¹ Ku të nimäy nijäw eewyë xniwit näyën näj ntsoom mëj nexy yoots. Wents jäkem tkexkëjxyën tukéyë mädi jemtxy mädi kätsip kätsip kätsu’ux ntäkidäjëm nits täkoony jetypy xyëk jääjtën tudä´äky nyexy npujtën jets yä’ät tu’u mpänëkxën mädi ëdëm ixyä nwinkujky. ² Wen Jesus jye’e tkuentë tujn jäyën mädiwë tyëk tsoon täkp jets mädiwë tyëk ni oy eepy je jenxyäwën. Mädiwë ojts tpemy jotkujk äjtën je winkukm nits ojts jem nyexy tmutenääy kruz kämëj kä je ojts txyotyun tjäwë nits ojts Dios teety txyëné tyäjk pä’äm ojts txyëënë. ³ Nänyä xtämu äixët je mädi tënäj tänäxtë tmutenë je mëk nexy ätujkën je täkoywyë jääy jye nits ke m’äm jotm mnukxtët ni kädi jeeyë xtä’ämutsk kët. ⁴ Kenëm miits mäyëdë xwintsodët xyëk ‘ätuktët je mtäkoony nits ookën äm mjä’ät të. ⁵ Të miits kje xjä’äy dyäkoydyë ku iits myëk mukäpxtë ntsoo niteety y’uunk tmukepxy: UUNK IXYÄM ËTS NWÄ’ÄNY KÄDI XKÄKUENTËTUNTË JE NITEETY PYÄWÄÄN NIXKÄTÄNUKXT KU JE MTÄWINTSO’YË. ⁶ TIGËX KU NITEETY KYÄPXTSOY PY JE PËN TXYEKY PY JETS TYUK KUWETY PY PËM PËN KYUEN TË PEKY PY NÄ TSOOM KYËM UUNK." ⁷ Mutenë miits äyoon nixkëm myëknëjmë näj iits je Dios m’ ixyë nixkëm unäjnk ke unäjnk kyä pën ity pën tyeety käpäwänëp ⁸ Pën ke ntso miits myëk nëjmë nits näyjyeyë pën tso nidukëyë jääy jyät të näjts miits jänäyë mjukyë nimkä uunk jäw ät tët. ⁹ Ojts ëdëm nmëët ëyën nteety yä näxwiiny mädi ojts xkäpx tsoyën jets nwintsëjk ëyëmts je y´ijty ¿Kemtse ëëdëm xpäjt ëyën jäweené mëk nmumädojën je niteety mädi jäwën këxm nits njuky ëyën? ¹⁰ Tikëx ku ëëdëm nteety weené jäyë xpäwäänyën tsoom je t´ixtë tnijäwëdë. Nits jädukwiin Dios këm tyumpy nits ntäoy ëyën nits nijäw ëyën ntso wyä’äts äjt nmëët ëyën. ¹¹ Niti käpx tsoyën jotkuk xkäkuentëpëkt ku myëk käpx tsooy ty yëkxon mëk nexy xtä’äyoy nit nëmts je myäyë myëjë tudä’äky äjt mädiwë tëy wä’äts jedë mädi nä yëk tä’äwäntë nits tjät t. ¹² Näjts yëkmëk pëktë miits mkë’ë mädiwë të y’ämutskë kyëxnë mëdë mkox mädiwë ämutsk. ¹³ Yëk tëwdë miits tu’u mä mtu yoy wyä’äny pën jem päk mä’ät jets ke mpäkwiit jets tsookptse mteky. ¹⁴ Ixtädë jotkujk ájtën nidukëyë nä nyäjmë wä’äts äjtën pën kets nipënts je wintsën tkäixt. ¹⁵ Näy ixyItëdë yëkxon nits nipën kyäti ijtyxyët Dios kyunukxën. Nikén kätäjotkuj äjt tkyä´äáts ke’kt nits kyejx jë’ëkt ätsijpën. Jets ke nimäy täpät këxt. ¹⁶ Näy ixyitëdë miits yëkxon kädi nä’yë mtsëëny myuktë ok käoy mjäyë tsoom Esaú jyuky ëëy pën täkääny kyëxm ojts tooky ku y´ijty kyoop uunkë. ¹⁷ Tikëx mnijäw eedyëp miits je ko y´ijty tjä’ ok tsoknë nits kunukxën yëk mo’ot kets ojts y’ok yëk kupëknë ke ojts y’okti’itnë jädukyäjë winmäyëm pijtën oyëm ojts tjä’oktsoknë. ¹⁸ Tikëx ku je mits kopk xmu’äwinkonë mädiwë yëktonmätsp tu’uk je kopk mä jem jëën yem jë’ëky mä wejn jety jyä’jy mëët mëk nexy tupoj. ¹⁹ Nits miits näy jyem mkämintë ku tukyäjë xujx yä’äxy nije äyuujk miits të xkänimintë kyäpx ku ämädowë tëjk nyukxtä’äktë jets nitu’uk äyuujk kyäoy yëktämukäpx nët. ²⁰ Ku jedë ke ojts tmutenë mädiwë ojts yëktäpäwä’äny: “KU JEM TU’UK TÄNË’ËK KOPK TPÄÄTY, NÄSKÄTXY TSE Y’OOKT.” ²¹ Ätsëkë nexy ojts visión t’ixy nits Moises wyääny: “YËKXON ËTS NTSËJKË NYÄJXY NITS PUMÄ ËTS NWINMÄÄNY JYÄJTY.” ²² Nits jem it miits të mintë Monte de Sion mä jem jyuky Dios kyäjp mä jem decenas de millares angeles xyëëtuntë. ²³ Jem miits m’yoymyuktë mä koop uunk mädi jem këx jä’äy itp jem tsäpjotm miits të Dios xznimintë je mädi nidukëyë xtëy tyun wänyëm mädi téy wä’äts të jyukyëdë je jyäwën mädi të nyi oyë. ²⁴ Miits të Jesus xnimintë mädiwë näm wäntä’äky kyëjëm eepy je nëjpy mädi yëkxiwäkx jäweenë mëj je kyepxy nits Abel nyëjpy yëk winäjxë. ²⁵ Näkyuwijy ätëdë kädim miits je xkäkupëktë mädiwë käpxp. Ku jedë ke ojts kye’ektë ku ke ojts tkupëktë ku mëk jyäyëk nëjm ääy jem näxkëxm ketse xmäyën jets nkukejkën ku ëën njäkuyoy kyejk wäänën mädiwë jem xnëjm jäyëm jem tsäpjotm. ²⁶ Ku ojts ätsujky kyepxy nits it näxwiiny xyin këjxy. Nits ixyäm të je nä ye’eny jets xtäwin wää ëyën: JÄDUKYÄJË ËTS NIKY XY NYËK XINKEXY KE’TS JEYË Y’OKNA¨XWIN EENYËT MËËT JE TSÄPWINM. ²⁷ Yä’ät ayuujk: “TUKYÄJË XËJEYË.” Nä t’äyuujkë nits yëk këynyäkëxp tukëyë mädiwë xinkëxp jetse mädiwë nä oy ëëy jets mädiwë kä ximp je’ts xëmë këxm. ²⁸ Kots nä xkuentëpëkt kutuk täjk mädi tukyë itp wen tmëjpëk täjkyën näjts je Dios nmëj pëk täjkën wintsëjkën këxm nits tsëjkën këxm. ²⁹ Tikëx ku ëdëm Dios je jëën je mädi yéktoy dyäkoypy.