¹ Tukëyë mati tumpj teekj mati kekëpatkey itjtëp jets t'ixtjt wintsän jets je pat'atëp tukëy wintsejk'äny. Nats tuntët nits kë Dios xëëw mëët ya'at ixpëkën ke tiant kaoy tyiy. ² Je mutump tëëjk mati wintsën jentxjaweepy ke t'ka wintsëkët, ku miukukj jë. Na piatyë nits oy tunëtj. Ku jë wintsënj mati kuent'päkp je mutunë jentxjaweewyë jë jets yiktsoktjp jë. Awanj jets nikapxj yat tukëyë. ³ N'uk päktakën ku pön t'awant tikëtxj nits kë kuentjpeky ätëm nwats ayu'uk, ätëm nwintsën Jesucristo iaw yayu'uk. N'uk pëktakën ku jët kuent'pektj yë ixpëkënj mati yiknëkxp ma oyatën. ⁴ Yat ja'ay mäkäxm jianayjiaw äty niti tjä ka nijawë jets oktëy ja pökëpj jë ku wintsoy winmany ixj ayuuk këxmj. Jets yat ayuuk jianë ma kaoy ixën, kaoy tyijën, tsip, kapxën kaoy winmany. ⁵ Tsiptun itp ja'ay akuky mati winmany jakaoy ye të tmujakëmkëknët je tieyatën. Na winmayty ku yë oy atën yik mäk ja'ay eepy yë. ⁶ Jets yë oyatën ko ntajot'kujktakën mä matkën yë. ⁷ Nits ätëm niti tï nkayikminyën ya naxwiny nits naina niti nkayik'pitsëmän. ⁸ Jets ko nmëët' atän nkayen uken mëët nwit ye ntajotkuk'atëm. ⁹ Ixam pön pön nak mäk tëkj wianëp katëp ma ka'oy atj, jets txumy. Jets kianë ma oytyiyë nastsokeny mäti kapat atëp mati yikwinta koypy, ok oymiayë tiëk ëny mait ja'ay niekxne nits wintakoynyë jets jiukëx enyë. ¹⁰ Ku yë meny n'atsokën kaoy atën tsyë tukëy iaats tuuk jëty ja'ay mati të t'atsokt tëts tpuyoywiatsnë je jëntxawën jets tiatspëknët ma mänex anën pöken. ¹¹ Jets mits, Dios jia'ay, kukëky yat tukëy. Panëkx yë tëytiunën, pa'ayon oy ja'ay atën, tsokën naxkëx atën, nits yuy atën. ¹² Tsiptun yë oytsip mati jentxawen këxmj. Ke'ejëm yë jukyatën mati xëm këxm mati të miktaniwatsow ku të xkapxnëx ma je nimay ixp axtukp ku yë ioyë. ¹³ Ats mits mpawëmpy Dios winkukm, mati tyikjukyeepyj tukëy, Cristo Jesus winkukm, mati ots tieywyë tkëpx poncio pilato winkukm. ¹⁴ Pökj jëk yë pawanj mati mutëy, mati tkamëëtj pakapxën, koonëm kiëxjëkt atem nwintsën Jesucristo. ¹⁵ Dios tyiknikëx'jëkp ku tyemp tpa'atjt, Dios, kunukx tu'ukëm mäkatën, nimä mati tnimä eepy jets wintsen mati kë'ë jëmä kiëxp. ¹⁶ Je tu'uk tkamëët jë o'kän, jets jyukyë ma ajaky mati nipön tkakutëkj, nipön yaytiejky tka'ix ok tmëët mëk at nits t'ixt. Je patëp wintsëk äny xëmä kexm mäk at. maam jë. ¹⁷ Nëmjë mäk ja'ay tiëky mati ya naxwiny nits ke niamië pëktakët, nitkamët't jupixën ma mäk ja'ay atj miti niti kawamp. ma jiexë na, oy ku tmëtët jup'ixën ma Dios: nitukeyë xtawinwan'atyëm tiëyatpj mäkja'ay at nits ntaxonën. ¹⁸ Nämë nits tuntët y'oywyë, jets it'tët mäk ja'ay ma oy tiunky, oy ja'ay, txokp nits tyikniwatët. ¹⁹ Nats, je tyikmayët këm oy txontakën mati nim wampj, nits kuentjpäktj jukyiat mati tëy ²⁰ Timoteo, ix'it mati të mikmooy. Katim oy tyiyë xmatiaky matiw kanä matiw wimpity matiw niko yiktijpj ixpäkën. ²¹ Tu'uk jëty yaytiëjkj tnaskapx yat nats këm yoytiakoyty ma ye jentxawën. Jets oy aten jiemëtj ma mi'its ni tukëyë