¹ Ixyäm mutuk wäntä´äky jem y´ijty tmëëdë ntso twintsëkët mä jem tëjk wä´áts nexyt. ² Nits mutu´uk tsäptëjk ojts y´oyë nits mutu´uk tä tëjk y´ijty yëk pääty candelabro mä y´ijty käy wyejt mëët tsäp keeky mädi mädiwë myët ity py nájts je it yëk tijy jets wä´áts nexy jye. ³ Jets mumetsk ätëy tyuk jepts y´ijty jäduk tä tëjk jepts y´ijty txëëwë mädi jäweenë wä´äts nexy. ⁴ Nits jep y´ijty tmëëdë yoxtäjk mädiwë tëëkxp puts ampy mä jem yëk kexy pä´äk xuuk´pë, jepts y´ijty mëët arca del pacto mädi tä ukyëp oro, nits je jety py jep y´ijty äkoon ëëny jepts y´ijty tmëëdë Maná, Aaron miats mädwëo jts pyëjy, nits mëét je pu´uy mädiwë wä´äntä´äky. ⁵ Nits arca del pacto Nyikëxm Querubines mädiwë më äjtën myëët mädiwë arca äjy kyejk tyä yëk ätuky py je ts y´ijty kyejk tyäni epy näjts ixyäm ke ëts tukëyë nikäpx këxt. ⁶ Ku je y´ijty tukëyë nyi oyë kyexy näjts sacerdote nyäxtë mutuk tabernáculo nits t´istuntë servicio. ⁷ Nits je teety mädiwë jäweenë nimëj tump je´ts jep näxp mu metsk tä tëjk tukyäjë win jumëjt mädiwë kyëm nyëjpy itp kyë moy py ku näjx käjp tyäkoy ity kyämädä´äktë. ⁸ Nits ojts wä´áts jäwën tyäni ix etyë ku je tu’u mädi jep jä´äp mä jep it wä´äts nexy kenëm je y´ijty nyikejx jë´ëky ku näy jyem y´ijty y´ity mutu’uk tabernáculo. ⁹ Yëts jenä ixyäm jets yëk nijäwët.metsk jep yojxën mëj wintsëjk ëëny MÄDIWË ixyäm yëk tump kets je myädä´áky nits wintsëjk eewyë wyimääny tyëk wäjtsët. ¹⁰ Nä jeyë tyunk pääty kä yën ujkën mäy wyiin je tso tyëkwä´äts të je jeyë je y´ijty tso nikëjx mëët tyëk tuntët näjts je yëkë moydyë koonëm näm päwään y´oyë. ¹¹ Nits Cristo myiiny nä nëxkëm eety jäweenë nimë ntsoom y´ijty myintë mädi oy. Je vmyiiny jekëxm jäweenë oy tabernáculo je mädiwë ojts ke näxwiinët jääy kyëjëm y´oyë je tu´uk mädiwë yä näxwiiny kä itp. ¹² Ke cabrs ni carneros nyëjpy kyëxm je këm nyëjpy kyëxm ojts nyexy mä jem it wä´äts nexy. Tukyäjë nits xëmë këxm nidukëyë t´asegurar ëëy mädäjkën mädiwë xëmë kéxm. ¹³ Cabras mëët kä´á nyëjpy ku je täniwëj të novillo jyääm mädi käwä´äts të näjts je tjë wäwdë nits Dios tmutunt näjts je nyikëjx wyä´ätxy. ¹⁴ ¿Kemtse jäweenë Cristo nyëjpy myädä´äkt pën je jyäwën mädiwë xëmë këxm nyákyë yekyë kätäkoony myëët Dios wyinkukm mädiwë yëk wetxy py käoy wyinmä´äny nits yëk tujnët je juky Dios? ¹⁵ Äkëxts je ku yë tnitenë näm wäntä´äky yë tse pën të je ookën tkuentëpeky nits tmët nä wyäkxët je täkoony mádiswë mu jäwyiin pacto jedë mädi të yëkwinkontë je´ts tkuentëpëkp je wäntä´äky mädiwë xëmëkëxm. ¹⁶ Jemtse tu’uk neky je jääy mädiwë të y´ooky jäwyiin je yëk ixët. ¹⁷ Ku je tu´uk neky nits je tyunk pääty ku të ookën tyunyë ke tse neky tyuny pën näy jye je jyukyë mädi neky yëk oy eepy. ¹⁸ Näjts mu jäwiin wä’äntä’äky nëjpy xyontäjky. ¹⁹ Tikëx ku y´ijty Moises tkë moy kyëxnë je päwään mëët kutujk je näjx käjp. Nits tkëjy jë’ëky carneros mëët cabrios nyëjpy mëët në tsäpts pëjk mëët kepy mäditë pixy tämutsumë nits ojts äkpxy metsk wiin tänixity je neky xyäätxy mëët nidukéyë käjp. ²⁰ Nits wyääny: YÄ´ÄT NËJPY MÄDIWË WÄNTÄ´ÄKY MÄDIWËTË MIITS TË DIOS MTÄ NI PÄWÄNYË. ²¹ Nits näy nyäjmë tänixit këjxy nëjpy je tabernáculo mëëy tukëyë äkoon ëëny mädiwë tump. ²² Nä ntso’om kutujk mäy jyëjp je nä yëk tuny ko ke nëjpy yëktänixity kets ti meekx tujkën. ²³ Nixyëm je pyädätyë jets tnikowä´äts t tsäp wiin je jye wyä´äts t ku tänëëk wintsëjkén tuntë. Jets mädiwë jem tsäpjotm jets këm tse nyäkwyä´äts jät tët je wintsëjkën mädiwë jäweenë oy nyexy. ²⁴ Ke Cristo tyëjk ëëy wä’äts it jotm mädiwë këjëm oy eepy tyëy wyë je nikoj wä´ätxy jedëj em nyexy mädiwë jem tsäp këxm nits nyäk kyejx jëkyë ixyäm Dios wyinkukm ëdëm këxm. ²⁵ Kets ojts jekëm nyäkyëyekyë käwinääk yäjë nixkëm y´ädë’ëtxy teety mädiwë jäweenë nimë, pën jep myutëjk eepy je wä´áts it jety py win jumëjt je nëjpy mädiwë kyä je eepy. ²⁶ Pën nä´äm je jyeexyë tpääty käwinäk yäjë jyeexyë Cristo y’äyoy nit ki it näxwiiny txyontäjky. Jets ixyäm tukyäjë je jeyë mä jumëjt kyu këjx eenyë mädiwë të nyikejx jëknë nits tyëk kudä kooy je täko’ony ku këm nyäpyëktäjkë wintsëjk ëny. ²⁷ Tu´uk tu´uk jä´äy tyänimäy etyëdë nits tukyäjë y ooktë nitnëm tëy tyuun myint. ²⁸ Näynyäjmë, Cristo nä nyäj ku tukyäjë yëk kë yäjky nits nimäy tyëk nidäko yët tyä ko´ony. Niky xy je mumetsk yäjë nyäk nyikejx jëkyë ke je niky täkoony t´ok niminë mädäkën niky xy tniminy pën je këxm txyätxy tyudä´äky nyexy äixëp.