¹ Unktëjktë, akëx ëts yat nja'y jats kati mpokytyuntë, pën jämts nitukën pyokytyun, jamts ëen nitänawyë nmët'ëyën mati xnikäpxtsojkëm nteety'ajtwinkukm Jesucristo matii wÄÄtsnaxy. ² Ja wintsëjk'ëny entäkoonykëxm Dios wyinkukm ka ëën ja'a'ayë nitukëyë tu'uk näxwiny. ³ Jäkëx nijäw'eyën ku tëj nixënyäyën, pënkojnëkjäyëm pyäwä'än. ⁴ Pëmpën wämp n'ixy ëtsë Dios, jats kä'ä näj tuny tso'om pyäwään ja wä'äny, ëmpëtsjë kyajxë'ëky. Katsä tyëy'ajtmëtë. ⁵ Pëmpënts yëkxon kojnjëkxëpy y'aw'ayuujk, tyëy'äjtämtsa kujä jä'äy të Dios tsojkën nyi'oy'enyë. Najtsä yëknijäwë ku jakëxm n'ukyënyäyën. ⁶ Pën wantëp jats jam Dios tmët'ity näjtsa tyuyo'oty tso Jesucristo ojts tyuyo'oy. ⁷ Muku'uktëjktë, ka ëts miits xäm njäyë nämpäwän, jä'päwä'än yë matii tso'ontakyë ojts myëkmotë, japäwän yë matii jekynyë'ewyë äw ayuujk ojts xmätowtë. ⁸ Akëx, ëts miits xyäm njayëtë nämpäwän tyëywë yë Cristo këxm më'ët miits, mati akutsxatu'ujy itp näxnëpja, jats tyëywyë äjä'ak ja'nëptsa'a. ⁹ Mati wämp jats äjät atujy ity jats jam myukuk tkä'oy'ixy näy äkotsxatuptsä ity. ¹⁰ Pënts tsxökyp muku'uky äjäk'atujtsa itnë nitij atujkën tka'okpätnët jats kität. ¹¹ Matits kya'oy ixpyë jamyuku'uk näy äkotsëtupytsa tyuyo'oy, nitkänijäwë mänyikx, tikëx ku kots itt yëk yëkwinxoyëkyëxënyë. ¹² Xyäm ëts miits mjäyëtë yä'ät miits unk'ayowëtë mitsëmtäkony tëyëkmakxtuky Cristo xyëkëxm. ¹³ Miits niteety xäm ëts miits njäyëtë, akëx kumiits tëxnijäw'enyëtë ja tso ojts tso'ontäky, xam ëts miits njäyëtë miits yakpitsëmpëtëjk, akëx ku miitstë kyä'oywyë xmumätäktë, akëx ëts mitsxät njäyëtë kumiits të xixëtëja niteety. ¹⁴ Äkëx ëts mitsënjäyëtë miits niteetytë tëj x'ix'enyëtë pën ojtsontaky dekynyë'epyë akëx ëts mitsën'jäyëtë miits yakpitsëmpëtëjtë kunäy myëkmäjäw m'itë, jats Dios y'äw'äyuujk jam ity ma miits. Jats të kyä'oywyë xmumätäkmëtë ¹⁵ Kati x'ätsoktë mati yanäxwin näynäjmë mati ya itp, pën nitukën t'atsoky mati yanaxwiny itp kaats niteety tsojkën jam tiity mämja. ¹⁶ Tukëyë mati yëkpätp yanäxwiny matiyëknastsojk'epy nikëxmëët nanyäjmë matii winkëxm yëk'ixp mati jats ka'oy juky ajtën katsa niteety tjajë, naxwiiny ja jyaa. ¹⁷ Mati yajnÄxwiny yëknastsojk epy naxptsxë ity mitiits niteety tsojkën tyunjapy itpts it'ity. ¹⁸ Unajk tëjktë tëyämtpätnë jumëjt tsoj mitstë xmätowtë kumyinë anticristo, ixyëm käwinëmpyë të anticristo y'ajtë äkëxts nijäw äjtyën kutëjumëjt tpätnë. ¹⁹ Jatë pyitsëm mäëën, kats etëm nja'ajtyën kuy'exë ënaj'eyën näyjatsa y'exë nmët'ijtyën. ku ojts pyitsëmtë näjts ojts tyëknikajxëktë ku kaa ënmët'ijtyën. ²⁰ Jam miits wääts kunukxën xmëët'enyëtë jats näynyäjm tëmiits nitukëyë xnijawëkëxnë matii tëy'ajt'eepy. ²¹ Jakëx ëts mitsxë nkäjäyëtë, ku kaj miits tyëy'äjtën xnijäwë, të mitsa'a xnijaw'enyëtë ku nitij ëntäjkën kyä minyma tyëy'äjtën. ²² ¿Pënjawin'ëmpë'eepy mati kyu'eempy ku Jesus ja Cristo? Ja jä'äy anticristo tsa kut'ku'ëëny niteety mëtë yu'unk. ²³ Nipën, pëmpën ku'ënxëtëp y'unk katsa tyeety ajtëntmët'ity, pëm pën ixkäpxëpja'unk jamtsa tmët ity tyeety'ajtën. ²⁴ Jats miitstë, mati tsoontäkyé ojts xmätowtë yëk'itë tsa'a jam ma miits. Pëntso ojts xmätowtë tso'ontakyë jats jam xëk'itë ma miits, unkëxm miits itët mëët tyeety këxm. ²⁵ Yëëts ojts xtawinwan'ajtyën: Juky'ajt mati xëmëkëxm. ²⁶ Akëx ëts mits yä'ät tëjn'ayë kuja mati y'awën xwätäkoyëm. ²⁷ Näynyäj ku miitstë Dios wyäätspojojts xkuentëpëjkëtë jamtsa ity ma miits ka'ats mka'ijtxët jats myëktä'äwänt. Näj tso'om tukëyë Dios wäätspoj mtäwänxëtë tyëy'ajtëptsa ka'y'entäjkë, tsotëmtäwanyë jam miits m'ijtë Dios wääjts pojkëxm. ²⁸ Xam, miits unk'äyowëtë Cristo këxëm miits m'it, kunikx nyäkaxjëkyë kats niky ntsëjk'ëyën, nay nyäjmë kanikx tsotyunjotm mtäntë kunikx myin atukyäjë. ²⁹ Kumiits xnijäwëtëtëj jats wäätsja, kutukëyë tuny matii päjt'ajtëp jakëxmte kyajxëëky.