¹ katini wa ɨkittakaitɨni hatesta. Waɨkawa meniuyuku xeɨrieni auriena mɨkɨta kanuwa hata kaneu tuika kananutiyarɨni hetsiena. Natɨme niuyuku xatrieni hatsɨana hapa testa. ² Tiwa ɨkitɨakai waɨkawa ɨxatsikakɨ, tiwa ɨkitɨatɨ katiniwaruta hɨawe: ³ Xe neta enanaka etsame kaneyani hau emieka. ⁴ Muka hetsie imɨari kaniuka xɨrieni huyeta, menikukwani wikixi me u axtaka. ⁵ Hipatɨ imɨari muka xɨri tetexikɨtsata, kewa kwie katsuikaitsie. Ya pauka kaniuti nenita, kwie katsuikaikɨ. ⁶ Kepauka tau matine, mɨkɨta kaniutitani meka ha nanatɨkateikɨ, kaniutiwani. ⁷ Hipatɨ imɨari kaniuka xɨrieni xuyatsata, xuya muti werixɨ kanicayunitɨani. Imɨari tixaɨ ikwaxi kwarayexɨri ⁸ Hipatɨta imɨari kwiepa aixɨ anekɨa kaniuca xɨrieni, waɨkawa ikwaxi kanuti xuawire, ke pauku mutine mutiwerixɨtsie. Mɨkɨ imɨari Katiniuti xuawitɨani hipatɨ 30 hipatɨ 60 hipatɨ 100 pamexa maxi anutiwekame kepame tíuka é. ⁹ Mɨkɨtá kaniutayɨni: ke ane ma nakatɨka mau enanikɨ ke u ena. ¹⁰ Ke pauka Jesús yuxaɨta muyuku hayewaxɨ, ke ane hurawa hamatɨana memuti ukai ta huta nɨ arimama matɨa, menita iwawiya mɨkɨ ɨxatsika ke paɨ tɨtɨ manɨyɨnekai. ¹¹ Mɨkɨta tiniwaruta hɨawé: xeme ti awietse kakaɨyari uximayatsikaya xeni hekɨatsiyarieka kakaɨyari niukieya. Hipatɨta ɨxatsikakɨ. ¹² Ke pauka mɨkɨ meniere, xɨka me hau niniereni, meka nierekɨ ke pauka nemu ená, xɨka me hau enanaka, meka heti enatɨkɨka paɨ meka anenike, mɨkɨ me yuyétuani. Ke kaikakaiyari tiwarauye hɨwirienikeyu. ¹³ Tiwaruta hɨawixɨta: xemeta xekate heti enatɨkɨka? keta xete heiti enietɨkɨne hipame ɨxatsika xɨka xeka heti enatɨkɨne hipame ɨxatsika xɨka xeka heti enatɨkɨkani. ¹⁴ Etsame niuki kaniuka eni. ¹⁵ Ikɨ mekani hɨkɨtɨni ke ame muka xɨri huyé testa kewa meka etsie niuki kepauka memu enana yapauka ka hauyumarie kaninuani waru nawairi niuki kemete ú enanakai. ¹⁶ Ikɨ mekani hɨkɨtɨni ke ane tetexikɨtsata mukaxɨri meyu temamáwietɨ meni nake niuki. ¹⁷ Mɨkɨ mekwa hananatɨka, inɨatsikatsie yamete hautetere, ke pauka memuta inɨatsiwa, me manuku weweiyarɨwa niuki tsie mieme ya pauka mena nunuwani. ¹⁸ Hipatɨta muka etsie xuyatsata ikɨta niuki meniu enieni. ¹⁹ Heiwa arika kwiepa timieme, tumini waɨkawa heiwa akaikɨ niuki hetsieni kaniu kwini paɨna tixa ɨhetsiena kwatiu hekɨarixɨ. ²⁰ Ke ane muka etsie kwiepa ait anekɨa, mɨkɨ me kani hɨkɨtɨni ke ane niuki memu eni, paɨna tsiere memi nakixɨ mɨkɨ waɨkawa