¹ Ixpe'ekytyektë (fariseos) me'et Saduceos jots yunekxatyetë nits yity ixwa'anta amoto'okta tu'ukj ixpët ma'aty tsa'apjotm. ² Jats ë jots tatso'ompity jats në'emja'ay: "Ku it yu'uxenyë, na mits wa'anta: po'ojekyyitwa'an tikex ku tsa'aps tsa'apwiin. ³ Jats jokye mits wa'anta: kaoy xë'ëw xa'am yit wa'any, tikex ku tsa'apwi'in tsa'aps jë jats wintu'ukjnyëx mniawetyep mi'its tso yixa ixtät tsa'apwin, jats kets mits xwinmaypyitsemte tiempo yixpe'ety. ⁴ Ye kaoy naxkïëxete jats kamato'owata yets yixtëtyep tu'uk ixpe'et, nitu'ukj txë ixpe'et kya yekjmo'ot, ye jeyä Jonás yixpe'et. Nits jots Jesús nikëky jats nyikx. ⁵ Tyumpëtëkj jots myinte atu'ukjpa'am, jots tja'aytyakoytya pako'ontat tsaapka'aky. ⁶ Jesús nyëmxatë: mato'okukëte jats nayixitatë tso Ixpe'ekytye'kj (Fariseos) me'et Saduceos kyaoyixpe'eke'en (levadura). ⁷ Nits tyumpëtëkj wyinmayetittë jats nyawyanata; tikëx ku tsa'apka'aky ka pako'onyantë. ⁸ Aixyity ity Jesús yity nits wya'anyëi mi'its amutsk aja'awa'an, ¿Tiko mits xwinmayte tu'uk anitu'ukj ja'ats mnaye'enyëte tikex ku tsa'apka'aty te kapako'onyen? ⁹ ¿Kena'am mits xwinawate okj kë xokamyetsnatë ja muwo'oxk tsa'apka'aty jats ni mu'uwo'oxk mil ja jä'äy, jats winakj kakj ots xkonmu'uktë? ¹⁰ Jats wixtu'ukj tsapjkaaky jats nima'aktaxk mil jä'äy, jats winu'akkakj ots konmukjkomatë? ¹¹ ¿Tso yixa mits xkawinawata jats kë ëts tsapjka'aky tiy? mato'o kukëtë jats naixyitetë tso Ixpe'ekytyëkj (Fariseos) me'et Saduceos kyaoyixpeke'en (levadura). ¹² Nits jots winawatë jats ke ja yity tiy jë ma'aty tsa'apka'aty yekjpe'emjapyë ja ity tyipye tso yixa nyaixitatat ja met Ixpe'ekytyëkj (Fariseos) me'et Saduceos kyaoyixpeke'en (levadura). ¹³ Ku jots Jesús myin ma'am jam Cesarea de Filipo, jots tyumpëtëkj tyëkjtey, nemjäy: ¿Tso jä'äy ye'anye pën ya'aytye'ekjunkj yat? ¹⁴ Nits jots wyante, "Nitu'uken wyant jats Juan el Bautista, jams wyantämë Elías, jats wyinkpë wyantämë Jeremías, ok nitu'uken ma'aty aka'apxtapj (profetas); ja ots nyemxetë. ¹⁵ Tso ¿mits wante pën ets? ¹⁶ Yatso'onpity, Simón Pedro wyanyë: mits ja Cristo, ja Dios unkj ma'aty jukyëpyë. ¹⁷ Jesús yatso'ompity jats nyemxë: "kunu'uky mits, Simón Jonás junkj, tikex kuke nikex ni nepyë te mkatani'ixatyë ye'e te tani'ixatyë nte'ety ma'aty tsa'apjotm. ¹⁸ Naynya ets mits xa'am nëmë mits Pedro, jats yat tsa'akex ëts tsa'aptëjk (Iglesia) nyekoyetj; ja oken (Hades) tyekatsumkj kë ja myumetakät. ¹⁹ Ets mits nmo'opy ta'awa'ats ma'aty oyatän tsa'apjotm. Omyatiwa ma'aty ya naxwinkex mëwenpetypyë yëkjmëwen petpëtsë tsapjotm, jats omyatiwa ma'aty mukejapj naxwinkex naynya tse yekmukëjat tsa'apjotm. ²⁰ Nits Jesús pawa'anyë tyumpëtëjk jats kë pë'ëntwa'natat jats ja Cristo. ²¹ Nits ja tyempo jots Jesús nëm axaja tyumpëtëjk jats jam pyatatyë nyëkxtë Jerusalén, kawinempyë ayo'on tanaxt mejäytyekj kexm (ancianos) me'et e'etynyiwintsen kye'exm jats a'awyatyëkjkexm (escribas), jats yo'oktë, nits atu'ukyaja yu'ukpyëkj kyutuwe'ekjxëëw. ²² Nits Pedro jots ma'atx tu'um anyë jats mukapx, nëmjokë: yat wan yë jakam tity, wintsën, jats ka juna namjatj. ²³ Jesús wyinpity jats Pedro nemjäy: "¡Mujakamkakj ëts, kyaoywija! We mits tu'ukj tsa'a ma'aty ëts taawopputpyë, tikex kukë xixyity Dios tyunkj, ja mits mixpye ja'ay tyunkj. ²⁴ Nits Jesús nemja'ay tyumpëtëjk: "Pën jam nituken ets xpatuyoywyanyë, këm ja nyakyuënëtj, pake'et Cruz jats ets xpatuyoytë. ²⁵ Tikex ku pën kem jukyatán tayekjmëtakwant, takoyptsë, pën, pën yukyatän takoypye ets këxm, pyatpëtsë: ²⁶ Tikex, ¿ti tyëkwant ja'ay oyëm tukeyë naxwin ta mumëtakj jats yukjya'atan tyakoytyë? ¿Ti ja tuukj jä'äy yukjyatj tyawinkupekjtë. ²⁷ Tikex ku ya'ay tyejk unkj nikx myin tyet yoyatän kexm me'et tyumpëtëjk (ángeles). Nits janikx ja'ay junyë mo'oy tso tu'ukj atu'ukj te tyuntë. ²⁸ Teyatam miits nemë, jammiits nitukën ma'aty ya tänatyëpy, nijuna nikx okan ka ix kunam tixtät ya'aytyëkjunkj myint yoyatamjotm.