¹ Pjiomi njaji inaiki aimadan nawacaacawa jiomi pada capishotsa atsia jajlami werricotsa Ooni peco ocoemjete. Njite nacaite Esdra irso lridee carro jliaji Paperra Moise idanacawa njaji yaacoti yaajicape panaco, jliaji wa Minalri icadaji narso njaji Iraelnai. ² Lriniita cadaa jliaji sietepi keerri, jliaji sacerdote Esdra idee napeyajle njaji inaiki aimadan iwacaacalrio jliaji paperra yajicada panaco, pjiomi njaji yajicape jimica coanjishopaca. ³ Deepi nacjoite pjaatoa mayacan jeerri nakojle Esdra ilee narso jliaji paperra yajicada panaco nayacalrecoa rico Ooni Peco ikoemjete. Njite pjiomi njaji atsianai njite njaji inaitjepe nawapa njemi matsia naicawa njaji lri leerri inaco. ⁴ 5 Njite jliaji idanacada, Esdra, lriemawa yeenondalri nako nanaitjana cayoada icaona panaya sho. Njite lrikodapitsa, lriyekemjete Matia yemawa, Sema tsakja, nhite Ania, Uría, Hilcia njite Maasasia tsakja; njite lripatojliemajle Pedadía yemawa, nhite Misael, Malquia, Hasum, Hasbadana, Zacaría tsakja. ⁵ Esdra imjeko jliaji paperra nacapa werriko pjiomi njaji inaiki aimadan, ima lriemacawa yenon nacapacawa pjiomini, niini lrimjeeko cádanako jliaji paperra njaji inaiki njeniko neemawa. ⁶ Esdra iaa matsiadalri wa Minalri irso, jliaji Dio kjaidádalri, niini pjiomi naji inaiki njerreta nacaapi yenonrse njite naako: ''¡Cayoatsa! ¡Cayoatsa!'' Njite nayamjeta njewida nacapá carro tjewacajlerse njite naa matsiadalri wa Minalri irso neekoa sho jiipai nakojle. ⁷ Njite Jesua, Bani, Serebia, Jamin, Acub, Sabatai. Hodia, Maasia, Kelita, Azaria, Jozabed, Hanan, Pelaia njite njaji levitanai nakitsindata njaji inaiki naji carro matsia konshopaca njaji yaakoti yajicape panako, njite mananitsa nemacawa njaji inaiki. ⁸ Nalee jliaji papderra, Dio inaacalre narso, njite nacaitepe pja lrinako najii carro jalrami koamishopaca jliaji nalerri ⁹ Nehemia, icatsa iwapacada cana talricanaati sho narso; njite Esdra, icatsa sacerdoteca narso njite idana cada tsacja, njite njaji levitanai ikitsindatacape njaji inaiki najii carro matsia, naako narso njaji inaiki aimadan: ''Icatsa jalredaoca-ca jliaji fenetanda wa Minalri Dio irso. Mainonacatsa jia njite maiya tsakja.'' Mitsa naiya njaji inaiki aimadan njemi cádanako njaji yaakoti yajicape panako. ¹⁰ Njite Nehemia yako narso: ''Warsena yaawa, inja carro maaficalri iithi njite irraotsa potiyajai, njite imeenacaotsa narso njaji korri perritoa itaita inaitjaca nainjao, ima fenetandaca jliadaa jalreaoca-ca jliaji wa Minalri irso. Korri nooma inonaaca jia, ima wa Minalri ithimaca jliaji ikjaidatalri faa. ¹¹ Niini njaji levitanai namakoitaca njaji inaiki aimadan, naako narso: ''¡Maakotsa shaa!'' ima fenitandaca jliaji jalredaoca wa Minalri irso. Ma koyolretatsa icaolre.'' ¹² Njite nakoamitsa naawa naijá carro, nairá carro tsakja, naijá carro nainaiwaca njite najoitaacá carro catiima sho nanjíi capoa koamishopaca njaji yakoti nacanatalri inacona. ¹³ Yamadaa nako jalredaoca, pjiomi njaji Iraelnai, njaji njanirri naipemi iipaneta yaapiyawanai, njaji sacerdotenai, levitanai naacawa lrikjaolre jliaji idanacaita Esdra, nanjíi carro pja koamishopaca njaji yakoti yajicape panaco. ¹⁴ Njite naoketaca njaji yakoti yajicape panako nadanaji cayotsaji wa Minalri inaa capishopia Moise nakjoite narso njaji iraelitanai aimadan, narso pia catsa naofaacawa pantitape lriko nawacaaca cádanakoa na joitaacá carroa lriko sietepi keerri nako. ¹⁵ Narso iacatsa nawanaca kjaida nayacalre rikotsa njite Jerosalen tsakja, cayoji: ''Warsa yaawa awacada lrikojle yaa carro yoma jaico olivo iki, njaji olivo maapana canaapetsa, mirto iki tsacja, ponamapje tsacja njite naki njaji jaiko macanipe, inaitja shopa pantita kjeyatsa icaona, cayotsaji nadana capisho oopi paperra lriko.'' ¹⁶ Ikeena naawa nadiao njaji inaiki naapiyena njaji jaikoki nanaitjá carro narsowao napanaitawa, naapana capitsite nako, nayacalrecka nakó, Dio iipana iyacalre koa nakó, jajlaamicawa lriko tsoomi Ooni peco Ipananoma yooya, njite Efraín iyacalrekoa ipananoma nakó. ¹⁷ Pjiomi njaji Iraelnai aimadan nadeji presosho pada jiipai nakojle njite nadiá tsenacjawa njepaite lrikojle nanaitja napanadawa naofáa carrotoa niini. Josué, jliaji Nun irri jiawalri nakjoite, njhite jliadaa nakojle, korripia nawacaacawa nawaada carro jliaji najoitaaca carroa. Catiimana pekirritsa njaji inaiki aimadan. ¹⁸ Caidalri manatsa jalredaoca ikoan, lrinitaca ikjoetetsa atee pikeetem nakojle, Esdra ilee narso jliaji Paperra Dio yaco yajicape panaco. Siete jalredaoka naofacawa najoitaaca carroa lrico, njite ocho jalredaoca nakó nawacaacawa padenirri ima caconaadalrica narso jliadaa. Nanaitja cayoji nadana capisho lrinakoapana.