¹ Näjts wen yëkxon t´ixy ijtyën jets ke nidukën nä kyejx jë´ëkt jets ke je të tnäspädë promesa, mädi miits myëk moydyë jets mnäxtët jep mä´äm pokx täjkën. ² TIgëx ku ojts nyék wäjn jäyën je näm ääw ayuujk tso´om je y´ixë jets je kexy ke tse ojts pyutëk etyë jedë mädi jyenxyäwën tkäpëktä´äky tso´om jedë mädi ojts myädowdë. ³ Tigëx ku ëën të të ntëy jyäw ëyën niky xy tse mpäjtyën pookx täjkën , nä tsoom ojts je ye´eny: TSOOM ËTS OJTS NWÄ´ÄNY KU ËTS Y´IJTY TË N´ÄMPEKY KU JEDË NIJUNË KYÄTËKËDËT.” Oyëm je tyunk të jyäkexy xip eewyë ku it ojts yëkpemy yëk kojy. ⁴ TIgëx ku je nätë ye´eny ku tnikepxy je mädi wixtujk xëëw: DIOS OJTS PYEEKXY KYUWIXTUJK XËËW KU Y´IJTY TË TUKËYË TYËK NI OYË TYÄ´ÄY,” ⁵ Jädukyájë je nä ye´eny: NIJUNË YËDË KYÄTËKËDËT JEP MÄ´ÄM ´POOKX TÄJKËN.” ⁶ Näy jyep je y´äixy y´ijty jets nidukën jep tyëkët mä pookx täjkën ku nimäy israelitas tëjktë mädi tmädoodë oy ääw ayuujk ke jep tyëjk eedyë ku ke këm myädoodë. ⁷ Dios të nä tyëk ni oyë jädukyájë tu úk xëëw mädi xyëëw: “Ixyäm”. Ku y´ijty të mäy xyëëw nyäxnë ku David këxm ojts je kyepxy. tso´om jeknyë ojts ye´eny: PËN MIITS IXYÄM Y´ÄYUUJK MÄDO JEEDYËP KÄDI MJOOJT XYËK JUUNTË.” ⁸ Tigëx ku jyeexyë ojts Josué tyëk peekxy ke ts jyeexyë ojts Dios wyäänxyë ti tyump kyu jäwom. ⁹ Jetse pookxën xëëw y´äixy jets je Dios kyäjp. ¹⁰ Tigëx je ku pën jem tëjk eepy mä Dios pyookx täjk nyi pookx eepy tse näy nyä tyunk nä tsoom ojts Dios pyeekxy ku y´ijty të tyun kexy. ¹¹ Jets nästsojk ëyëm je jets jem ntëjk ëyën mä jem pookx täjk jets kädi nidukën kämä doop nyäpyéktäkyë tsoom ojts kyidäwdë ku kyämä doodë. ¹² Tigëx ku yë Dios y´äyuujk jiky yë nimëj nexy yë´ë jäweenë mëk yë txyuky ke je tsujx mädi ätsow pyä´ä jëëjp eepy tyänexy py je alma mëët jäwën jets mëët xikx päjk jety py nyexy. Mä yëp je jets tnijäwët winmääny ti jotm yëk niwin määy eepy. ¹³ Niti kyäti íty mädi të tkojy jets kuyu´utxy y´it t Dios wyinkukm. Tukëyë kyex kexy tukëyë je wyinkukm t´ixy tnijäwë mädi wyenë nkëmoyëm pën tso të wyenë njuky ëyën. ¹⁴ Jägëxts ku jem ëën nmëët ëyën sumo sacerdote mädi nimëj mädi të jem nyiky xy jem tsäp jotm Jesus Dios y´uunk wents ëën tu´kwin määny tpätu yo yën mädi të ntëy jyäw ëyën. ¹⁵ Tigëx ku të ëën nmëët ëyën sumo sacerdote mädi pä´äyoon kyämëët ku ëën ämutsk. Jem tu´uk nmëët ëyën mädi të winmääny y´ixën të tänexy tsoom ëën xyäm ntänäjxyën jets je ke´ts ojts pyeky tyuny. ¹⁶ Näjts ëën nëkxën tuk winmääny jem tsënë tyäjk äm mä´ám jem pä´áyoon yëk pääty jets nkuentëpëjkën pä´áyo´on jets mpäjtën pä´äyo´on jets xputëjk ëyën ku tyëmpë tpäät mä jem ti xkäti íjt jäyën.