¹ Icapiatsa njaji sacerdotenai njite njaji Levitanai idialri piawa Jerusalén lrikojle Jesuá iinai njite Zorobabel, jliaji Salatiel irri: Seraía, Jeremía, Esdras, ² Amaría, Maluc, Hatús, ³ Secanía, Rehum, Meremot, ⁴ Iddo, Gineto, Abías, ⁵ Mijamín, Maadadia, Bilga, ⁶ Semaía, Joiarib, Jedaía, ⁷ Salú, Amoc, Hilcías, njite Jedaía. Icapiatsa njaji sacerdotenai yaapiyawanai njite njaji nakitsiñape Jesúa jiawajli. ⁸ Icapiatsa Levitanaica njaji: Jesúa, Binúi, Cadmiel, Serebias, Judá njite Matanía, icatsa njaji yajĩrri koanca nanako njaji icantacape naa cádanako matsiadalri Dio irso naapiya njaji nakitsiñape. ⁹ Njite Bacbuquía Uni yapiya, njite pja njaji Levitanai nakitsiñape, nemawa nacoemajle nawacaacá cádanakowa. ¹⁰ Jesúa irrica Joacim, Joacim irrica Eliasib, Eliasib irrica Joiada, ¹¹ Joiada irrica Jonatán njite Jonatán irrica Judá. ¹² Joacim jiawajli pia, icapiatsa sacerdotenaica, njatsa njaji naapaneta yapiyawanaitsa: Meraía pia Serai yapiyawalri, Hananía pia Jeremías yapiyawalri, ¹³ Mesulam pia Esdras yapiyawalri, Johanán pia Amarías yapiyawalri, ¹⁴ Jonatán pia Melicú yapiyawalri, José pia Sebanía yapiyawalri, ¹⁵ Adna pia Harim yapiyawalri, Helcai pia Meraiot yapiyawalri, ¹⁶ Zacaría pia Iddo yapiyawalri, Mesulam pia Ginetón yapiyawalri, ¹⁷ Zicri pia Abías yapiyawalri njite Minianim, Pitai pia Moadías yapiyawalri, ¹⁸ Samulga pia Bilga yapiyawalri, Jonatán pia Semaía yapiyawalri, ¹⁹ Matenai pia Joiarib yapiyawalri, Uzi pia Jedaía yapiyawalri, ²⁰ Calai pia Salai yapiyawalri, Eber pia Amoc yapiyawalri, ²¹ Hasabía pia Hilcías yapiyawalri, njite Natanael pia Jedaia yapiyawalri. ²² Eliasib jiawajli pia, njaji Levitanai Eliasib, Joiada, Johanán njite Judúa nadana pia neepitana cayoji naapiyawanai sho njaji naapaneta, njite njaji sacerdotenai nadana pia nadanaaca piawa Darío italricanaaca lriko Persia lrikoda. ²³ Njaji Leví inakjoité perri njite njaji naapaneta yapiyawani nadana pia neepitana lri-rikóda jliaji Paperra nadanacawa pjiomi, Johanán, Eliasib irri jiawajli pia. ²⁴ Njaji Levitanai yapiyawanai icapiatsa Hasabías, Serebías, njite Cadmiel irri, Jesúa, njite pja njaji nakitsiñape levitanai tsacja, njaji yemalri mana nakoemajle naacarro matsiadalri nacanta cádanako, nacoamitsa njamao cádanako. Nanaitja cayó njepa capoa jliaji yakoti, Dio irsodalri David icaite capisho pia narso. ²⁵ Njite Matanía, Bacbuquía, Obadía, Mesulam, Talmón njite Acub icatsa iwapacapeca njaji nacada cawa pjiomitsa tsomi pantinoma ioya. ²⁶ Nadeji pia Joacim jiawajli pia, jliaji Jesúa irri, Josadac irri. Jeremías caojli pia iwapana natlricanaa sho njite Esdras caojli pia sacerdote njite jliatsa idanacadacan. ²⁷ Nacaite cádanako nataita kena jliaji Jerosalén idana, njaji inaiki aimadan najĩ naoma njaji Levitanai akjerre-rse catsa naofawajĩ, nadee carrona Jerosalén lrikojle najoitaacá carroa jowisho nataita capoena jliaji yacaalre idaanawa, naa-carro matsiadalri Dio irso, nacantá carro lrirso, njite nakjemata carro tsacja parratoita-pe, arpa, njite jaicoita tsacja. ²⁸ Nawacacawa pjiomi coshoca namaimaca njaji icantacaperri tsoomi perri iofacawa Jerosalén lriko njite njaji yofacapewa Netofa iwaida lriko. ²⁹ Nano pia tsacja njaji Bet Gilgal lrikoperri njite njaji yofacapewa nakinikerreda lrico Geba lriko njite Azmavet lriko tsacja, ima njaji icanta caperri nanaitja pia narsowawa naofacawapewa tsomi Jerosalén ioya. ³⁰ Njaji sacerdotenai njite njaji Levitanai namatsietacawa namatsicana ioya Dio ipeyajle, njite cayó tsacja nanaa nanaitjaca njaji inaiki aimadan, coshoca njaji pantinoma njite jliaji