¹ Kepauku yatemuritsie ketsutsu makanetsie, waɨkawa meyumumuiretɨ menenuku wiya mɨkɨ. ² manata hatsɨana kaninuani xeitɨ leproso, hɨxiena kaniuti tunumakeni ipaɨ haitɨ: "neukiyari ɨkɨ pepunetsi itiewe". ³ Kani mayɨani yumama ' uta hanaka, ipaɨ haitɨ: nepaɨ nepurayɨ hɨawe. Aixɨ keneuta yɨki. "yapauku mɨkɨ kaniuta itiere yu lepratsie. ⁴ Jesús tita hɨawixɨ mɨkɨ: "aixitsɨ tkɨ xeimeta tsipekwara hɨaweni. 'a huyetá kenemieni, paɨna sacerdote hatsɨa kene'a hekɨata, ofrenda keneye xata mɨkɨ Moisés kemutiɨnɨ'a, mɨkɨ lasuni meteta'erienikɨ." ⁵ Kepauku Jesús Capernaúm mauta hakairi, hatsɨana kaninumi kuyaxi wa ukiyari tiwawirietɨ, ⁶ ipaɨ rehɨawetɨ: "ne ukiyari, kita peyeká ne uxima yatame, tseritɨ paɨna waɨkawa purekakukuine." ⁷ Jesustá tita hɨawixɨ: "ne nepuyemie paɨna aixɨ nepei yurieni." ⁸ Kuyaxi wa ukiyari kanita eiya ipaɨ kaniuta yɨni: "ne'ukiyari nenekwa yɨwe nekie pemauta hakenikɨ; ne uximayatame aixɨ kani yɨmɨteɨ xɨka niukipe 'utaterɨwa. ⁹ Ne siere xeiti 'uki nekani hɨkɨtɨni, ne ukiyari siere nekane xeiyani paɨna kuyaxi ne neware xeiya ne hetsie mete'a wiyame. Ne netita hɨawe ikɨ: 'Nemie,' mɨkɨ muye mie; puɨna xeime, 'ka'u' mɨkɨ mayani; ne uximayatame'ta: 'paɨteu yuri' mɨkɨ paɨ tiyurieni." ¹⁰ Kepauku mu'enaxi Jesús, kani hɨxiyakaitɨni mɨkɨ paɨna ke'ane memi weiyakai tini waruta hɨawe: "ya'umiemekɨ ne nexera hɨawe xeme, xeime nekwa'ka xeiyawe isaraeltsie fe paɨ rexeiyame. ¹¹ ipaɨ nexera hɨawe, ta tserieta paɨna ta 'utata waɨkawa mena kɨnixɨamɨkɨ, mesatsie meniuti yaxikuni Abraham, Isaac paɨna Jacob matɨa, kakaɨyari yuawitsie re uximayatsie. ¹² Pertsɨ reino niwemama takwa mɨyɨwitsie me neuye xɨriyamɨkɨ, muwatsuari metixuawiretsie paɨna tamete metiyuanetsie." ¹³ Jesús tinita hɨawe mɨkɨ kuyaxi wa ukiyari: "keneu mieniri ekɨ kepetiuta eri, paɨmɨ kate yɨmɨkɨ 'ahetsie mieme." Ana paɨti mɨkɨ ti uximayatame aixɨ kaniu itɨarieni. ¹⁴ Kepauku Jesús muta'a Pedro kie, mɨkɨ kani xeiya Pedro warɨkaɨya kɨrixiekame mukakaime. ¹⁵ Jesús mamaya muwi, kɨrixiyata kaniku eirieni mɨkɨta anukukeka mɨkɨ kaniti xɨamayatatɨ yani. ¹⁶ Kepauku muka taikairixɨ, teuteri Jesús meni'atɨirieni waɨkawa memu'uximatɨarietɨkatei itaikarixi wakɨ. Xei niukikɨ mɨkɨ naime espiritutsixi kaniwaraye weiya paɨna aixi kaniwarutiyurieni meyunaime ke'ane memu te'kukuyekai. ¹⁷ ikɨtsie katayuye'atɨani mɨkɨ profeta Isaias kemuta yɨkairi, ipaɨ haitɨ: "mikɨ xeikɨa katanu piní ta ikwiniya paɨna