¹ Njaji Iraelnai yaapiyawanai naofawa Jerosalén lriko njite nja nanaikite item napeko nanako najishopa nataitá carro nadeeca padatsa die inaiki nakjoite lriofaa carro Jerosalén lriko, jliaji Dio iyacalre, njite njaji noeve inaiki namacaiji naofaacatoa nainai njaji apanatsa inaiki naoya. ² Padape njawacatsa icaitiacawa naofaa carro nainai Jerosalén lriko, njite njaji ninperrina matsia nakoadatana njite matsia nacaiteca nanako. ³ Icatsa njaji nayacalre yapiyawanai yofalriwa Jerosalén lriko. Mitsa Judá lriko, pjiomi njaji inaiki naofacawa njepaite rikotsa, njite padape tsacja nainai Iraelitanai, sacerdotenai, Levitanai, idejicape Dio iipana lriko njite nanakjoite perri njaji Salomón irsoperri pia. ⁴ Padape nanakjoite njaji Judá poko naofacawa Jerosalén lriko, caitsacja Benjamín poko inakjoité perri. Icatsa njaji Judá poko inakjoité perri: Ataia, Uzia irri, Zacaria irri, Amaria irri, Sefatia irri, Mahalaleel irri, pada Fares inakjoite dalri. ⁵ Njite Maasia tsacja nainai, Baruc irri, Col Hoze irri, Hazaia irri, Adaia irri, Joiarib irri, Zacaria irri roenipe rsoaji Silonitá darro. ⁶ Pjiomi njaji Fares yenipe yofaniwa Jerosalén lrico coatrociento sesenta ocho namaimaca. Atsianai cjaidá perri inoacacawa. ⁷ Njite icatsa njaji Benjamin inakjoité perri: Salú, Mesulam irri, JHoed irri, Pedaía irri, Colaía irri, Maasia irri, Itiel irri, Jesaia irri. ⁸ Njite lrinacojledatsa, Gabai njite Salai. Noveciento noventa ocho atsianai padenirri. ⁹ Joel, Zicri irri, icapiatsa jliaji icapacada lrinako, njite Judá tsacja, Zenua irri, icatsa lrinakojledaca yajirri yacaalre nakó. ¹⁰ Nanakjoite njaji sacerdotenai: Jedaia, Joarib irri, Joaquin, ¹¹ Seraia, Hilcias irri,, Mesulam irri, Sadoc irri, Meraiot irri, Ahitob irri, Dio iipana yaapiyawalri, ¹² njite njaji lri kitsiñape idenjica Dio iipana, ochociento venti do atsianai padenirri, Abdia ikitsiñapetsa, Jeroham irri, Pelalia irri, Amsi irri, Zacaria irri, Pasur irri, Malquia irri. ¹³ Njite njaji Adaia ikitsiñape icapiatsa naapaneta yapiyawanai, dociento coarenta y do atsianai namaimaca, njite Amasai, Azareel irri, Azai irri, Mesilemot irri, Imer irri, ¹⁴ njite njaji lri kitsiñape, atsianai mafiocaperritsa owi riko, ciento venti ocho padenirri; njite Zabdiel pia jliaji caconaadalri napiyawalre, Gedolim irri. ¹⁵ Levitanai nakjoite: Semaia, Hasub irri, Azricam irri, Hasabia irri, Buni irri, ¹⁶ njite Sabetai, Jozabad tsacja, icapiatsa njaji naapiyawalre-ca njaji Levitanai njaji idejirri naapiya lridajitje jliaji Dio iipana. ¹⁷ Nainai tsacja Matania, Micaia irri, Zabdi irri, pada Asaf inakjoite dalri, jliaji yajirri njite jliaji iniitalri naapiya naa carro matsiadalri Dio imatsiaca ikjaote natatja cádanako lriinai, lrinakojleda-tsa Bacbuquia, pada lrikitsinda idenjica, Abda tsacja, Samua irri, Galal irri, Jedutún irri. ¹⁸ Dociento ochenta coatro Levitanai njaji yofalriwa lri rikoda jliaji Dio iyacaalre. ¹⁹ Iwapacape pantinoma: Talmón njite njaji lri kitsiñape iwapacape pantinoma, ciento sesenta y do atsianai pjiomi. ²⁰ Njite njaji pana Iraelnai itepem, njaji nasacerotenai njite njaji Levitanai naofacawa nerrikoda pjiomi njaji yacalre Judá lrikope. Naofacawa njepaite rikó nakoana. ²¹ Njaji idenjicape Dio iipana lriko naofacawa Ofel lriko, njite Zha, Gisá yaapiya icatsa njaji naapiyawanaica. ²² Uzi pia jliaji caconaite naapiyawalre njaji Levitanai, njaji idejirri Jerosalén lriko, Bani irri, Hasabia irri, Matania irri, Micaia irri, Asaf inakjoite perri, njaji icanta caperri pia narso nadenji cádanco Dio iipana. ²³ Jliatsa jliaji talricanaati lricaite narso kocaca njaji narsolritsa nanaitjaca. lricaite kocaca narsolritsa nanaitjaca jalredaoca ikoami corridalritsa nataita namatadaca. ²⁴ Njite Petaía, Mesezabeel irri, Zera inakjoité dalri, Judá irri, lrikitsindata jliaji talriacanaati lriwaopiakje-sho pjiomi nakotsa nanakoapana njaji inaiki aimadan. ²⁵ Nanako njaji nayacalrewape njite nakiníkerre, padape njaji Judánai naofa nayacalreta Quiriat Arba lriko, nayacalreta tsacja Dibón lriko, nayacalreta tsacja Jecabseel lriko. ²⁶ Naofawa pia tsacja Jesúa lriko, Molada, Bet Pelet, ²⁷ Hazar Sual njite Beerseba lriko tsacja. ²⁸ Naofawa pia tsacja nayacalreta Siclag lriko njite Mecona tsacja, ²⁹ Rimón lriko, Zora lriko, Jarmut lriko, ³⁰ Zanoa lriko, njite Adulam lriko tsacja nayacalreta, Lequí lriko njite Azeca lriko tsacja nayacalreta. Niini naofacawa Beerseba nakjoite teeko jlinaa pakoacaitacawa lriko jiipai HInom dalri. ³¹ Njaji Benjamín poko naofa tsacjawa Geba nakjoite, Micma lriko, Aía lriko, Betel lriko pjiomi lriwaida cawa lriko. ³² Naofa piawa tsacja Anatot lriko, Nob lriko, Anania lriko, ³³ Hazor lriko, Ramá lriko, GItaim lriko, ³⁴ Hadid lriko, Seboim lriko, Nebalat lriko, ³⁵ Lod lriko, njite Ono lriko njite jiipai pacoacá dalri naofacawa lrico njaji kayecá perri. ³⁶ Padapena nanakjoite njaji Levitanai naa naofa padapena njepaite riko njaji Judá poko njite njaji padape naa naofawa Benjamín poko iinai njepaite lriko.