¹ من عندي انا الشيخ, ل كيرية السيدة اللي خايرها الله, و ل اولادها اللي نحبهم في الحق, و موش غير انا برك, بالصح كل اللي يعرفوا الحق يحبوهم. ² على جال الحق اللي ثبّت فينا و راح يكون معانا ديما و للابد: ³ تكون لْكم النعمة و الرحمة و السلام من عند الله الآب و من عند الرب يسوع المسيح, وليد الآب بالحق و بالمحبة. سلوك الحق و المحبة ⁴ فرحت ياسر على خاطر شفت من اولادك اللي يمشيو بالحق, حساب الوصية اللي اديناها من عند الآب. ⁵ و نزيد نوصيك ضرك يا كيرية, ماهيش وصية جديدة, بالصح لوصية اللي كانت عندنا من لول: و هي نحبوا بعضانا. ⁶ و المحبة هي: كي نمشيو حساب واش وصانا. و هاذا هو الشيء اللي وصانا بيه: اللي من لول سمعتوه وتسلكوا فيه. ردوا بالكم من المضليلين ⁷ دخلوا للعالم ناس ياسر من المضلين, ما يستعرفوش بيسوع المسيح اللي جاء في الجسد. هاذا هو المضلل. و المسيح الدجّال. ⁸ اتولهوا على ارواحكم و ما تخلِوْش التعب تاعنا فيكم يروح باطل. خلي الاجر تاعنا يكون كامل. ⁹ كل من يتعدى و ما يثبتش في التعليم تاع المسيح ما يكونش الله من قسمتو. و اللي يثبت في التعليم تاع المسيح تكون عندو قسمة مع الآب و مع الابن مع بعضاهم. ¹⁰ اذا كان جاكم كاش واحد و ما جابش هاذا التعليم, لا تقبلوه ولا دخلوه للبيت و حتى السلام و ما تسلموش عليه. ¹¹ على خاطر اللي يسلم عليه يسمى مشارك في فعايلو الخبيثة. خاتمة ¹² عندي حوايج ياسر كنت حاب نقول لكم عليها, بالصح موش بالحبر و الورق, كي نجي نتكلمو فيها في الوجه خير, باه تكمل الفرحة تاعنا. ¹³ اولاد اختك المختارة يبلغولك السلام. امين