1
1
2
3
4
من يوحنا الشيخ الى غايوس الحبيب الي احبه بالحق . ياحبيبي ,اريدك ان تكون موفقا في كل شي , وان تكون صحتك الجسديه قويه وزينه مثل صحتك الروحيه .وشكد كانت فرحتي كبيره لمن اجوي بعض الاخوه المسافرين وكالولي انت دتمشي بحسب الحق , وشهدو للحق بيك ! وشكد جبير الفرح الي يترس كلبي من اسمع الاخبار الطيبه الي تأكد انو اولادي يمشون بحسب الحق !
5
6
7
8
فيا حبيبي ,ان معاملتك الزينه للاخوه وللغربه ادل على انو انت دتتصرف بأمانه تجاه الله.وهذوله الاخوه ,شهدولك كدام الكنيسه ,شهاده حلوه لمحبتك . فأنت دتسوي زين اذا انطيتهم شنو يحتاجون اله بالسفر . فأنت تعرف انه هذا يرضي الله , لانو هذوله طلعو من اجل خدمة المسيح , وهما ما ياخذون اي مساعده من غير المؤمنين . فعلينا احنا ان نرحب بمثل هشكل ناس حتى يكونون صحيح شركاء الهم في خدمة الحق.
9
10
كتبت كلمه للكنيسه بخصوص هذا الشي لكن ديوتريفوس, الي يحب ينصب نفسه عليهم رئيس مايقبلنا. لهذا ,راح الفت الانتباه الى الاعمال الي راح اكوم بيها ,لمن اجي . هو دينشر ضدنا تهم كذابه, يحجي بطريقه خبيثه .وهو مايكفي هذا ,بعد ديرفض استقبال الاخوه المسافرين .وديمنع حتى الي يريدون يرحبون بيهم ويطردهم من الكنيسه.
11
12
فيا حبيبي ,لا تمشي وره الشر, لكن كل ماهو خير .لان الي يسوي خير, يكون ويه الله .والي يسوي شر يبين انو هو مايعترف بالله نهائي. لكن ديمتريو س فكلهم يكولون شهاده طيبه . حتى الحق نفسه يشهد اله. واحنا هم نشهدله وانتو تصدكون بما نشهد بي.
13
14
15
جان عندي هوايه اشياء اكتبها ,الك لكن مااريد ان اكتبها هنا بالحبر والقلم . فأتمنى ان نتشاوف عن قريب ونحجي وجه لوجه ! تحياتي الك ! الاحباب هنا يسلمون عليك وسلم على كل واحد من عدهم بالاسم.