¹ Äts nyëkyp yaat pawanj Dios winkujky mëëtj Cristo Jesús, matiw tëy tiunwamp je juky'ewyë mëët je okjpj, ku nyikËxjëkën jets nyitënayën. ² Naskapxë aaw ayu'uk jupjix mnak'itët pän junë txëkyë ok junë kä mëët ixpäkën. ³ Jatpj je jumätj ku ja'ay kë t'uk mutënënyët yë ixpäkën. Jets nikx miukpëty yikixpäkpj tëëjk mati t'awantëp këm winmany, ye kexm nikx tiatskj tsjuts peeky. ⁴ Ke nikx t'ok matowän je tiëyatën jets tniwimpitnët jayëpkj matyakj. ⁵ Jets mits, yik itj wiy mwinmaany ma yaat tukëyë. Mumäkj ya ayoonj, tunë oymiatiakpj tyunk, kuytiun mtunkj. ⁶ Ku äts naxkitaknë. Jets ku äts nëkxwanë tëts tpatn. ⁷ Të äts nwintsoy yaat oy natiatsiptunën, të äts nyik kex yaat putkj. Të nkëjëmj ye jentxawën. ⁸ Jets kujënë mati tëytiunën jëm äts nje kionjëky kionjëky je kujënë mati wintsën tieywy tëytyumpj, äts xmopj je xë'ëw. Nits ke äts jëyë, mëët jë tukëyë pänjëty të t'atsokjt je kiwxjëkn. ⁹ Na miëk mojë nits äts xnimint atetspekyë. ¹⁰ Ku Demas të äts xnikëky. Jë iatsekypj yaat naxwinët mati ixam jets të nyikx Tesalónica Crescente të nyikx Galacia nits Tito nyikx Dalmacia. ¹¹ Lucas jeyë äts nmäätj. Paatj Marcos jets mët mnj ku je xtunjepy äts je ma tunkj. ¹² Tíquico äts mpakex jem Éfeso. ¹³ Nkuk wopj mati äts nkëx Troas mëët Carpo, x'ikmint ku wiënë miny, mëët nëky jë mati tum xaatxj. ¹⁴ Alejandro je pux tsaywyë tyiknikexjëky kiaoy ja'ay at ma äts. Je wintsen yikwinpitxëp ntsom tiuny. ¹⁵ Nayix'itj mits naina, ku mä ka jë ots wintsonëx ma atäm n'aaw ayu'uk. ¹⁶ Ma tuwëkp äts nwintsojën, nipën äts xkamët'ity. Nitukëyë äts naxwinët xnikëktayë. Ni pän kia yik'kuent tunët. ¹⁷ Jets wintsën jëts ots ity äts mpa'ay jets äts ots xmäkmooy, jets äts këxm, nits yaat naskapx äny puky kepx juky'ewyë tëëkj tmatotj öts nyikwitskeky tsutsp ka awak a'yë. ¹⁸ Je wintsën xikekp ma yaat kaoywië tunk jets xikmatakt ma nyitënayën tsapkëxm je patsatëp mä atën xëm nits itp kunex naam jëë. ¹⁹ Mo yës Prsica, Aquila, mëë Onesíforo tiekentum. ²⁰ Erasto i'ity jem Corinto, jets Trofimo äts nikeky pökëpj jem Mileto. ²¹ Na miëk mojë nits mint ku känëm wienë xux miiny. Eubulo yës moyë mëët Pudente, Lino, Claudia mëët tukëyë mukuktëkj jets wintsën mëëtatët mjawen jotyp. ²² Oyaten jiëmët ma miits.