ikwaxi niuti xuawe hipatɨ 30, hipatɨ 60, hipatɨ 100 pamexa anutiwekame kepame tiuka etsie. Mɨkɨ me kani hɨkɨtɨni ke ane niuki memu eni paɨna tsiere memi nakixɨ. ²¹ Ketsutsi tiwaruta hɨawixi xeme kɨxeme xete Kweiyu hawai xemei utakɨ, maxi kewa ma tewa mu xekatei keni muye hekɨarekɨ. ²² Tita ti awietse katini hekɨarimɨkɨ. ²³ Xeitɨ xɨka hau enamɨkɨni ke ú ená. ²⁴ Mɨkɨ tiwara hɨawe: xene ti enanakareni ke xe te kɨ ɨkitɨriwa, ke xete heti enanani paɨ xe te pitɨarieni waɨkawa maxi xetanu pitɨarieni. ²⁵ Ke ane metí enatɨyeika, waɨkawa teti maimɨkɨ, ke ane kaheti enatɨyeika tita mɨti mate kati kanamiyariemikɨ. ²⁶ Ketsutsi mutayɨ: kakaɨyari uximayatsika ipaɨ katinuyu hekɨareni, kepauka tewi muka etsa imɨari kwiepa. ²⁷ Mɨkɨ mau kukutsu, manukukeka, yɨxakita, hekɨta, imɨari muti neika, mutɨwewere mɨkɨ etsame mukwarakumate titakɨ ²⁸ Kwie mutiuti xuxuawitɨwa yɨxaita, xama yari meri, utɨmana xitarixari utimana ikɨriyari. ²⁹ Mɨkɨ ixeiyatɨ ke itsanaxa maye á; kanika itsanamɨkɨ ³⁰ Mɨkɨ mutayɨ: kepaɨ tete í inɨatawe kakaɨyari uximaxa tsikaya, ke anɨyɨneme ɨxatsika teputá xata temita hekɨatakɨ. ³¹ Mostaza imiɨariyari hapaɨ katiniuyu matsiɨkireni, mɨkɨ inɨari kanineneka, kepauka muka etsieni kwiepa. ³² Ke pauka muka etsiene muta were waɨkawa utewitɨ kanayeimɨkɨ, naime iteɨrite wara iwatɨ. Wikixi meninietɨ yu itua me niuti wewieni hetsiena xamayari tsie. ³³ Waikawa ɨxatsikati tiwaku xaxatiwakai, hipatiyu iyaritsie memanu pitiakai ma mi enieni niuki. ³⁴ Mɨkɨ naime tiwaku xaxatɨwaki ɨxatsika kɨkei, mɨkɨta yu nɨarima ya xaita yatiwara hɨawekai kepaɨtɨtɨ manɨ yɨnekai ɨxatsika. ³⁵ Ana ukataikaireku mɨkɨ katiwaruta hɨawe hanu anɨtaɨye tepanɨkɨne. ³⁶ Ketusti nɨarimama menei witɨni anɨtaɨye kanuwatsie meniwuruku eirieni wakawa. Hipatɨ menekɨne wa utɨa kanuwatsie. ³⁷ Haramaratsie me u hukaku kaniuka wiyá waɨkawa ekamatɨ kwinimie tiuka yɨnetɨ ha kanuwatsie keneuka kukekaitɨnɨ kanita hɨniyaximekaitɨni. ³⁸ Kanuwa kɨtsapa Ketutsi me kutsukai, ya umieme nɨ arimana menenuta hɨtɨani ti hɨkitame peka taraunenimaya te ukayune temukwini me utiyuatɨ. ³⁹ Mɨkɨ anuta niereka eka, haramara katiniwaruta hɨawe kaiwatɨ nautamari ya uta yɨku kaiwatɨ kaniutamare. ⁴⁰ Mɨkɨ tiwaruta hɨawixi, yuri xekate erie, titakɨta xete hau mama. ⁴¹ Naitɨ meneu mamakaitɨni yamete u niereka meteni yɨk hɨawekaitɨni ke ane pɨhɨkɨ ikɨ eka, haramaramatɨa mepei enie.