niawetyeptsë ku ja wyinkonyë xe'eja'an. ³³ Naynyatsemë, kuxixt na tukeyë tyunet, niawetyep mits ja yexa ku winkonë ja, tëjkaka wyinkon. ³⁴ Teynyex ëts mits nëmë, kë ya'at naska'axe nyaxt, kunnëm ja tukeyë na tyunnët. ³⁵ Ja tsa'apwiin meet naxwin naxtsë, jats ëts awayu'ukj ni junë kyanaxt. ³⁶ Jats naynyama ja xë'ëw jats hora nipën kaniawë, ni jate tyumpëtëkj (ángeles) ma'aty tsa'apjotm, ni Dios unkj, natyukj ja ni te'ety. ³⁷ Tso'om jots tyunë ja xë'ëw ma'an Noé, nats jä nitx tyunë ku Dios unkj wyinpity. ³⁸ Tikex ku na tso'om jots tyunë ku ity kyatu'uynyem ja tiempo ma'am Noé jate kaytyep uktapj ja yity, yama'atskayokta jats ya'akjama'akjka wyante kunu'um jots ja xë'ëw pa'atyma'am Noe jots tyëka arca jotype. ³⁹ Nity jots kaniawatë kunu'um ja tu'u myin, jats pyawitstsete jaka'am nex natsë nikx tyune ku Dios unkj wyinpity. ⁴⁰ Jam ja wyanë nima'aks ya'aytyekj ja'ay kyamjotm, tu'ukj ja nikx ye'ekjpawa'ay atu'ukj jats nikx yekjkex ix okj. ⁴¹ Ni ma'aks ja wyanë to'oxtyekj jap myolino twittoky, tu'ukj ja nikx yekjpawa'ay, atu'ukj tsë yekj nikakt. ⁴² Tikexëm itë aixyitpë, tikex ku kë mits xniawa ti xë'ëw nikx wintsen wyinpity. ⁴³ Niawatets ya'at, ku tu'ukj kute'ejk niawatj ty hora ja mätspë myinwany, ya ixyipye tse yexa jats käts ja jexa kupëky jats tyikpy nyaxt. ⁴⁴ Tikexem mitstë naynya itama aixitim, tikex ku Dios unkj nikx wyinpity ja hora ma'am mits xka upixte. ⁴⁵ Nats je, ¿Pën ja tëy, wiy tyumpë, pën te wintsën te tëjk tyamunikaketye, jats ja mo'ot kyeky tyo'okx ma pyat a tye? ⁴⁶ Kunuukx nyex ja tumpë, ku ja wyintsen ya'at naja wyënë tun oky. ⁴⁷ Teyatam mits nëmë ku ja wintsën pyekjtaket jats tixyity tykeye ma'aty myet. ⁴⁸ Pën tu'ukj kaoytyumpë ya'amyotm yeany: te 'etsën wintsën tyanenyë; ⁴⁹ jats koxaxat myetj tyumpëtëkj jats me'et kayt meet ukj mu'ukpë tëjk. ⁵⁰ Ja tumpë wyintsen yatte ja xë'ëw ma'a wyenë tumpë ka upix, jats ja hora ma'at kaniawa. ⁵¹ Wyintsen këkukj tyapotatat jats naynya jap yekjkax ma'am jap katsoyumpë tekj (hipócritas) ma'am jap yäat eyën yaxën jats natyetsjeyë.