¹ Njite njaji Levita poco iipaneta iapiyawanai nano naicjaolre njaji sacerdote Eleazar, Josué Nun irrí, njite njaji iraelitanai poco iapiyawanai. ² Niini naaco nasho Silo ricó Canaán jipaitena ricó: ''Wa Minalri icaite pia, Moisé inacjoite, icadaa carró wayakalrewa waofáa carró níini, nincawa matsia malritsi nainjaoda njaji wa vacan'' ³ Níini wa Minalri inaacalre ricó, njaji iraelitanai naa nayacalrewa nacjoite levitanai isho njaji yacaalre, njite njepaitena matsia cawa vaaca injaope. ⁴ Niini napeeco cádanaco paperrapjai nanjishopa, jliwacawa coatitanai iipaneta poco naco; niini njaji Sacerdote Aarón ienipenaipem, levita poco tsacja, njaji Judá poco, Simeón poco njite Benjamín poco naa nasho trece yacaalre. ⁵ Njite, njaji Efraín poco, Dan poco njite njaji Masé poco itém inacjoite perri, nacadaa nasho njaji coatitanai itém dié yacaalre. ⁶ Napietacadanaco napeecoca paperrapjai nanjishopa, jliwao nanaco njaji Gersón iipaneta. Nayada nacjoite njaji Isacar poco, Aser poco, Neftalí poco njite njaji Manasé poco iitem, nacadaa nasho trece yacaalre Basan ricó. ⁷ Njite njaji Rubén poco, Gad poco, njite njaji Zabulón poco, nacadaa nasho njaji Merari iipaneta doce yacaalre. ⁸ Njaji iraelitanai nacadaa njaji yacaalre nasho njaji levitanai, njite njaji jiipai ishocape vaaca injaope, cayotsa wa Minalri inaa capishopia Moisé inaitjaca. ⁹ Njaji Judá poco njite njaji Simeón poco, nacadaa nasho njepaitewa naojieta njaji yacaalre wacaiterriotsa iipitana. ¹⁰ Icatsa njaji yacaalre nacadaalri nasho njaji Aarón iipaneta, njaji Coatita iipaneta, Levi poco inacjoité perri. Ima icapiatsa njaji paperrapjai jiwalrica inaco iinita. ¹¹ Njaji iraelitanai nacadaa nasho Quiriata Arba (Arba, Anac jinirri), Hebrón ricó, awacadacawa Judá jipaitena ricó, nincawa vaaca injaope. ¹² Mitsa njaji yacaalre, njepaite tsacja njite njaji yacalrewape nacodapiperri curritsa nacadaa nasho ima nacadaa piakena Caleb isho, Jefone irri lriyaadá carró. ¹³ Nasho njaji sacerdote Aarón iipaneta, nacadaa Hebrón njite njaji jiipai nincawa vaaca injaope. Njite jliaji yacaalre Hebrón, icatsa nacaawa nadawaacawa njaji caicjaolrenaaperri iinocape inaiki, njite nacadaa tsacja nasho jliaji yacaalre Libna, jlipaitena tsacja nincawa vaaca injaope, ¹⁴ nacadaa tsacja nasho Jatir, Estemoa njite pjiomi njepaitena nincawa vaaca injaope. ¹⁵ Nacadaa tsacja nasho Holón, Debir, ¹⁶ Aín, Juta, Bet Semes njite pjiomi njepaitena njaji yacaalre nincawa vaaca injaope. Nueve yacaalre nacadaa nasho njaji yamapoco nanacjoite njaji iraelitanai. ¹⁷ Njaji Benjamin poco nacadaa nasho Gabaón njite pjiomi nincawa vaaca injaope, Geba njite pjiomi nincawa vaaca injaope, ¹⁸ Anatot njite pjiomi nincawa vaaca injaope, nacadaa tsacja nasho Almat njite natawiñacawa rico tsacja vaaca, cuatro nja yacaalre pjiomi nanda nasho. ¹⁹ Trece pjiomi njaji yacaalre nacadanda nasho njaji Aarón iipaneta, nacadaa pja tsacja nasho natawiñacawa ricó vaaca. ²⁰ Njite njaji papocotoa Coat iipaneta inacjoiteperri, levitanai tsacja, njaji curri petoa naa isho iyacalrewa; njaji Efraín poco nacadaa nasho nayacalrewa jliwa capoa nanaco jliaji paperrapjai nanjishopa. ²¹ Nacadaa nasho jliaji yacaalre Siquem, njite natawiñacawa ricó tsacja vaaca awacadacawa njepaite ricó njaji Efraín poco. Jliaji Siquem icapiatsa pacoa yacaalre naacawa nadawaacawa njaji caicjaolrenaaperri, iinocape inaiki corri cadaantsa naomacalreca. Nacadaa tsacja nasho jliaji yacaalre Gezer, njite pjiomi natawiñacawa rico vaaca niini, ²² Kisbasan, Bet Horón tsacja njite pjiomi njaji natawiñacawa ricó vaaca nacoanaa. ²³ Njaji Dan poco, nacadaa nasho njaji Coat iipaneta isho njaji yacaalre Elteque, Gibetón njite pjiomi njaji natawiñacawa ricó tsacja vaaca, ²⁴ nacadaa tsacja nasho njaji yacaalre Ajalón, Gat Rimón njite pjiomi njaji natawiñacawa ricó tsacja vaaca nacoanaa njaji yacaalre. ²⁵ Njaji papoco tsacja Manasé inacjoité perri, nacadaa tsacja nasho njaji Coat iipaneta nayacalrewa