yacaalre iwai. ³¹ Niiní nocadaa Judá yapiyawanai njerraca yacaalre iwai ípolrico, njite nocaite yamapoco aimadan irso naa-carro matsiadalri dio irso. Papoco yawa yacaalre iwai iyekemajle, lri-riko peko jliaji pantinoma yacadawa napeko cawa lrikojle matsipeda. ³² Njite Osaías naapiya njaji pamoyoa toa nanakjoite njaji Judá poco yapiyawanai naawa njapodam, ³³ njapodamtsa naawa njaji Azaría, Esdras, Mesulam, ³⁴ Judá, Benjamín, Semaías, Jeremías, ³⁵ njite padapena nainai sacerdotenai yeenipe napjiaca na-trompeta, njite Zacarías, Jonatán irri, Semaía irri, Matanía irri, Micaía irri, Zacur irri, pada Asaf inakjoité dalri. ³⁶ Niini pia tsacja nainai nakitsiñape njaji Zacaría, Semaía, Azareel, Milalai, Gilalai, Maai, Natanael, Judá, Hanani, njepa njaji nacanta-shopa njaji Dio irsodalri David icantajĩ. Njite Escra idanacaita yaawa napeyajle. ³⁷ Njerrawa pjerra-carrona nako yaacadawa mayacan David iyacalré lrikojle yenondalrida nakó jliaji yacaalre idana, ooni ipananoma-peko lriko, naorrokó carro David iipanam nakojle Ooni Ipananoma-peko lriko jeerri imoto kemjeteo. ³⁸ Njite njaji papoko tsacja icanta caperri naawa nakjoete pafe rikojle. Njite noawa njapodam yacaalre idana ipolrikonako, njite pamoyoa pja njaji inaiki inolri tsacja noinai. Waawa nanako njaji Yenondalripe nako Tiyee imotocawao, macaite cawa lriacawa jliaji yacaalre idana, ³⁹ Efraín poko ipananoma icao, pantinoma opipeki nako tsacja, copje peko ipananoma icao tsacja, yenondalri nako Hananeel iyada nakó tsacja, yenondalri nakó nayada njaji cien perri tsacja, teeko jlinaa waacawa Oveja peko nakojle, njite waoca wemao iwapacape ipananoma nako. ⁴⁰ Niini njaji yamapoko icantacaperri naoca nemawa neema cawa lriko Dio iipana lriko, njite njoa, noema tsacja noemacawa lriko, njite noinai tsacja pamoyoá njaji caconaaperri. ⁴¹ Nja tsacja njaji sacerdotenai nemawa nadenicawa lriko: Eliacim, Maasia, Miniamin, Micaia, Elioenai, Zacaría njite Enaía, nacoanam na-trompetan, ⁴² Maasia, Semaia, Eleazar, Uzi, Johanán, Malquía, Elam njite Ezer. Njaji icantacaperri, Izraia jliaji ijãtalri nacapa coancarro nacantaca. ⁴³ Aima namjaitaca maaficalri jliadaa jeecoapi, njite nacatiima- taacawa, ima Dio catsa jliaji icadaalri nathimawa nacatiima-taaca carroa pekirritsa. Coshoca njaji inaitjepe, yempetipe nacatiima- taacawa. Niini tjekjoiteca pjemica coanca cathimaca njaji Jerosalén lrikope. ⁴⁴ liadaa pia jalredaoca nakeepitanata atsianai yajicaope nanaco njaji namatsietacawa lriko njaji ijãodati nawaketaji nacaoña shopa, njaji paniati nainitajĩ naniwaca njite diezmo tsacja, nawaketá carro nayadawa njaji sacerdotenai njite njaji Levitanai cayoji lricaite capisho jliaji yakoti yajĩcada panako. Nacadana nadenjĩ carro tsoomi naoya njaji cakinkerre perri. Catiima nacaolre pekirritsa njaji Judá poko naicjaote njaji sacerdotenai njite njaji Levitanai yemalri naapiya. ⁴⁵ Nadejĩ napiya Dio iipana lriko, nacaite cádanako naoya namatsicanao, cayotsa David njite lri-ríitsa Salomón icaite capisho pia narso nanaitja carro, cayotsa nanaitjaca njaji icantacaperri njite njaji iwapacape pantinoma. ⁴⁶ Aimawalriapia, David njite Asaf jiawajli pia, njaji icantacaperri narsopia njaji yajĩcada napiya nacanta cádanako. NArsopia njaji canción icaite caperri matsia Dio nako njite njaji naashopa matsiadalri dio irso ⁴⁷ Zorobabel jiawajli pia njite Nehemia jiawajli tsacja, pjiomi njaji Iraelnai naapia naijao jalredaoca ikoam njaji icantacaperri njite njaji iwapacaperri pantinoma. Njite njaji sacerdotenai njenita pia nayadawa njaji Aarón inakjoité perri.