¹ ¿Kera neika kakaku teyuaɨmɨ aixɨ te kateyu xaxatɨwa? ¿Haxa xeteyɨkɨhɨawekɨ xe iyoritsie ya xekate xɨa aɨmɨ xehɨkɨate xeteyukuinitɨatɨ? ² Xeme tita xekatehéxeiyatsie xemauhewe'erie xeme xeteyukukuya xete uweiya tita xeka te hexeiya xeme xeyukuitɨwe xeyutate atɨ, xeme xekatehexeiya kakaɨyari xekaeha wawiriwakɨ. ³ Xeme xetewawa xe kuatehaunpine, tsiti aneneme xetewawakɨ, me itaxɨtɨaike tita kuiepa timiemetsie. ⁴ Xeme xexɨrikitɨka xeme xekuate hakumate nake'eriya kuipa timieme Kakaɨyari enemigoya kanihɨkɨtɨni. ⁵ Ya'i kename ikɨ utɨárika yakɨ maine, mɨkɨ Espíritu ta'hetsie mu katseistɨ, ta'hetsie muyeyeikanikɨ waɨkawa kaneu ɨtetsaka waɨkawa tatseuye hɨwakɨ. ⁶ Kakaɨyari maxi waɨká gracia tatsipitɨa, paɨna tsiere utɨárika paɨmaine: "Kakaɨyari kaniwanewieka me mauyɨ'ɨtɨka hatsɨa, gracia pipitɨa ke pai ka hauyu'ɨ". ⁷ Ya umiemekɨ, Kakaɨyari'tsie xekenakaɨka. kahauyumarie xenenewieka, kaniyutaunamɨkɨ xehetsie. ⁸ Xenakɨkani hura Kakaɨyari'hatsɨa, xehatsɨa hura kani yeyeimɨkɨ. xemamate xeneitieka, xeme xexɨrikitɨka, xe'iyari xeneitieka, xeme aixɨ'xekateuiwawie. ⁹ Xeneyɨhɨaweni xeutihiwatɨ, xeutitsuatɨ! Xenanai xenayeitɨa tsuari hiwari temawierika hɨawiya. ¹⁰ Kakaɨyari hatsɨa xekeneyekɨkani xetitunumautɨ mɨkɨ kaxenaunku hapamɨkɨ. ¹¹ Tsixe kwateyu tamamatekeni xeyunaitɨ iwamarixi. Xɨka tewi yu'iwá hetsiemieme hetsiemieme tutaxata ya'í xɨka ya'iwá ukaxeiyatɨani, ta'Kakaɨyari Nɨarieya paɨna nɨari ka enietɨ kaniyɨaneni. Xɨka ekɨmaxi waɨká perayeaxe pera eriwani kenɨari nɨari kerauku uxa mɨkɨ yakwatikamie, pɨta itɨkame pekanayu yeitɨani. ¹² Xeitɨ xeikɨa kaniuweni nɨari tiyu pa+ɨritɨwatɨ paɨna itsɨkame, mɨkɨ Kakaɨyari kanihɨkɨtɨni mɨkɨ kataniuta wikweistɨaweni paɨna tatsita unawe, ekɨ keane pepɨhɨkɨ 'amare haxa petiyemate? ¹³ Xene'enanaka xeme ipaɨ xemutiyuane: "Tame hikɨ ya'í uxa'a ena kiekari tepuyehú xei witari mutepekuteni, te peyu hareruta, waɨká teputana'iwá". ¹⁴ Ke'ane ramate uxa'a kentiyɨni, paɨna a'tukari titatihɨkɨ? Ekɨ hai hapaɨ pakatiniyumatsiɨkɨreni xareu tereme xuhekɨatɨ kanitaparimɨkɨ. ^{15 17} Ipaɨ pɨta xeme xepaitɨkani: "Xɨka ne'Ukiyari netsipitɨaka, tame te puwikweweni paɨna ipaɨ tame teputeyurieni". ¹⁶ Kexenteyurienitsie uxa'atsietimieme xekwa hauyu'ɨka xeme, haɨyɨ ɨtɨ haxa katinianeni. Ya umieme mɨkɨ hepaɨstana kanixɨrikiyatɨni ke'ane aixɨ tiyuriwe xei hetsietɨtɨ yata katikamie.