¹ من جيهة مساعدة الخاوة, يسمى فضول من جيهتي كي نكتب لكم على هاذا الموضوع. ² على خاطر نعرف كيفاه راكم متحمسين و انا نشكر فيكم لناس مكدونية, باللي اخائية واجدة من العام اللي فات. و الحماس تاعكم شجع ناس ياسر. ³ بالصح بعثت الخاوة باه ما يكونش الشكر تاعنا ليكم باطل من هاذي الجيهة, باه تكونوا واجدين كيما قلت. ⁴ باه كي يجيو معايا ناس مكدونية و لقاوكم مازال مش واجدين ما تحشموناش احنا ـ باه ما نقولش انتم ـ كي شكرناكم ياسر. ⁵ على هاذا شفت باللي ضروري يسبقونا الخاوة عندكم, و يوجدوا البراكة اللي قلتوا عليها من قبل. باه تكون ساجية من عند ناس كرماء مش بخلاء. ⁶ و تفكروا هاذا اللي يزرع قليل يحصد لقليل, و اللي يزرع الخير و البراكة يحصد الخير و البراكة. ⁷ كل واحد واش نوى في قلبو, مش تاع بالسيف و يندم على واش مد. على خاطر اللي يمد و هو فرحان يحبو الله. ⁸ و الله قادر يزيدكم من كل نعمة, باه تكونوا مكفيين دايما في كل شيء, و تزيدوا اكثر في كل صلاح. ⁹ كيما مكتوب: "فرق على الفقراء و كان كريم. الجود تاعو بيقى للدوام". ¹⁰ و الله اللي يمد الزريعة للفلاح و الخبز للجيعان, يبارك لكم في زرعكم و يكثروا و يزيد ثمار الجود تاعكم. ¹¹ و يغنيكم في كل شيء كل كرم منكم يخلق فينا الشكر لله. ¹² على خاطر كي تديروا هاذي الخدمة مش تسدوا احتياج القديسين برك, ¹³ بالصح يزيد يفيض الحمد و الشكر لله, و زيد برهان على ايمانكم, و يمجدوا الله على الطاعة تاعكم واعترافكم بانجيل المسيح, و على الكرم تاعكم ليهم و للناس الكل. ¹⁴ و يدعيو لكم بالخير, و يتوحشوكم على جال النعمة تاع الله الظاهرة فيكم, ¹⁵ الحمد لله على المعطى تاعو اللي ما نقدروش نوصفوه.