1
من عند سمعان بطرس عبد يسوع المسيح و الرسول تاعو, للناس اللي عطاهم الهنا ومخلصنا يسوع المسيح ايمان غالي كيما مد لنا احنا بالذات,
2
ليكم نعمة فايضة وسلام كبير كي عرفتوا الله و يسوع ربنا. تأكيد الدعوة الالهية والاختيار الالهي
3
و زيد القدرة الالهية تاعو مدت لنا كل ما لازم للحياة و للتقوى, و هاذا على خاطر عرفنا اللي نادانا بالجاه و الفضيلة,
4
اللي بيهم وهب لنا اغلى العهود واعظمها, اللي بيهم نهربوا من لفساد اللي تنشروا الشهوة في الدنيا, و نوليو شركاء في الطبايع الالهية.
5
و على هاذا بالذات- ديروا مجهودكم- باه تزيدوا على الايمان تاعكم فضيلة, و تزيدوا على الفضيلة علم,
6
و تزيدوا على العلم عفة, و تزيدوا على العفة صبر, و تزيدوا على الصبر مخافة الله,
7
و تزيدوا على مخافة الله الاُخوة, و تزيدوا على الاُخوة محبة.
8
على خاطر اذا كانت فيكم هاذي الفضايل الكل و على قد ما تكثر, تجعلكم نافعين و مثمرين و تعرفوا اكثر ربنا يسوع المسيح.
9
و اللي ما عندوش الاخلاق هاذي, هو اعمى و ما يشوفش بعيد, و نسى باه ينظف روحو من الذنوب تاعو اللي دارهم قبل.
10
على هاذيك ديروا كل ما في مجهودكم باه تثبتوا باللي الله ناداكم و خايركم. على خاطر الا درتوا هاذا الشيء ما تطيحوش خلاص.
11
و هكا يتفتح الباب قدامكم على وسعو باه تدخلوا للملكوت الدايم تاع ربنا و مخلصنا يسوع المسيح. الوحي المقدس
12
و على هاذيك انا نحرص دايما باه نعاود نفكركم يهاذي الامور, حتى و اذا كنتوا عارفينها و مثبتين في الحق اللي عندكم.
13
و ما دامني مازلت في هاذي الدنيا من حقكم ديما نفكركم و نوصيكم,
14
و انا عارف باللي ما بقاليش ياسر معاكم و نفارق السكنى تاع لبدن, كيما ورالي ربنا يسوع المسيح ثاني.
15
و ما دابيا حتى بعد ما نروح عليكم, دايما تتفكروا هاذي الامور.
16
على خاطر نهار اللي عرفناكم بالقوة تاع ربنا يسوع المسيح و بالرجوع تاعو ما كنّاش نتبعوا في الخرافات لملفقة, بالصح كنّا نشوفوا في الجاه تاعو قدام عينينا.
17
على خاطر هو ادى من عند الآب الكرامة و المجد, كي جاء ليه هاذا الصوت من عند الله تعالى: "هاذا هو وليدي لحبيب اللي بيه فرحت".
18
و احنا سمعنا هاذا الصوت من السماء, كي كنا معاه في الجبل المقدس.
19
و زدنا تأكدنا اكثر, من لكلام تاع الانبياء اللي عندنا, اللي تديروا مليح كي تثبتوا انتوما ثاني فيه, كيما اللي يمشي على كانكي يضوي بيه في الظلمة, حتى ن يطلع النهار, و يطلع كوكب الصبح في قلوبكم,
20
عالمين قبل كل شيء: باللي كل نبوءة في الكتاب المقدس, واحد ما يقدر يفسرها من عندو.
21
على خاطر عمرها ما جات نبوءة من ارادة انسان, بالصح الروح القدس اللي كان يقود في ناس الله القديسين باه يتكلموا.