¹ einta oonia keena Saúl isho lrinita lrimeenacaca Israel naco; njite cuarenta oonia cayamina lritalricanataca nanaco, ² lriniwana tres mil atsianai Israel ricjoite. Dos mil namaimaca njaji lrineiperri aji Micmas rico njite awacadanaco aji Betel rico tsacja, njite mil atsianai Jonatan iinei perri aji Geba rico Benjamin ricoda. Njite njaji tsolrodaonai itepem lrimeenacana napana ricojle, nacoanatsa napanaita rico. ³ Jonatán iino njaji tsolrodaonai aimadam Filisteos nai iyape aperiji Geba rico njite njemini njaji Filisteos nai. Caicarro Saúl ipjiaca trompeta pjiomi yacaalre rico, njite lriaco: "Jimi sha Hebreos nai." ⁴ Pjiomi Israel jimi coanca Saúl iinoca njaji tsolrodaonai aimadan Filisteos nai iyape, njite tsaca coanca matsica Filisteos nai icapaca Israel isho. Caicarro nawanacacao njaji tsolrodaonai nawaketaca carro Saúl iapiya aji Gilgal rico. ⁵ Njaji Filisteos nai nawacaacawa nainoaca carro Israel icoema: tres mil oowifiape, seis mil atsianai ideji caope njaji oowifiape, njite tsolrodaonai aimadam maniweta canapetsa cayoji jipai ooni macapawan inomapipesho. Njerawa njite naoca nama aji Micmas rico, jerri imoto cawajle Bet Evén isho. ⁶ Njaji atsianai Israel ricoperi naanjiaca cádanaco camatsicana cana jorre nafiocawa, caicarro nadawaca jalraafen rico, tsamidalri iapjite, jipada ipecolrico, teewacacawa ricó, njite njecaniapji ricó tsacja. ⁷ Padapena nanacjoite njaji Hebreos nai nayoeta jliaji Jordan nacarroa Gad ijipaite ricojle njite Galaad ijipaite ricojle tsacja. Mitsa jliaji Saúl atsa lriofao Gilgal rico njite njaji inaiki aimadan acatsana lrinei nafiocayatsao. ⁸ Saúl iwapa siete jalredaoca, cayoji Samuel icaite capisho pia lrisho. Mitsa corrim Samuel yucao Gilgal ricojle, njite njaji iaiki njenitacawa Saúl ioya. ⁹ Njite Saúl iaco nasho: "Idee njaji ofrenda pamjaitaope njite tsacja njaji ofrenda wamaodaca shopa." Caicarro lriaca Dio isho njaji ofrenda lrimjaitaji. ¹⁰ Lritaita cayamina lriaca njaji ofrenda lrimjaitaji Samuel iocawa. Saúl ia lrideshe lritatjacarron. ¹¹ Caicadanaco Samuel iaco lrisho: "¿Cocao jliaca pinaitjalri? Saúl iaco jiepacani: " Nocapa cadanaco namacaca njoa njaji inaiki aimadam, njite corrim piocao pjinana rico piatja, njite naoca naofao njaji Filisteosnai aji Micmas rico, ¹² nocaite cayoji: 'Panaya njaji Filisteosnai naorroco watsa nocjoete Gilgal ricojle, njite corri cadanatoa notatja Dio iinai lrimatsiaca.' Caicarro nosho catsa Noaca njaji ofrenda namjaitá carrona." ¹³ Njite Samuel iaco Saúl isho: "Oopi pinaitja cayoji majica dalrimsho. Corritsa pinaitjenca cayoji wa Minalri Dio icaite capisho pisho. ¹⁴ Ima Dio piatsa icada pitalricanata carro Israel naco caidalriwetsa. Mitsa panaya lriwayaca caotsao jliaji pitalricanata cawa. Dio iomenacjaotsa ape atsia inaitja cada cayoji Dio icaolre ioma capisho, njite Diotsa iniwanani talricanati carró nanacó njaji inaiki aimadan, ima pjia corri pinaitja jliaji Lrinalri pinaitjaca." ¹⁵ Njité dalri Samuél jinico iawa jlirrá carró Gilgal ricjoite Guibea nacojle Benjamín ricoda. Jliapodamtsa Saúl iniweta njaji atsianai lriinaiperri, njite lriniwetana seiscientos atsianai namaimaca. ¹⁶ Saúl, njite lrirrí Jonatan njite njaji ianiki nainaiperri, naufacawa Geba rico Benjamín ricoda. Mitsa njaji filisteosnai naoca nawacaacawa Micmas rico. ¹⁷ Madaripoco inaiki maatsiperri ino naofacaawa ricjoite njaji Filisteonai. Papoco iawa Ofra icjaolre Sual jiipaite ricoda. ¹⁸ Papoco iawa Bet Horón icjaolre njite nja paana naawa lrinomapiana nacojle jliaji jiipai pacuacadalri Zeboin dalri jalrapocolri rico. ¹⁹ Njaji Iraelnai corrí pia nashó pada nanacjoite ianjicada idenjica tsípalra, niini naaco nanaco njaji Filisteonai: ''Wacapatjaotsa coancaotsa nanaitjaca nashowawa namolroconiwa njite namatsetaniwa tsacja.'' ²⁰ Ima njaji Iraelnai icamipiatsa nacaawaca nakeemataca namalriyen, natuwín, nayucan njite namatsetan tsacja. ²¹ Ocho gramo palraatape njeta pia naoya nakeemata caapji natowín o namalriyen, njite nakeemata capoa nayocan, namatseetan njeta pia naoya cuatro gramo palratape. ²² Niini jliadaa pia nainoacacawa njaji tsolrodao iraelitanai corri piatsa coca isho nainoacashopao, icaamipiatsa Saúl njite lrirritsa Jonatán. ²³ Cayo cadaana njaji tsolrodao aimadan Filisteonai nano nacjoete njeyapacawao Micmas ricó.