¹ Icapiatsa njaji irsocape neepitana paperra lriko nacatjinatanda: Nehemia, Hacalia irri, jlia minitsa natalricanaa iwapacadana niini, njite njaji sacerdotenai idanacape neepitana icatsa njaji Sedequia, ² Seraia, Azaria, Jeremia, ³ Pasur, Amaria, Malquia, ⁴ Hatús, Sebania, Maluc, ⁵ Harim, Meremot, Obadia, ⁶ Daniel, Gineton, Baruc, ⁷ Masulam, Abía, Mijamin, ⁸ Maazia, Bilgai, njite Semaia. Icapiatsa saserdotenaica njaji. ⁹ Njite njaji levitanai, icapiatsa njaji: Jesúa, Azania irri, Binui, Henadad iipaneta lrikjoite dalri, Cadmiel, ¹⁰ njite njaji lrikitsiñape Levitanai, Sebania, Hodia, Kelita, Pelaia, Hanán, ¹¹ Micaía, Rehob, Hasabia, ¹² Zacur, Serebia, Sabania, ¹³ Hodia, Bani njite Beninu. ¹⁴ Njite njaji yacaalre yapiyawanai, icapiatsa njaji: Paros, Pahat, Moab, Elam, Zatu, Bani ¹⁵ Buni, Azgad, Bebai, ¹⁶ Adonia, Bigvai, Adín, ¹⁷ Ater, Ezequía, Azur, ¹⁸ Hodia, Hasum, Bezai, ¹⁹ Harif, Anatot, Nebai, ²⁰ Magpia, Mesulam, Hezir, ²¹ Mesezabeel, Sadoc, Jadúa, ²² Pelatía, Hanán, Anaía, ²³ Osea, Hanania, Hasub, ²⁴ Halohes, Pilha, Sobec, ²⁵ Rehum, Hasabna, Maasia, ²⁶ Ahía, Hanan, Anán, ²⁷ Maluc, Harim njite Baana. ²⁸ Njite nja paana sacerdotenai imaimaca, levitanai, iwapacape pantinoma, icantacaperri, idenjicaperri Dio iipana lriko, njite pjiomi njaji jienita capem naoya njaji apaanta inaiki nacoda-piperri yofacawa icaite cape yakoti ajádalri sho njeepacaotsa Dio yako, naninaida lriko njite njaji neenipe pjiomi, nja tsacja njaji yajicapena coanshopaca, ²⁹ nawacaacawa nakitsiñape yapiya, njite naapiyawanai yaapiya tsacja nacaite maatsicaotsa korri cadaa nanaitja cayoji Dio yaako icaite capisho narso, nacaite capisho njaji yaakoti Lricadaalri lrirsodalri Moise irso, nacapá carro naicawa nanaitjá carro pjiomi njaji wa Minalri Dio lrinaalri nanaitjaca, cayoji lricaitecapisho jliaji paperra coancarro paofacawa matsia. ³⁰ Wacaitjenina yaacoti ajádalri sho korricaotsa wacadaa carroca njaji waitonaipe narso njaji apaanatsa inaiki waoya, korrin tsacja fetá carroca naitonaipe weenipe irso. ³¹ Wacaite tsacja yakoti ajádalri sho korricaotsa wawentá carroca nainai njaji apanatsa inaiki waoya nadee cadaa waicjaolre napania iinaca nawendewa wawafeta carroa lriko, o koancádanakoca jalredaoca fenitanda wa Minalri irso. Siete walria ikoami oonia wacadaacaotsa fepaite iwafetawa, njite pada judio ideewe cadaa fa korriotsa waomá carroketsa wacoadao lriinai. ³² Waa tsacjaotsa pada madalrida nakjoite nadenjishopa Dio iipana lriko pawalria icoam, ³³ waa tsacjaotsa petje meewidalri icaona Dio icapacawa lriko, waa tsacjaotsa comaana ofrenda sho, njaji ofrenda pamjaitaoda wawafeeta carroda lriko, wajoitaca carroa lriko walripi nako keerri njite pjiomi nja paana wajoitaaca carroa wajinda inako, waa tsacjaotsa nanako njaji ofrenda mamatsicanaadalri nako njite waa tsacjaotsa maaficalri pamjaitaoda naita shopa na matsicanaa njaji Iraelnai, njite tsacja naicaona njaji idenjikjeti wa Diote iipana icaonada. ³⁴ Njite njaji sacerdotenai, njaji Levitanai naapiya pjiomi njaji inaiki aimadan napeeko caotsa nanjishopa koca-caotsa njaji iderriotsa jaiko ofrenda sho. Koca iipaneta nakó cdaotsa jliwawa jliaji nanjishopa icatsaotsa njaji iderriotsa jaiko wa Diote iipana icaona pawalria nako nacaite cádanako narso. Njaji jaiko nadeji, namjaita caotsana lrinako jliaji njerretanda yenon wa Minalri Dio irso, caitsa Moise idana capisho pia. ³⁵ Wacaitenina yakoti ajádalri sho wadecaotsa Dio iipana lrikojle njaji wapania wainitanda waniwaca wapania nakjoite, njite tsacja nainaca njaji jaiko tjeda pawalria ikoam. ³⁶ Njite cayoji Moise idana capisho pia, wacaite tsacja yakoti ajádalri sho wadee caotsa Dio iipana lrikojle naikjaolre njaji sacerdotenai idenjirri niini njaji wenipe pjerritinaipe, njite njaji waapirra yeenipe iinitacape imotocawa. ³⁷ Wadecaotsa njaji wadaitampe haripe wainitaji fetaca, cayo tsacja nja komaana, njite nainaca nja jaiko painjanda, koshoca nja jaiko tjeda yaana njite aceite tsacja wadecaotsana narso njaji sacerdotenai, nacadacaawa lriko naofawa njaji injaodati wa Diote iipana lriko. Wadeotsa Levitanai irso njaji diezmo fetanda fepaite yooya, ima Levitanaica njaji iniwalri diezmo naoya pjiomi njaji inaiki aiadan wadejirri niini. ³⁸ Pada sacerdote, Aarón inakjoite dalri, lrirsotsa niinica nainai njaji Levitanai nadee njepa cádanako wapjeya naji diezmo. Njaji Levitanai narsotsa nadeeca diezmo nanakjoite njaji naniwanda nacadaa carrona namatsietacawa lriko nja injaodati Dio iipana lriko. ³⁹ Ima njaji Iraelnai njitre Leví inakjoite perri narsotsa nadeeca njaji nacdaji narso komana nakjoite, jaikotjeda yaana walriajai njite aceite tsacja namatsietá carrona lri tawajle riko jliaji Dio iipana nacadaacawa pjiomi njaji nadenjishopa niini.