¹ Njite jliaji jiipai nacadanda José poco isho, lriinitawa Jordán ricjoite Jericó ricó, jeerri imoto kemjete onipaocja ricjoite Jericó dalri pjewa cawa jalrapocolri isho, jlirra pjawa Jericó ricjoite Betel icjaolre, jliaji yacaalre awacada ricoda. ² Betel ricjoite lriocawa Loz icjaolre njite jliyapawa jliwalripaca ricó Astarot dalri, njepaite njaji arqoitanai. ³ Njitédalri lriorocoa njepaite ricojle njaji jafletitanai jeerri jiewacawa icjaolre, lriocawa tjewacajlre she Bet Horón dalri njite Gezer icjaolre; lriocawa macapawan nacojle. ⁴ Cayo piatsa nacadaaca njepaitewa njaji José poco Manasés njite Efraín tsacja. ⁵ Cayopia njepaite jinaana njaji Efraín poco naanda nacoanaa njanirrinaipem iipitana nacó: lrrinitawa Astarot Adar ricjoite jeerri imoto kemjeteo njite lriocawa Bet Horón yenosheshé icjaolre ⁶ njitédalri lriocawa macapawan nacojle. Micmetat nacjoite, atsia jliemjete jeerri isho, lriyofiawa Tanat Siló icjaolre njite jliyapawa teeco Janoa ioya jeerri imoto kemjete. ⁷ Janoa ricjoite lriorrocowa Atarot njite Naarat icjaolre lriocá carró Jericó nacó, lria carró lriwayacawa Jordán nacojle. ⁸ Tapúa nacjoite, njepaite jinaana iawa onipaocja Caná dalri jeerri jiewa kemajle. Icapiats njepaiteca njaji Efraín poco nacoanaa njanirrinaipem iipitana naco, ⁹ Nacadaa tsacja Efraín poco isho njaji yacaalre njeniitajitsa nayadao njepaite ricó njaji Manasé poco, pjiomi njaji yacaalre naapiya njaji yacalreewape nacodapiperri. ¹⁰ Corrípiatsa nainoca njaji iofaacape Gozer ricópe Canaán rico, niini naofáa catsa pajiete Efraín poco iinai njepaite rico, mitsa nacada nadenjée carró nasho.