¹ كي عادت عندنا هاذي الوعود الكل يا لحباب مالا نطهروا ارواحنا من كل ما ينجس الجسد و الروح, و نكملوا القداسة في مخافة الله. الفرحة تاع بولس ² اعطونا مكان في قلوبكم. ما ظلمنا حتى واحد, و ما ضرينا حتى واحد, و ما طمعنا في حتى واحد. ³ ما نقولش هاذا لكلام باه نحاسبكم, على خاطر قلت لكم من قبل باللي راكم في قلوبنا, نعيشوا مع بعضانا و الا نموتوا مع بعضانا. ⁴ عندي ثقة كبيرة فيكم و فخر كبير بيكم. رغم كل الصعوبات اللي نعدِيو بيها قلبي فايض بالفرحة و متعزي بيكم ياسر. ⁵ على خاطر ملي وصلنا لمكدونية ما ذقناش الراحة كانت الصعوبات تجينا من كل جيهة: من لبرى الخصومات, و من الداخل الخوف, ⁶ بالصح الله اللي يعزي المتواضعين عزّانا كي جا لنا تيطس. ⁷ و ما فرحناش برك كي جاء بالصح فرحنا ثاني بالتشجيع اللي انتوما كنتوا سبة فيه, و كي قال لنا كيفاه توحشتوني و كيفاه حزنتوا و غاظكم الحال عليّا, و هاذا الشيء اللي زاد من الفرحة تاعي اكثر. ⁸ حتى اذا كان سببت لكم الحزن بالبرّية اللي بعثتها, ما ندمتش, بالصح ندمت في لول كي شفتكم حزنتوا. ⁹ ضرك انا فرحان, مش على جال الحزن تاعكم, بالصح على خاطر الحزن وصلكم للتوبة. و الحزن تاعكم كان من عند الله باه ما تنالوا منا حتى خسارة. ¹⁰ على خاطر الحزن اللي يجي من عند الله يوصل للتوبة اللي فيها الخلاص و ما عليها حتى ندامة. اما الحزن تاع هاذي الدنيا يوصل للموت. ¹¹ الحزن تاعكم هاذا بالذات هو من عند الله, شوفوا قداه خلق فيكم من اهتمام, و من اعتذار, و من ندم, و من خوف, ومن شوق, و من غيرة, و من عقاب. في كل شيء بينتوا باللي انتوما ابرياء في الامر اللي صرى. ¹² مالا انا ما كتبتش لكم على جال الظالم و لا على جال المظلوم, بالصح كتبت لكم باه يبان قدام الله التعب تاعنا على جالكم. ¹³ و احنا تشجعنا كي انتم تشجعتوا. بالصح زدنا فرحنا اكثر بالفرحة تاع تيطس, على خاطر لقى فيكم الكل الشيء اللي ريّح بالو. ¹⁴ و اذا كان فخرت ليه بحاجة من جيهتكم ما حشمتونيش, و كيما هدرنا معاكم انتوما بكل صراحة, ثاني حتى كان فخرنا بيكم قدام تيطس كنّا صادقين. ¹⁵ و تزيد لمحبة تاعكم في قلبو, كي يزيد يتفكر الطاعة تاعكم الكل, و كيفاه قبلتوه بخوف و رعدة. ¹⁶ انا فرحان كي حطيت ثيقتي فيكم في كل شيء.