ketete'uka kwikwinekai naime kaniuti tɨni." ¹⁸ Nikɨta, kepauku Jesús waru xei mɨkɨ auriena meyumɨiretɨ mema utɨkatei, mɨkɨ yakatiniwaruta'hɨawe mɨkɨ Galilea haramarayaritsie anɨtaiye paitɨ memanɨkɨnekɨ. ¹⁹ Hatsɨana siere xeitɨ escriba kani nuani paɨna niuta yɨni: "Ti ɨkitame, ne ne'atsi hanuku weiya kepetikamieni". ²⁰ Mɨkɨ Jesús tinita hɨawe: "kauxaitsi yuterɨt tameme xeiya, paɨna wikixi ta heima memu'uwa yu itua meme xeiya, perotsɨ ikɨ uki niweya kwa hexeiya kewa mauti mu'uta." ²¹ Xeiti Discípulo siere katinita hɨawe mɨkɨ: "ne ukiyari, neneu pitɨa nepapameri nemu teukimiekɨ." ²² Perota Jesús tinita eiya: nenauku weiya, niwaru hayewa mɨkɨ mɨkite yu mɨkite mewakateukukɨ." ²³ Kepauku Jesús kanuawatsie mauta'ha, discípulo mama meneuta haxɨani hamatɨana. ²⁴ manata kaniuyu tsutɨani haramaratsɨe witari, ya'umiemekɨ mɨkɨ kanuma hatsinari kanenka naximekaitɨni. Jesústa mukutsukai. ²⁵ Discípulomama menakɨne hatsɨana paɨna me nenuta hɨtɨani, mete hɨawetɨ: "¡ta'ukiyari, tanauta wikweistɨa; itepu kwiximeri!" ²⁶ Jesústa tiniwaruta hɨawe: "¿titakɨ xete mama, xeme waɨka fe xekahexeiya?" Mɨkɨta anukukeka mɨkɨ eka paɨna haramara kaniuta tieni utɨmamata kaiwatɨ kaniuta mare. ²⁷ Ukitsi mɨkɨ meni hɨxiyakaitiuni paɨmeniuti yuani: "¿ke'tita ukiyari ikɨ pɨhɨkɨ. eka paɨna haramara mepei'enie?" ²⁸ kepuku muta'a Jesús antaiye paitɨ Gadarenotsixi wa kwieyaritsie, hutatɨ ka'hauyu marie mewaraka wɨtɨatɨ meneiku naketɨ. Kɨné memuka teukiwatsie me'ati neikatɨ waɨkawe meni tɨrɨkawikaitɨni, ya'umiemekɨ xeitɨ mana huyeta kwa'uye yeikakai. ²⁹ Me'uti hiwatɨ ipaɨ metenita hɨawe: ¿Jesús kakaɨyari niweya titakɨta petati'uximatɨa? ¿Tukari kuxi ka'aye awekaku petitunua 'uximatɨanike? ³⁰ Tewa paitɨ waɨkatɨ tuixuri meteni kwatɨwekaitɨni. ³¹ Merikɨtsɨ meka hauyu maririe Jesús mekani tsuariwi yakaitɨni ipaɨ me'uti yuati: xɨka petatsi 'aye weiya ketanau pitɨa iya tuixuri wa hetsie temauta haxianikɨ. ³² Jesús tini waruta hɨawe: xekene huni, meka hauyu maririeta menaye kɨne, tuixuri wa hatsɨa mene kɨneta; merikɨtsɨ naitɨ tuixuri meniuyuta maruta tekɨata haramaratsie menaɨ xɨrieni, naɨtɨ hata meniu kwini. ³³ Ke'aneta tuixuri mewa hɨkai meniuta yuxɨani, kɨekaritsie ta me'uta axɨaka, naime yameteniu xata paɨna kemɨtiɨ yɨkai wahetsie ke'ane me hauyu maririe mewaraka wɨtɨakai. ³⁴ Merikɨtsɨ naitɨ kiekatari Jesús meneiku naketɨkɨne; kepauku memi xeitsie, ke nayeye'i ta kiekaritsie metenita hɨawe.