¹ Ke miits nimayty mjatj yik'ixpäkpj, mukukj tëëkjt, mnijaweepy kuxkuentë päktjt mä tëy tiunën. ² Ku tukey ätem mati nta'awoputyëm maypietj tjë. Pön pön ke takitay iaw iayuuk, jets yaytiekj miti mutëy, mayëp nits tukeyë nyikäx t'ix'itjt. ³ Ixam ku atëmn päömëm pu'ux cabayë iawakepy nats atem xmumatujën, jets lawitityt nyikëx. ⁴ Ixt nanya meet barco oyëm jia mänëxë jets yikyooyë mäk pö jeets tok anëkx tuuk mutsk timë pönma tyiknëkx wany mati tyk yoyp. ⁵ Naina tsje, toots piik winänëm yë jëm ma nikäx, oyem jiánajë mänex t'akepx pönti. Ixt mä nex yu'ukj t'yik toywieky yinëm jëën tsuky. ⁶ Yë toots jëën yë najna, ya naxwiny takony joty ku piemyë atëm nikäxm, jets tsotiump tikteny tukey nikäx nits tiktoywieky jëënjem tu'am mati juky atën eepy, nits käm niaktioy wieky jeep ayuun jëën jotyp. ⁷ Tukëyë uts tanäky, mi këjk määtj, mi naxkex na piawitsëp mëët maxnyëtanëkj të yë yunë jets te jaay tyikyunë. ⁸ Jets nipön jaay kiamayë nits tyik yutj toots; ye tu'uk kaoy mati nipön tkayik ni oyët, uuts tmëtë tsooy mati yik okpj. ⁹ Ntots këxm atem nmäjäwatyën ätem nwintsën je niteety, nayjie ntaka oy tyiyëm yaytiekj jaay, mati na pïmëp nixkëmjë Dios. ¹⁰ Nayë aaw tkapxp kunukxën nits kaoytyijën mukukteejk ke yat jiex nxajë. ¹¹ ¿Ok jë tuuk miux në'ë mati txik je eepy xuukj nëë jets taam nëë?. ¹² Mukuk tëëky ¿tiëmäp tu'uk tsapj xiits aceitunas ok uva lats tëëmet tsapj xits? nikë miuty tamps nëë jets mëët xuuk nëë. ¹³ ¿Pän jem ma miits ixpeky jets winjäweepy? wentsje ja'ay tiknikëx'jëky y'oywyë jiuky iatën ma je tiunt mati naxkëx'iatën mati mimp winawëm käxm. ¹⁴ Pön pön tmëëtj ampëkën ta'amnëx meet tukëyë tnastsokj kiex iam jiotm, kat, mna miä pëktakyë nixka winääntët yë tiëyiatj. ¹⁵ Yaat kë yë wiyatj mati këxm kitakp, yayë yë naxkëx ke wiats pojë mäkuuy jië. ¹⁶ Ma jem jiemë ampëken mëët nastsokääny mi kem jë jiemä jemts muntuunj atuken tumkaoy tsjem yik tumpj. ¹⁷ Jets wiyiatën mati këxm tuwekpj je waats, nits yuyë, atsokp, oy jiay, pa'ayoopnex, oy tyëmä, ni pän ja'ay tka mä pëktaky, nits tieywë. ¹⁸ Jets tëëm mati teytiunen oy tsje nyipyj je kexm mati tuntëp y'oy atën.