njaji yacaalre Taanac, Gat Rimón njite pjiomi njaji natawiñacawa ricó tsacja vaaca nacoanaa njaji yacaalre. ²⁶ Nacadaa nasho die yacaalre, nacoanaa njaji natawiñacawa ricó vaaca nasho njaji Coatitanai. ²⁷ Njaji papoco tsacja Manasé inacjoité perri, nacadaa tsacja nasho njaji Gersón iipaneeta isho, levitana inacjoité perri tsacja yamacoa yacaalre: Golán Balsán ricó njite pjiomi njaji natawiñacawa ricó tsacja vaaca. Jliaji yacaalre Golán, icapiatsacja pacoa yacaalre naacawa nadawaacao njaji iinocape inaiki curricadaanatsa naomacalreca. nacadaa tsacja nasho jliaji yacaalre Beestera njite pjiomi njaji natawiñacawa ricó tsacja vaaca. ²⁸ Njaji Isacar poco, nacadaa tsacja nayacalrewa njaji Gersón iipaneta jliaji yacaalre Cisón, Deberat tsacja njite pjiomi njaji natawiñacawa ricó tsacja vaaca nacoanaa njaji yacaalre, ²⁹ nacadaa tsacja nasho jliaji yacaalre Jarmut, En-gamin njite pjiomi njaji natawiñacawa ricó tsacja vaaca nacoanaa njaji yacaalre. Cuatro coa. ³⁰ Njaji Aser poco nacadaa tsacja nasho Miseal, Abdón, njite pjiomi njaji natawiñacawa ricó tsacja vaaca, ³¹ Nacadaa pja nasho Helcat, Rehob njite pjiomi njaji natawiñacawa ricó tsacja vaaca, cuatro coa njaji yacaalre pjiomi. ³² Njaji Neftalí poco, nacadaa nasho njaji Gersón iipaneta jliaji yacaalre Cedes, Galilea ricó njite pjiomi njaji natawiñacawa ricó tsacja vaaca. Jliaji yacaalre Cedes icapiatsa pacoa yacaalre nacaawa nadawaacawa njaji caicjaolrenaaperri iinocape inaiki curricadanatsa naomacalreca; nacadaa pja nasho jliaji yacaalre Hamot-dor, Cartán tsacja njite pjiomi njaji natawiñacawa ricó tsacja vaaca, madalricoa yacaalre pjiomi. ³³ Trece namaimaca pjiomi njaji yacaalre nacadaalri Gersón iipaneta isho, njite pjiomi njaji natawiñacawa ricó tsacja vaaca nacoanaa njaji yacaalre. ³⁴ Njite njaji Zabulón poco, nacadaa nayacalrewa njaji Merari iipaneta, levitanai inacjoité perri tsacja jliaji yacaalre Jocneam, Carta tsacja njite pjiomi njaji natawiñacawa ricó tsacja vaaca, ³⁵ nacadaa pja nasho jliaji yacaalre Dimna, Naalal tsacja njite pjiomi njaji natawiñacawa ricó tsacja vaaca. Cuatro coa pjiomi njaji yacaalre. ³⁶ Njite njaji Rubén poco nacadaa pja nayacalrewa njaji Merari iipaneta jliaji yacaalre Beser, Jahaza, ³⁷ Cademot, Mefaat njite pjiomi njaji natawiñacawa ricó tsacja vaaca nacoanaa njaji yacaalre, cuatro coa pjiomi. ³⁸ Njaji Gad poco, nacadaa nasho Ramot Galaad ricó njite pjiomi njaji natawiñacawa ricó tsacja vaaca. Jliaji yacaalre galaad, icapiatsa pacoa yacaalre nacaawa nadawacao njaji inocape inaiki curri cadanatsa naomacalreca. Nacadaa pja nasho jliaji yacaalre Mahanaim njite pjiomi njaji natawiñacawa ricó tsacja vaaca. ³⁹ Nacadaa pja nasho njaji Merari iipaneta jliaji yacaalre Hesbón, Jazer njite pjiomi njaji natawiñacawa ricó tsacja vaaca. Cuatro yacaalre pjiomi. ⁴⁰ Pjiomi njaji yacaalre nacadaalri Merari isho coshoca namaimaca njaji lriipanetam, njaji levitanai inacjoité perri. Doce namaimaca njaji yacaalre nacadalri nasho napeecocadanaco njaji paperrapjaipe nanjishopa. ⁴¹ Cuarenta ocho namaimaca njaji yacaalre naalri nasho njaji Levita poco, njepaite nacjiotetsa njaji nakitsiñape Iraelitanai, njite pjiomi njaji natawiñacawa ricó tsacja vaaca. ⁴² Nacoanaa njaji yacaalre nasoca natawicawa ricó vaaca. Caimitsa pjiomi njaji yacaalre. ⁴³ Cayopiatsa Diu icadaaca njepaitewa njaji Iraelitanai, jliaji jiipai Lricaiterri pia iacoti ajádalri sho nasho njaji napjeyadapempia. Iraelitanai jipa nasowao jliaji jiipai naofáa carró niinio. ⁴⁴ Cayopiatsa Diu icadaa nawafeetacao njaji iraelitanai yameemape, cayotsa Lricaitecapisho iacoti ajádalri sho nasho njaji napjeyadapempia. Corri pia coca nanacjoite njaji nacoema itaita pia jiameetacana oowi ricó. Ima Diu icadaa piaca njaji nacoema iraelitanai icaapi ricó. ⁴⁵ Corri Diu jiyapeta pada iacoti corrirrí lrinaitja cayoji lricaite capisho pia Irael iipaneta ishó. Corrí lrimatada pada, lrinaitja pjiomi cayoji lricaite capisho pia.