¹ Kiututukj xëëw jë ity nits Jesús tpawaay je Pedro, Jacobo (Santiago) mëëtj iutx Juan nits jëyëtë jë piët't ma tuuk kexm kopk. ² Nits jem nyakytykats je winkukm nits wiin iaaw ots tiëkx peky ntsoom xëëw nits witj ots wimpity tëkzpnëx. ³ Nits jëtyë kiexjëktë Moisés meetj Elías jem tmänakiapx ookyë. ⁴ Pedro t'atsooy nits tnemjaay Jesús "wintsën oy ku ääts nyajë. Ku xtsëky nyik oyëp äts tuwëëkj ayutstaakj tuukj mits mje tuuk Moisés jië nits jatuukj Elías jie. ⁵ Ko ity naijïëm kiapxooky nits jëtyë tuukj yoots tëkxpnëx ots yutxë mits yoots jotypy aaw ayuuk pitsëëm jets wianooky "yaatj äts n'uunk eepy mati äts n'atsökypy matiw äts xon ntajotkujktëkypy amatonaxtë. ⁶ Kots tiumpëtëëkj tmatotë, nits kuxtanëëpy niaxkitakëxtë jëts wiin iaaw tyik naxkitaktë nits maknex txëkënyaxt. ⁷ Nits Jesús nyiminë nits tionmatsëtë jets nyëmx tenkiukëtë kati mtsëkëtë. ⁸ Nits jëtë ixjëktë jets nipën tkaokj ixpatnëtë jëyë Jesús. ⁹ Kots jem ity kitaknëtë kopkëxm nits Jesús piawanëtë jets nyiëmxëtë "nipön niti xkawanët yaat mati te x'ixtë konëm Dios uunkj wiënë te piutëëky ookpj akukypy. ¹⁰ Nits tiumpëtëëkj yiktëjëtë jets nyëmxëtë ¿Tïkëxts jaywëtëëkj wiantë jëts Elías minwamp tuwëkp?. ¹¹ Jesús iatsooy nits wiany: Elías mimpëm jë jawin nits tiknioykiëxt tukëyë pön tijëty. ¹² Jets ats nwany, Elías të je jiaminy, këts të t'ixkaptë jëyë të tuntë ntso të tsoktë nainamäts Dios iunkj layoompaatët je kiëjëmtë. ¹³ Nits tiumpëtëëkj twinjaweety ku Juan el Bautista tam je tyipy. ¹⁴ Kots jiatë ma jëm nimaynyex jaay tuuk yaaytiëkj jaay nyiminë jets winkuxtënayë jëts nyëmxë. ¹⁵ Wintsën paayojëëky äts n'uunkj, monookjpjë jets muukyat ookpj jëts (maknëx) (severamente) iayooy oy junë jëty jiänkitawëtÿ ok nyëkitawety. ¹⁶ Të ätxyë njata anëkxë mits mtumpëtëëkj, këts te tjat't nits tyiktsooktë. ¹⁷ Jesús iatsoompity nits wany kateyjiaweepy kaoytiumpë naskëxë ¿Jun ats miits ya njakmeet tsënë iatëtstët? ¿Ja nixën ats miits njak mutënët iatëtstët? tanimintë äts ya. ¹⁸ Jesús twinkapxpety nits kiaoywyë pitsëëmy jë nyikëxm jëts mix jëtyë txooky jë orë. ¹⁹ Nits tiumpëtëëkj yiktëjëtë aweky jets nyëmxë ¿tikëxts ääts të xkamay nits nkëxpitsëmt. ²⁰ Jesús nyemxtë, jekex ku miits wënë njëntxjawën jeku tieywë miits nëmë ku jiëxë xmëtët jëntxawën wënë ntsoom nanx paakj, miits jiexë mnëmjëëpy xiitj kopk: këëkj ya nëkx xim: nëkxptsjë nitits jiexë miits tsuux mkatanxëte. ²¹ Jets yaat kia oywië kë yë kieky nayë nukxtakën kexm jets ayu'atën kexm ye kiëëkt. ²² Kots naijëm tiantë Galilea, Jesús tnëmjaay tiumpëtëëkj "yaat Dios iuunkj yikëyakwanëp yë jaay kiëjëm. ²³ Jets jë yikookëtët nits kiutuwëëk xëëw je piutëkomëtj". Nits tiumpëtëëkj tsa xwinmaypy tiankëxt. ²⁴ Kots jiatë Capernaúm jëts Pedro jaay nyiminëtë mati tsapteekj tnipëktëpj nits nyëmxë, ¿Kë miits myikixpëkp tkukowety tsaptëëkj? ²⁵ Jets t'atsooy kiowetyp. Jets ko Pedro tiëkj aty tikyp, nits tuwekp Jesús miukapx jets nyemxë, ¿Ntso mits mwang Simón? Niwintsëntëek miti ya naxkëx ¿pön yë nyipëkjëtyëp kukowëtën? ¿iuunkj tëëktë ok mimp jaay? ²⁶ Ko Pedro iatsooy mimp jaay Jesús wiang jets iuunkj tëëk këtsyë piatyëtë nits tkujuyty. ²⁷ Nits kati nipëkpëtëëkj nyik pokytiunyën nëkx maaxnye waam nits xnëyupët't ajokj pux jats ku mutuuk akx xjuut't nits ku iaaw xnakwiakxët jëpts xpaat't meeny miti maktaxk xëëw nimutuny tsowatp jëëts mpakomp nits xkëmootj jë miti tnipëktëp je kukoweten mits kexm jets äts kexm.